vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
AVROPA  
01:11 | 25 may 2022 | Çərşənbə Məqaləyə 616 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Sabiq prezident saxlanıldı

İqor Dodonun qaynı da həbs olunub

MÖVZU İLƏ ƏLAQƏLİ

Moldovanın keçmiş prezidenti İqor Dodon dövlət xəyanəti ittihamı ilə cinayət işi çərçivəsində 72 saatlıq saxlanıb. Bu barədə məlumatı mayın 24-də Moldova Baş Prokurorluğunun sözçüsü Marianna Körpek verib.

Kreml Dodonla bağlı məlumatlardan “narahatlıq” bildirib. Sözçü Dmitri Peskov Moldova hakimiyyətini onun hüquqlarına hörmətlə yanaşmağa çağırıb.

***

Moldovanın keçmiş prezidenti İqor Dodonun evində axtarış aparılıb. Baş prokurorluğun sözçüsü Marianna Körpek sözlərinə görə, axtarış ev sahibinin iştirakıyla həyata keçirilib.

“Axtarış başa çatandan sonra prokurorlar onu həbs edib-etməməklə bağlı qərar verəcəklər”, – deyən sözçü Dodonun keçmiş dövlət başçısı kimi toxunulmazlığının olmadığını sözlərinə əlavə edib.

2016-2020-ci illərdə prezident olmuş, Rusiyanın dəstəklədiyi Dodon korrupsiya, qanunsuz varlanma, kriminal təşkilatdan siyasi ianə qəbulunda və vətənə xəyanətdə şübhəli bilinir. Yerli media bunu Baş Prokurorluğun sözçüsü Marianna Körpekə istinadla yazır.

Moldovanın Baş Prokuroru vəzifəsini icra edən Dumitru Robu Dodonun 72 saatlığa saxlandığını bildirib.

***

Dodonun qaynı Petru Merineanu da saxlanıb. Onun dəlilin bir hissəsini udmaq istədiyi bildirilir.

Dodonun Sosialistlər Partiyasının üzvləri mətbuat konfransı keçirərək ittihamları rədd ediblər. Onlar baş verənləri ictimaiyyətin diqqətini kasıblıq və sosial məsələlərdən yayındırmaq niyyəti güdən “ikiqəpiklik şou” adlandırıblar. Partiya üzvləri etirazlara çağırıblar.

Dodon 2020-ci ilin noyabrında qərbyönümlü, ABŞ-da təhsil almış siyasətçi Maya Sanduya uduzub. Sandu Qərblə münasibətlərin yaxınlaşdırılması tərəfdarıdır.

Avropanın ən yoxsul ölkələrindən olan Moldova martda, Rusiya Ukraynaya səbəbsiz hücuma başlayandan sonra Avropa İttifaqına üzv olmaq üçün rəsmən müraciət edib.

Qonşu Ukraynadan yüzminlərlə ukraynalı qaçqın Moldovaya üz tutub.