Rusiyada yanğınlar şübhəli şəkildə artmağa başlayıb.

Belə ki, Yaroslavl şəhəri yaxınlığında dünyanın ilk qadın kosmonavtı Valentina Tereşkovanın ev-muzeyi yanıb. İstintaq bunun qəsdən törədildiyini düşünür. Gecə saatlarında taxta evin zirzəmisində başlayan yanğın daha sonra əsas otağa keçib. Qeyd edək ki, Vladimir Putinin əsas dətkçilərində sayılır. O, illər öncə Rusiya Konstitusiyaya düzəlişlərin və prezidentin seçilmə şərtlərinin sıfırlanmasının tərəfdarı kimi çıxış etmişdi. Eləcə də, ilk qadın kosmonavt, Dövlət Dumasının deputatıdır. Tereşkova həmçinin Krımın ilhaqını dəstəkləyib.

İkinci yanğın hadisəsi Moskva vilayətinin Elektrouqli şəhərində lak-boya zavodu baş verib. Yanğın 2,4 min kvadratmetr ərazini əhatə edib.

Digər hadisə – Buryatiya və Trans-Baykal diyarında Qusinoozyorskaya dövlət dairə elektrik stansiyasında baş vermiş qəza (yenə yanğın) səbəbindən elektrik enerjisi ilə bağlı problemlər yaranıb.

Sverdlovsk vilayətində isə qaz çəni partlayıb.

***

Bu arada ABŞ Konqresində ukraynalı pilotların “F-15” və “F-16”da təlim keçməsinə təşəbbüs göstərilib.

ABŞ konqresmenləri ABŞ-ın Ukraynaya bu cür silahların göndərilməsini nəzərdən keçirərkən ukraynalı pilotlara və texniki işçilərinə “F-15”, “F-16” və digər təyyarələrdə təlimə başlamağa icazə verən qanun layihəsi təqdim ediblər.