vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Hüseyn Cavid (1882 - 1941)

«İdealsız nicat ümidi-məhal...
«İttihad!» İştə ən böyük ideal!
Səni qurtarsa, qurtarır birlik,
Çünki birlikdədir fəqət dirlik!»

Hüseyn Cavid (1882 - 1941)
BÖHRAN  
01:25 | 28 iyun 2022 | Çərşənbə axşamı Məqaləyə 600 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Rusiya aviasiyasının qara günləri

ABŞ Ukraynaya orta və uzaqmənzilli yer-hava tipli NASAMS raketləri verə bilər

MÖVZU İLƏ ƏLAQƏLİ

Böyük yeddilərin (G7) qrupunun liderləri bəyan ediblər ki, Vladimir Putinə və onun Belarusdakı müttəfiqinə təzyiqi artırmaq məqsədilə Moskva üzərindəki sanksiyaları zəruri olan müddətdə saxlayacaqlar.

Britaniya, Kanada, Almaniya, İtaliya, Yaponiya və ABŞ liderləri Almaniyada keçirilən sammitin ikinci günündə, iyunun 27-də açıqlanmış birgə bəyanatda bildirirlər ki, onlar sanksiyaların saxlanması və gücləndirilməsinə sadiqdirlər və bu məsələnin hər mərhələsində yekdil mövqedən çıış edəcəklər.

Britaniyanın baş naziri Boris Conson deyib ki, əsas məqsəd Putinin təzyiq altında saxlanmasıdır:

“Biz Putinin heç bir cəzasız başqa ölkənin suveren torpaqlarının böyük tikələrini qəsb etməsinə yol verə bilərikmi? Bunun nəticələri tamamilə dəhşətli ola bilər. Mən insanlara izah etmək istəyirəm ki, bəzən azadlıq üçün çox ağır bədəl ödəmək lazım gəlir”.

Bəyanatda deyilir ki, G7 liderləri Rusiyanı beynəlxalq bazarda tamamilə təkləmək və onun mövcud sanksiyalardan yayınmasının qarşısını almaq əzmindədirlər.

***

Liderlər habelə Rusiya enerjisindən asılılığın azaldılmasının, Moskvanın xüsusilə hərbi sənaye üçün lazım olan texnologiyalardan məhrum edilməsinin mühümlüyünü vurğulayıblar.

Bundan başqa hərbi cinayətlər üçün məsuliyyət daşıyanların fərdi sanksiyalarla hədəflənməsi qərara alınıb.

Hazırda G7 qrupuna sədrlik edən Almaniya bildirib ki, yeddilər Ukrayna hökumətinə onun xərclərinin çəkilməsində dəstək verəcəklər.

İndiyədək Ukraynaya göstərilmiş büdcə yardımı 29.5 milyard dollar təşkil edib.

Bundan başqa G7 liderləri Ukraynanın müharibə nəticəsində məruz qaldığı dağıntıların aradan qaldırılmasına dəstək verəcəklərini deyiblər.

Bu arada CNN və AP etibarlı mənbələrə istinadən xəbər verirlər ki, ABŞ elə bu həftə Ukrayna üçün orta və uzaqmənzilli yer-hava raketləri aldığını bəyan etməlidir.

Ukrayna rəsmiləri bundan əvvəl NASAMS kimi tanınan raket hücumundan müdafiə sistemləri istəmişdilər. Bu sistemin raketləri 160 kilometrədək məsafəni vura bilir.