vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Azadlıq və istiqlaliyyət hər bir xalqın milli sərvətidir»

Heydər Əliyev (1923 - 2003)
DÜNYA  
21:40 | 13 iyul 2022 | Çərşənbə Məqaləyə 570 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Bayden Yaxın Şərq səfərinə İsraildən başlayıb

ABŞ prezidenti Körfəz Əməkdaşlıq Şurası üzvlərinin sammitində iştirak edəcək

MÖVZU İLƏ ƏLAQƏLİ

ABŞ Prezidenti Co Bayden Yaxın Şərq səfərinin ilk dayanacağı olan İsrailə səfər edib. Bu səfər zamanı o, İordan çayının Qərb Sahili və Səudiyyə Ərəbistanında daha uzun müddət olacaq. Təl-Əvivin Ben Qurion hava limanında rəsmi şəkildə qarşılanan Bayden ABŞ və İsrail arasındakı “dərin bağlantılardan” danışıb.

Bayden İsrail və fələstinlilərin iki dövlət planının həll yolunu dəstəklədiyini bildirib və ABŞ-ın İsrailin Yaxın Şərqə inteqrasiyasını dərinləşdirəcəyini deyib.

İsrailə səfəri zamanı Bayden müvəqqəti Baş nazir Yair Lapid və müxalifət lideri Benyamin Netanyahu ilə görüşərək və onlarla Körfəz ərəb ölkələri ilə havadan müdafiə imkanlarının inteqrasiyası da daxil olmaqla, İranla bağlı təhlükəsizliyi müzakirə edəcək.

İordan çayının qərb sahilində Bayden Tramp administrasiyasının yardımı kəsməsindən və Qüdsdəki ABŞ konsulluğunu bağlamasından sonra Fələstin Muxtariyyəti ilə münasibətləri bərpa etməyə çalışacaq.

Daha sonra Bayden Körfəz Əməkdaşlıq Şurasının üzvləri – Bəhreyn, Küveyt, Oman, Qətər, Səudiyyə Ərəbistanı, Birləşmiş Ərəb Əmirlikləri, Misir, İraq və İordaniya ilə Səudiyyə Ərəbistanının Ciddə şəhərində keçiriləcək GCC+3 Sammitində iştirak edəcək.

Bayden Səudiyyə Ərəbistanı ilə əlaqələri bərpa etmək üçün Kral Salman və vəliəhd şahzadə Məhəmməd Bin Salmanla görüşə hazırlaşır.