Rusiyada çaş-baş qalıblar
Trampın Suriya qərarı nə deməkdir?
F.MƏMMƏDOV
MÖVZU İLƏ ƏLAQƏLİ
-
“İqtisadiyyatlar ksenofobiya səbəbindən durğunlaşır”
Bayden deyir ki, Hindistan, Yaponiya, Çin və Rusiya immiqrantları istəmir
-
Oğurluqda günahlandırılır
Süni intellektə qarşı müəllif hüquqları iddiası qaldırılıb
-
6.5 milyard dollarlıq vəd
“Johnson & Johnson” anlaşma təklif edir
-
Sağ qalmaq üçün böyük düşünmək lazımdır
Regionda Fransanın təsir dairəsində olan ölkələr məğlubiyyətə məhkumdur
-
“İki dövlət həlli artıq çox çətindir”
Tramp “Time”a danışıb: “Nəticə ala bilməsələr, digər ordu birləşmələrini işə salacağam”
-
“Zombi maral xəstəliyi” epidemiyası
ABŞ-nin 50 ştatının 33-də müşahidə olunan virus insana yoluxurmu?
-
Qarğa səsli “bülbül”
Rusiya mediası Ermənistan-Azərbaycan yaxınlaşmasına qərəzlidir
-
Reseptlə satılacaq
ABŞ-də tarixi “marixuana” hazırlığı
-
3,4 milyard dollarlıq təlatüm
Keçən il 60 yaşdan yuxarı 100 mindən artıq ABŞ vətəndaşı fırıldağın qurbanı olub
-
“Türkiyənin Rusiyadan başqa prioritetləri var”
ABŞ mediası: “NATO mümkün müharibəyə hazırlaşarkən daxili problemlərlə mübarizə aparır”
-
Seçkiqabağı sorğu həyəcanı
Tramp və Bayden arasındakı uçurum dərinləşir
-
2027-ci il kabusuna hazırlıq
Böyük müharibədən əvvəl qızıl tədarükü – Çin 17 ayda rekord qırdı
-
Ukrayna cəbhəsində kritik ay
Putin andiçmə mərasiminə və Qələbə gününə hədiyyə kimi Çasov-Yar təpələrini istəyir
-
Rusiyanı gözləyən təhlükə
Ukraynadan qayıdan əsgərlər tərəfindən törədilən qətllərin sayı 9 dəfə artıb
-
Türkiyənin namizədi bəlli oldu
NATO Stoltenberqin varisini müəyyən etməyə tələsir
-
Makron NATO-ya inanmır?
Fransa prezidenti yenə “ortaq Avropa müdafiəsi”ndən dəm vurur
Rusiya prezidentinin mətbuat katibi Dmitri Peskov jurnalistlərə bildirib ki, ABŞ prezidenti Donald Tramp Suriyada təhlükəsizlik zonalarının yaradılmasına dair tapşırıq verərkən Moskva ilə məsləhətləşməyib.
«Vaşinqton bu məsələdə Moskva ilə heç bir məsləhətləşmələr aparmayıb, bu, onların suveren qərarıdır»-Peskov deyib. Kreml sözçüsünün bildirdiyin görə, ABŞ bu qərarla bağlı bütün mümkün nəticələri ölçüb-biçməlidir. Çünki belə zonaların yaradılması qaçqınların vəziyyətini daha da pisləşdirə bilər.
***
12:38
Xəbər verildiyi kimi ABŞ prezidenti Donald Tramp Suriyada təhlükəsizlik zonalarını yaradılmasına və münaqişə nəticəsində evlərini tərk edən insanların orada yerləşdirilməsinə dair planın işlənib hazırlanması üçün Dövlət Departamentinə, Pentaqona tapşırıq verilib. Planın hazırlanması üçün 90 gün müddət nəzərdə tutulur. Sənəddə deyilir ki, həmin təhlükəsizlik zonalarında yerləşdirilən suriyalılar repatriasiya, yaxud üçüncü ölkəyə yerləşdirilməklə bağlı prosedurların rəsmiləşdirilməsinin başa çatmasına qədər gözləyə bilərlər. Məqsəd Suriyadan ABŞ-a potensial qaçqın axınının qarşısının alınmasıdır.
Habelə Donald Tramp ABŞ-a mühacir qəbulunun 120 günlüyə dayandırılmasını, Suriyadan isə qaçqınların qəbulunun ümumiyyətlə dayandırılmasını təklif edir. ABŞ prezidentinin bu sərəncamı həm ekspertlərdə, həm hazırda Suriyada əsas aktyor olan Rusiyada çaşqınlıq yaradıb. Axı Suriyada təhlükəsizlik zonalarının yaradılması üçün ABŞ-ın bu münaqişəyə daha yaxından cəlb olunması tələb ediləcək. Təhlükəsizlik zonalarını yaratmaq üçün həmin bölgədə uçuşa qadağan zonası tətbiq olunmalı, qurudan mühafizə təşkil edilməlidir.
Həmin ideya Suriya münaqişəsinin ilk illərində Barak Obama administrasiyasında müzakirə olunub. Lakin mümkün riskləri və Birləşmiş Ştatların Suriya münaqişəsinə daha yaxından cəlb olunacağının qaçılmaz olduğunu nəzərə alaraq planın həyata keçirilməsinə başlamayıblar. Hazırda ABŞ-ın Suriya münaqişəsində iştirakı məhdud xarakter daşıyır. Birləşmiş Ştatlar beynəlxalq koalisiyanın tərkibində Suriyada İŞİD hədəflərinə ara-sıra hava zərbələri endirir. Suriyanın hava məkanına nəzarət Rusiyanın əlindədir, habelə Rusiya bu ölkədə hərbi iştirakını xeyli gücləndirib və quru əməliyyatlarına özünün muzdlu silahlı birləşmələri və xüsusi təyinatlı qüvvələri ilə cəlb olunub.
Bu baxımdan ABŞ Suriyada qaçqınlar üçün təhlükəsizlik zonaları yaratmaq istəyirsə hökmən uçuşa qadağan zonalar yaratmalı, quru müdaxiləsini həyata keçirməlidir. Belə müdaxilə isə Rusiyanın Suriyadakı kursuna qətiyyən uyğun gəlmir. Ona görə də Trampı «Putinin adamı» hesab edənlər indi çaş-baş qalıblar və ABŞ prezidentinin bu qərarını xoşagəlməz sürpriz hesab edirlər.
Rusiyanı Yaxın Şərq və Mərkəzi Asiya araşdırmalar mərkəzinin direktoru Semyon Baqdasarov deyir ki, Donald Trampın təklif etdiyi təhlükəsizlik zonaları Rusiya aviasiyasının Suriyadan sıxışdırılıb çıxarılması deməkdir. «Bu, bizim Trampın hakimiyyətə gəlişindən sevinən böyük optimistlərimizə cavabdır. Təhlükəsizlik zonalarında bizim aviasiyanın işini qadağan edəcəklər, məlum məsələdir ki, qanunsuz olaraq. Və Suriya aviasiyasını da o cümlədən»-Baqdasarov deyib. Hələlik Trampın planına Rusiya rəsmilərinin reaksiyası yoxdur.