«Yaman çox iclas var»
Tramp Ağ Evdə necə yaşayır?
MÖVZU İLƏ ƏLAQƏLİ
-
ABŞ-dan İrana yeni sanksiyalar
SEPAH üzvləri və həbsxana rəsmilərinin olduğu 12 nəfərlik siyahı
-
“Nüvə fəlakəti qapının astanasındayıq”
“Kubadakı raket böhranından bəri göründüyündən daha böyük risklə üz-üzəyik”
-
... 9 ABŞ şirkətinə sanksiya
Tayvana silah satışına görə...
-
Pentaqon qoşun göndərdi
Arktikada ABŞ-Rusiya rəqabəti güclənir
-
PUA-larda süni intellekt
Alyans kvant texnologiyasına üstünlük verib
-
“Prezidentlik öküz sürməkdən daha təhlükəlidir”
Donald Tramp Miçiqan ştatında seçicilər qarşısında çıxış edib
-
Şübhəli zərf həyəcanı
17 ştata içərisində şübhəli maddə olan məktublar göndərilib
-
30 nəfər ölüb
Mafiya müharibələrində ölkə qan gölünə çevrildi
-
Məşhurlardan Kuba çağırışı
Bir çox keçmiş dövlət başçıları və tanınmış simalar Bayden məktub yazıb
-
Tramp yeni kriptovalyuta yaradır?
“World Liberty Financial” şirkəti yaxın vaxtlarda “$WLFI” adıyla ictimaiyyətə tanıdılacaq
-
“Sui-qəsd etməkdə azadsınız”
Trampa sui-qəsddə şübhəli bilinən Routdan İrana çağırış
-
“Məsuliyyətsiz ifadə”
Ağ Ev İlon Maskın Bayden və Harrislə bağlı zarafatına reaksiya verdi
-
Su-qəsdçi iki maddədən mühakimə olunacaq
Florida qubernatoru hadisəylə bağlı ayrıca araşdırma aparılacağını deyib
-
20 ildir ailəsini görmürdü
Çin 2006-cı ildən həbsdə olan amerikalı keşişi azad edib
-
Kreml nüvə silahına əl atarsa, ...
Biz taktiki nüvə silahları haqqında nə bilirik, Rusiya bunlardan istifadə edirmi?
-
Rusiya-ABŞ-Qərb tənliyi dağılmaq ərəfəsindədir
Münaqişə və məqsədlər artıq taktiki deyil, status və hətta mövcudluqla bağlıdır
«The New York Times» qəzeti yeni ABŞ prezidenti Donald Trampın Ağ Evə öncə həyəcan və qorxuyla yanaşdığını, amma indi çox şeydən xoşlandığını yazır. Bu haqda qəzetə prezidentin köməkçiləri, sonra da özü danışıb. Məsələn, D.Tramp Ağ Evdəki telefonları çox bəyəndiyini deyib: «Bunlar həyatımda gördüyüm ən gözəl telefonlardır».
«Ən təhlükəsiz sistem»
Prezidentin xoşuna gələnlərdən biri də yeni evindəki təhlükəsizlik sistemidir: «Dünyanın ən təhlükəsiz sistemi… sözlər də ağızdan çıxan kimi partlayır», – prezident gülərək əlavə edib. Bununla o, danışdıqlarını kimsənin qeydə almadığına, kimsənin onu dinləmədiyinə işarə edib.
«The New York Times» D.Trampla onun Ağ Evdə keçirdiyi 5-ci gün söhbət edib. Prezident burda da səhər rejiminin «Trump Tower»dəkindən fərqlənmədiyini, hər səhər saat 6-da oyandığını, televizora baxdığını (Ağ Evə ilk dəfə kabel televiziyası çəkilib), sonra iqamətgahın sol qanadındakı kiçik yemək otağına keçdiyini, qəzetləri – «The New York Times», «The New York Post», indi həm də «The Washington Post»u gözdən keçirdiyini söyləyib.
Ancaq Ağ Evdə toplantılar, D.Trampın dediyinə görə, onun öyrəşdiyindən tez – səhər saat 9-da başladığından o, televizora əvvəlki kimi çox baxa bilmir. Əvəzində, kitab oxumadığına görə axşamlar prezidentin televizora çoxlu vaxtı qalır.
Aradakı vaxt ərzində D.Tramp sərəncamlara imza atdığını, toplantılar keçirdiyini deyir.
«Yaman çox iclas var»
«Yaman çox iclas zalı var», – D.Tramp «The New York Times»a Ağ Ev haqda danışanda belə deyib. Qəzet prezidentin Kabinet otağı və Ruzvelt otağını nəzərdə tutduğunu ehtimal edir.
Müəllif Ağ evin D.Trampın gecələdiyi ən məşhur tikili, həm də onun öz mülklərindən sonra yeganə məşhur tikili olduğunu qeyd edir və bunun ona çox təsir etdiyini yazır. Öz mülkü də ekstravaqant və qızılı əşyalarla dolu olsa da, D.Tramp köməkçilərinə Ağ Evin əzəmətindən vəcdə gəldiyini, geniş otaqların bu başından o başına xeyli məsafə qət etməli olduğunu deyib.
Qəzet yeni prezidentin, hələ ki, daha çox Oval kabinetdə işləməyə, ya da oturub tamaşa etməyə üstünlük verdiyini yazır. Onun komandasının və ailəsinin üzvləri də belə edirlər. «Yanıma gələnlərin də burda bir qədər qalmaq, tamaşa etmək istədiyini görürəm», – D.Tramp belə deyib.
Bu rejimə öyrəncəlidir
«The New York Times» yazır ki, yaşadığı yerdə işləmək D.Trampa sələfləriylə müqayisədə daha asan olacaq. Çünki o, eyni binada yaşayıb-işləməyə 10 illərdir öyrəşib. D.Tramp hər gün «Trump Tower»in 58-ci mərtəbəsində yerləşən mənzilindən aşağı – 26-cı mərtəbədəki kabinetinə düşür, Mərkəzi Parka baxan iş otağına keçirmiş.
Keçmiş prezidentlərdən bəziləri Ağ evdə «dustaq» kimi qaldıqlarına etiraz ediblərmiş. Məsələn, Corc Buş havaya çıxmaqdan ötrü darıxdığını deyirmiş. «Amma cənab Tramp günlərlə təmiz hava almadan qala bilər», – «The New York Times» belə yazır.
Qəzet yeni prezidentin xanımı Melaniyanın elə inauqurasiyadan bir gün sonra 10 yaşlı oğlu Barronu da götürüb Nyu-Yorka qayıtdığını xəbər verir: «Beləliklə, Trampın dostu televizor və köməkçilərinin etirazlarına baxmayaraq, köhnə və heç də təhlükəsiz olmayan Android telefonudur». (Tərcümə: «Azadlıq Radiosu»)