Bağdad-Ər Riyad dialoqu
Tillerson İraqla Səudiyyə Ərəbistanının münasibətlərinin möhkəmləndirilməsinə çalışır
MÖVZU İLƏ ƏLAQƏLİ
-
Milyarderin edam hökmü ləğv edilib
Babək Zəncaninin əfv fərmanını Xamenei təsdiqləyib
-
Təcavüz etdikdən sonra öldürüblər
Meyiti 9 gün sonra morqda tapılan qızın dəhşətli sonu
-
Tehran Əsədi məcbur edir
Qonşu ölkələr tərəfindən rədd edilən rejim “qardaş”ının tələbinə boyun əyir
-
İranda timsah həyəcanı
Sel nəticəsində 8 nəfərin ölümü təsdiqlənib
-
“Haşdi Şabi”ni kim vurub?
Partlayış səsləri bu dəfə İraqdan gəldi
-
Tehran-İsfahan-Məşhəd arasında “gəzinti”
Zahidinin ölümündən əvvəlki səyahət marşrutu suallar yaradıb
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
İki general öldürüldü
İsrail İranın Dəməşqdəki konsulluğunu vurdu, Tehranda nümayişlər
-
İsrailin Hələbə hücumu
Onlarla rejim və Hizbullah yaraqlısı öldürülüb
-
Bizimlə dirəşən o birilərlə barışır
İran ətrafında halqa daralıb, sanksiyalar sərtləşib
-
İran elitasında parçalanma?
Uğurlu inqilab üçün əsas amil
-
Xalqa qarşı 9500 “Hizbullah”çı ...
Molla rejimi etirazçılara qarşı Yəmən, İraq və Əfqanıstandan terrorçular gətirir?
-
Mollaları silkələyən şüarlar...
“Biz hamımız Mohsen Şəkəriyik!”
-
İran odla oynayır ...
... yaxud bir Abbasılıq qiyməti olmayan yalan
-
İranı qarışdıracaq daha bir qətl
Sünni dini lideri qaçırdılar və üç güllə vurdular
-
HHM qarşılığında PUA
Rusiya və İran tam hüquqlu tərəfdaşa çevrilir
ABŞ dövlət katibi Reks Tillerson İranın regionda hərbi nüfuzunun artdığı bir vaxt Səudiyyə Ərəbistanı və İraq arasında münasibətlərin yaxşılaşdırılmasına çalışır.
Tillerson Ər-Riyadda Səudiyyə Ərəbistanı-İraq Koordinasiya Komitəsinin ilk iclasında iştirak edib. ABŞ dövlət katibi Səudiyyə Ərəbistanı kralı Salmana və İraqın baş naziri Heydər Əl-Abadiyə deyib ki, ikitərəfli münasibətlərin yaxşılaşdırılmasının böyük potensialı var. O, avqust ayında iki ölkə arasında əsas sərhəd keçidinin açılmasını və Bağdad və Ər-Riyad arasında birbaşa uçuşların bərpasını xüsusi qeyd edib.
«Bunların hər ikisi bizim ümid etdiyimiz kimi, münasibətlərin yaxşılaşdırılması və bir sıra məsələlərdə əməkdaşlığın gücləndirilməsi məqsədilə nəzərə çarpacaq bir sıra fəaliyyətlərin başlanğıcından xəbər verir. Sizin krallıq və İraq arasında münasibətlərin artırılması bizim kollektiv təhlükəsizliyin gücləndirilməsi üçün həyat əhəmiyyətlidir və biz bunda olduqca maraqlıyıq», Tillerson bildirib.
ABŞ-ın baş diplomatı deyib ki, Birləşmiş Ştatlar «bu inkişafa görə minnətdardır və regionda sabitlik naminə bu münasibətlərin genişləndirilməsinə çağırır». «Birləşmiş Ştatlar Səudiyyə Ərəbistanı və İraq arasında əməkdaşlığın davam etdirilməsinə dəstəyə hazır vəziyyətdədir və biz sizi təbrik edirik», Tillerson bildirib.
Səudiyyə Ərəbistanı kralı Salman deyib ki, «biz regionda ekstremizm, terrorizm, eləcə də bizim ölkələrimizdə sabitliyin pozulması cəhdləri kimi ciddi sınaqlarla qarşılaşırıq. Bu cəhdlər bizdən tam diqqət tələb edir…Biz qardaş ölkə olan İraqın birliyi və sabitliyinə dəstəyə sadiq qalırıq».
İraqın baş naziri Heydər Əl-Abadi iki qardaş ölkə arasında münasibətlərin yaxşılaşdırılmasına dəstəyini bildirib. «Regionda bundan sonra parçalanmalara dözümlülük yoxdur. Başqa ölkələrin daxili işlərinə müdaxiləyə son qoyulmalıdır», Abadi bildirib.
Əhalisinin əsas hissəsi şiələrdən ibarət olan İraq və sünni hökumət tərəfindən idarə edilən Səudiyyə Ərəbistanı arasında münasibətlərdə 1990-cı illərdə İraqın diktatoru Səddam Hüseynin Küveyti işğal etməsindən sonra on illərdir gərginlik mövcuddur. Lakin Səudiyyə Ərəbistanı 25 ildən sonra 2015-ci ildə Bağdadda səfirliyini açıb. Bu ilin fevral ayında isə sərhəd keçidinin açılması və iki ölkənin paytaxtları arasında uçuşların bərpasından sonra Səudiyyə Ərəbistanının xarici işlər naziri ölkəni ziyarət edib.
Lakin bütün bunlara baxmayaraq, Səudiyyə Ərəbistanı və İraq arasında münasibətlər İranın regionda hərbi əməliyyatlarına görə mürəkkəb xarakter daşıyır. Tehranın dəstəklədiyi hərbi dəstələr İraq təhlükəsizlik qüvvələrinə neftlə zəngin Kərkük şəhərinin kürd qüvvələrindən azad edilməsində keçən həftə yardım göstərib. İran eyni zamanda, Suriyanın şimalında İŞİD-in paytaxt elan etdiyi Rəqqadan ekstremistlərin çıxarılması əməliyyatlarına dəstək verir.