vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Səttar Xan (1866 - 1914)

«Türk milləti böyük bir daşa bənzər, çox gec qızar və gec də soyuyar»

Səttar Xan (1866 - 1914)
AMERİKA  
15:32 | 22 fevral 2018 | Cümə axşamı Məqaləyə 2096 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Tramp müəllimləri silahlandırmağa çağırdı

ABŞ prezidenti silah satışına nəzarəti gücləndirməyi vəd edib

Əvəz ZEYNALOV

MÖVZU İLƏ ƏLAQƏLİ

ABŞ prezidenti Donald Tramp Florida məktəbində törədilən qətliamla bağlı çıxışında müəllimlərin silahlandırılması təklifi ilə çıxış edib. Ağ Ev rəhbəri eyni zamanda artan silahlı insidentlər fonunda silah satışına olan dövlət nəzarətini gücləndirməyi vəd edib.

Fevralın 21-də Ağ Evdə baş tutan görüşdə eyni zamanda öldürülmüş uşaqlardan birinin atası iştirak edib.

Tramp silah əldə etməyə çalışan vətəndaşların sənədlərinin və tərcümeyi-hallarının hərtərəfli şəkildə yoxlanılması ilə bağlı aidiyyəti qurumlara tapşırıqların veriləcəyini bildirib.

Hər şeydən əvvəl, müştərilərin psixiki sağlamlıq durumları nəzərə alınacaq. ABŞ prezidenti bəzi müəllimlər üçün silahdan istifadə qaydaları ilə bağlı treninqlərin təşkil olunmasını təklif edib.

Trampın sözlərinə görə, bu müəllimlərin məktəbə potensial silahlı hücum zamanı müqavimət göstərmək və hücumu dəf etmək üçün vacibdir.

Xatırladaq ki, fevralın 14-də Floridanın Parklend şəhər orta məktəbində gənc tərəfindən törədilmiş qətliam azı 17 nəfərin həyatına son qoyub. Atəş açan şəxs polis tərəfindən həbs olunub. ABŞ mediası onun 19 yaşlı Nikolaz Kruz olduğunu bildirir.

Terror hücumundan sonra məlum olub ki, hələ yanvarın əvvəli anonim şəxs Federal Təhqiqatlar Bürosuna zəng edərək, Kruzun sosial şəbəkələrdə qəribə ismarışları və məktəbdə qətliam törətmək planları barədə xəbər edib.

Zəng edən şəxs eyni zamanda gəncdə odlu silahın olduğunu diqqətə çatdırıb. Habelə bu məlumatlara baxmayaraq, hüquq mühafizə orqanları silahlı insidentin qarşısını almaq üçün heç bir addım atmayıblar.