Şimali Koreya bəyan edib ki, ABŞ “birqütblü üstünlük strategiyasını həyata keçirmək” üçün Avstraliya, Yaponiya və Hindistanla Dördtərəfli Müdafiə Dialoqu (The Quadrilateral Security Dialogue – QUAD) Sammitini alət edib.

Koreya Mərkəzi Xəbər Agentliyinin (KCNA) xəbərinə görə, ölkə rəhbərliyi sentyabrın 21-də ABŞ prezidenti Co Baydenin ev sahibliyi etdiyi Dördlü Sammitlə bağlı sərt açıqlamalar verib.

Şimali Koreya Xarici İşlər Nazirliyinin sözçüsü, QUAD-ın ABŞ-ın “birqütblü hökmranlıq strategiyasını həyata keçirməsi” üçün siyasi və diplomatik kart olduğunu iddia edib: “QUAD, ABŞ-ın Soyuq Müharibə zehniyyətinin son məhsulu və inter-düşərgə münaqişəsi siyasəti, Asiya-Sakit okean regionunda mühüm alətdir”, – deyib.

Sözçü həmçinin vurğulayıb ki, “ölkəsinin suveren hüquqlarına, təhlükəsizliyinə və maraqlarına zərər vuran düşmənçilik hərəkətlərinə heç vaxt imkan verilməyəcək”.

Sentyabrın 21-də Baydenin ev sahibliyi ilə Delaverdə keçirilən QUAD Sammitindən sonra dörd ölkə Şimali Koreyanın raket və nüvə proqramını pisləyən və Koreya yarımadasının “tam” nüvə tərksilahına sadiqliklərini təsdiqləyən birgə bəyanat yayıblar.