ABŞ tarixində ən böyük terror aktı kimi qeydə alınan 11 sentyabr 2001-ci il hücumlarının qurbanları 23-cü ildönümündə Nyu-Yorkda təşkil edilən mərasimlə anılıb.

Keçmiş Dünya Ticarət Mərkəzinin yerləşdiyi ərazidə keçirilən mərasimdə ABŞ prezidenti Co Bayden, vitse-prezident Kamala Harris, ABŞ-ın keçmiş prezidenti Donald Tramp, vitse-prezidentliyə namizəd JD Vens, Nyu-York senatoru Çuç Şumer və Nyu-Yorkun keçmiş meri Maykl Blumberq iştirak ediblər.

Mərasim başlamazdan əvvəl 5 noyabr prezident seçkiləri üçün dünən axşam canlı yayımda ilk debatını keçirən Harris və Trampın əl sıxaraq bir-birini salamlaması diqqət çəkib.

Mərasim hücumda həyatını itirənlərin bir dəqiqəlik sükutla yad edilməsi ilə başlayıb, həlak olanların adları ucadan oxunub.

***

Sentyabrın 11-də səhər Nyu-York Manhetten adasında yerləşən şəhərin simvolu binaları olan Əkiz qüllələr kimi tanınan Dünya Ticarət Mərkəzinə edilən terror hücumlarına oyandı.

Nyuark, Boston və Vaşinqtondan havaya qalxan və San-Fransisko və Los-Ancelesə gedən 4 sərnişin təyyarəsinin qaçırılmasından sonra Los-Ancelesə gedən “American Airlines” sərnişin təyyarəsi yerli vaxtla saat 08.46-da Nyu-Yorkdakı Əkiz Qüllələrin şimal binasına çırpılıb.

Şimal qülləsi alov içində yanarkən, ilk hücumdan 17 dəqiqə sonra, saat 09.03-də canlı yayımda “United Airlines”a məxsus qaçırılan başqa bir təyyarə cənub qülləsinə çırpılıb.

Əkiz qüllələrə edilən hücumlardan sonra qaçırılan daha bir təyyarə ABŞ Müdafiə Nazirliyinin (Pentaqon) binasına düşüb.

Qaçırılan sonuncu təyyarə, “Flight 93”, Pensilvaniya ştatının Şenksvill kəndində F-16-lar tərəfindən vurulub.

11 sentyabr hücumları nəticəsində təyyarələri qaçıran 19 hücumçu istisna olmaqla, Nyu-York, Vaşinqton və Pensilvaniyada ümumilikdə 2977 nəfər həyatını itirib.