vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əbülfəz Elçibəy (1938 - 2000)

«Dil uğrunda mübarizə millətin son - ölməmək mübarizəsidir»

Əbülfəz Elçibəy (1938 - 2000)
AKTUAL  
18:33 | 25 noyabr 2016 | Cümə Məqaləyə 2607 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

13 faiz siqaret qaçaqmaldır

«Boş qutu» tədqiqatı həddindən artıq dolu olub – 1 milyard ədəd

MÖVZU İLƏ ƏLAQƏLİ

Tütün məhsullarının qaçaqmalçılığı böyük problemdir. Bu, həm dövlətlərə, həm istehlakçılara, həm də biznesə ziyan vurur. Ötən on il ərzində tütün məmulatlarının qaçaqmalçılığının miqyası bütün dünyada artaraq, digər qanunsuz fəaliyyət növlərinə rəvac verib.

Vaxt.az-ın xəbərinə görə, bu barədə JTİ (Japan Tobacco International) şirkətinin Azərbaycandakı nümayəndəliyindən bildiriblər.

Qeyd olunub ki, Azərbaycan da bu problemdən əziyyət çəkir: «Bu problemin miqyasını daha yaxşı başa düşmək məqsədilə 2015-ci ilin III rübündə ilk dəfə olaraq JTİ-ın sifarişi ilə «Boş qutu» tədqiqatı keçirilib. O vaxt nəticələrə görə kontrabanda tütün məmulatlarının bazarda payı 6,2 faiz idi. 2016-cı ilin I, II və III rüblərində bu tədqiqat təkrar edildi və nəticələr 12.6 faiz, 15.1 faiz və 11.8 faiz təşkil etdi. IV rübün nəticələri hələ məlum deyil, amma biz ilk 9 ayın nəticələrinə əsasən deyə bilərik ki, Azərbaycanda qaçaqmal tütün məhsullarının payı 13 faiz təşkil edir ki, bu da 1 milyard ədəd siqaretdən də çoxdur», - deyə şirkət qeyd edib.

«Boş qutu» tədqiqatı «Nielsen» şirkəti tərəfindən keçirilir. Bu, mənzil-qərargahı ABŞ-da yerləşən qlobal informasiya və tədqiqat şirkətidir və problem haqqında düzgün məlumat təmin edir. Tədqiqatlar Azərbaycanda tütün məmulatlarının qaçaqmalçılığı problemini öyrənmək və onun qarşısını almaq üçün faydalı məlumat mənbəyidir.

Qeyd edildiyi kimi, qaçaqmalçılıq mürəkkəb bir problemdir və tez-tez korrupsiya, mütəşəkkil cinayətkarlıq və hətta terrorçuluq və insan alveri kimi daha geniş cinayət hadisələri ilə sıx bağlıdır. Bu problemi ayrıca həll etmək mümkün deyil, ona görə də özəl və dövlət sektoru arasında əməkdaşlıq zəruridir. JTİ müxtəlif ölkələrdə məlumat mübadiləsi, təlim və potensialın artırılması proqramları vasitəsilə dövlət və qanunvericilik orqanlarını tütün məhsullarının qaçaqmalçılığı və saxta tütün məmulatlarının aşkar edilməsi sahəsində dəstəkləyir.

JTİ Azərbaycan Respublikası Dövlət Gömrük Komitəsi üçün də 2014-cü ildə tütün qaçaqmalçılığına qarşı mübarizə üzrə ayrıca təlim proqramı hazırladı və təlim keçmək üçün beynəlxalq ekspertləri dəvət etdi. Təlim Bakı, Quba, Lənkəran və Tovuz şəhərlərində keçirildi. Nəticədə, Rusiya, İran və Gürcüstan sərhədlərində çalışan gömrük əməkdaşları bu sahədə zəruri bilik və bacarıqlar qazandı. Bundan əlavə, 2015-ci ildə JTI Dövlət Gömrük Komitəsinin 5 əməkdaşının Almaniyanın Trir şəhərində saxta tütün məmulatlarının aşkar edilməsi mövzusunda təlimdə iştirak etməsini təmin etdi.

«JTİ olaraq kontrabanda haqqında məlumatlılığı artırmaq və dövlət qurumlarının bu problemə qarşı effektiv mübarizə aparması üçün zəruri bilik və bacarıqlar təmin etmək baxımından xeyli iş görmüşük», - deyə şirkət bildirib.