Türkiyənin Trampdan gözlədiyi 5 addım
«USA Today» qəzeti: «ABŞ Ankara üçün nə etməlidir?»
MÖVZU İLƏ ƏLAQƏLİ
-
“İqtisadiyyatlar ksenofobiya səbəbindən durğunlaşır”
Bayden deyir ki, Hindistan, Yaponiya, Çin və Rusiya immiqrantları istəmir
-
Oğurluqda günahlandırılır
Süni intellektə qarşı müəllif hüquqları iddiası qaldırılıb
-
6.5 milyard dollarlıq vəd
“Johnson & Johnson” anlaşma təklif edir
-
“İki dövlət həlli artıq çox çətindir”
Tramp “Time”a danışıb: “Nəticə ala bilməsələr, digər ordu birləşmələrini işə salacağam”
-
“Zombi maral xəstəliyi” epidemiyası
ABŞ-nin 50 ştatının 33-də müşahidə olunan virus insana yoluxurmu?
-
Reseptlə satılacaq
ABŞ-də tarixi “marixuana” hazırlığı
-
3,4 milyard dollarlıq təlatüm
Keçən il 60 yaşdan yuxarı 100 mindən artıq ABŞ vətəndaşı fırıldağın qurbanı olub
-
Aİ-dən “Dəmir Pərdə” xəbərdarlığı...
Çarlz Mişelin Türkiyə ilə bağlı açıqlaması dünyanın gündəminə damğa vurdu
-
“Türkiyənin Rusiyadan başqa prioritetləri var”
ABŞ mediası: “NATO mümkün müharibəyə hazırlaşarkən daxili problemlərlə mübarizə aparır”
-
Seçkiqabağı sorğu həyəcanı
Tramp və Bayden arasındakı uçurum dərinləşir
-
2027-ci il kabusuna hazırlıq
Böyük müharibədən əvvəl qızıl tədarükü – Çin 17 ayda rekord qırdı
-
Türkiyənin namizədi bəlli oldu
NATO Stoltenberqin varisini müəyyən etməyə tələsir
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
Türkiyə ilə ABŞ-ın münasibətləri hələ gərgin olsa da, durumu dəyişməyin yolları var. «USA Today» qəzeti ABŞ prezidenti Donald Trampın bundan ötrü cəmi 5 addım atmalı olduğunu yazır. Bu addımlar, daha doğrusu, Ankaranın ABŞ prezidentindən gözləntiləri haqda Türkiyənin baş naziri Binəli Yıldırım dünən – martın 9-da amerikalı jurnalistlərlə görüşündə danışıb.
1-ci addım «radikal islam terrorçuları» ifadəsinin gündəlikdən çıxarılması ola bilər. B.Yıldırım Birləşmiş Ştatların öncəki prezidenti Barak Obamanın bu fikir ayrılığı yaradan sözlərdən qaçdığını, amma indiki prezidentin onları çox tez-tez işlətdiyini vurğulayıb.
Fövqəladə vəziyyəti dəstəkləmək
«Pew Research Center» tədqiqat mərkəzinin məlumatına görə, Türkiyə dünyanın 6-cı böyük müsəlman ölkəsidir. «Türkiyə müttəfiqdir və müsəlmanlar haqda neqativ fikirləri qəbul edə bilməz», – deyə B.Yıldırım deyib. Nazir, məsələn, «İslam Dövləti» (İŞİD) silahlı qruplaşmasının daha çox müsəlman öldürdüyünü, belələrini, sadəcə, «qatil» adlandırmağın doğru olduğunu bildirib.
2-ci addım, nazirin sözlərinə görə, fövqəladə vəziyyətə tərəf durmaqdır. Keçən ilin iyulundan – Türkiyədə çevriliş cəhdindən bəri ölkədə fövqəladə vəziyyət elan edilib və hər dəfə vaxtı bitəndə bu durum daha 3 aylığına uzadılır. Minlərlə adam cəhdin arxasında dayananlarla işbirliyində günahlandırılıb ya həbsə atılır, ya da işdən qovulur. «USA Today» ABŞ-ın Türkiyəni çevriliş cəhdindən əvvəl də, sonra da avtoritarizmə doğru getdiyinə görə qınadığını, münasibətlərin həm də buna görə soyuduğunu xatırladır. Həm də çevrilişə cəhd edənlərdən bəziləri ABŞ-la Türkiyənin müştərək bazasında çalışan hərbçilər olub.
Baş nazir B.Yıldırım Türkiyədə kütləvi təmizləmə əməliyyatlarının hələ davam edəcəyini, dövlətin ölkəni ona sadiq olmayan şəxslərdən təmizləmək haqqına sahib olduğunu bildirib.
Gülənin ekstradisiyası
Türkiyədə fövqəladə vəziyyət aprelin 20-də başa çatır. Onun yenə daha 3 aylığa uzadılacağı gözlənir.
Çevriliş cəhdinin arxasında dayandığı iddia edilən Fətullah Gülənin ekstradisiyası Türkiyə hökumətinin həllini çoxdan gözlədiyi məsələlərdən biridir. İlahiyyatçı F.Gülən, hələ ki, ABŞ-ın Pensilvaniya ştatında yaşayır. İttihamları rədd etsə də, Ankara 270 adamın ölümünə səbəb olan çevriliş cəhdinin arxasında onun dayandığına əmindir. «Gülənin ədalət məhkəməsinə təslim edilməsi ABŞ-Türkiyə münasibətlərinin inkişafında başlanğıc olmalıdır», – B.Yıldırım belə deyib.
ABŞ-la Suriya məsələsində əməkdaşlığa nail olmaq Türkiyədən ötrü ən önəmli məsələlərdən biridir. Birləşmiş Ştatların Suriya qiyamçılarına «gərəkdiyi qədər» yardım etməməsi türk liderlərini yaman əndişələndirir. Vaşinqton Suriyada da İŞİD-lə savaşda daha çox kürdlərə bel bağlamağa üstünlük verir. Amma ABŞ-la əməkdaşlıq edən kürdlərin məqsədi öz dövlətlərini yaratmaqdır. Üstəlik, Suriyadakı kürd silahlı qüvvələrinin həm ABŞ, həm də Türkiyənin terrorçu hesab etdiyi kürd dəstələriylə bağlılığı Ankaranı narahat edir.
4-cü və 5-ci addımlar
B.Yıldırım deyib ki, Birləşmiş Ştatlar Suriyada Türkiyəylə birgə çalışmalı, ölkənin parçalanmasının qarşısını almalıdır. «Biz Suriyada kürdlərin, yaxud ərəblərin rəhbərlik etdiyi ayrı-ayrı dövlətlərin yaradılmasını istəmirik. Bu, fəlakət olar… buna yol verə bilmərik», – deyə nazir vurğulayıb.
Suriyada təhlükəsiz zonalar yaratmaq da Ankaranın çoxdankı arzusudur. B.Obama administrasiyası bu təklifə yaxın durmurdu, amma D.Tramp suriyalı qaçqınlardan ötrü təhlükəsiz zona yaratmaq istəyini bir neçə dəfə səsləndirib.
B.Yıldırım Suriyada təhlükənin sovuşmadığını, ona görə də belə bir zonanın yaradılmasında ABŞ-ın yardımına ehtiyacları olduğunu, detalların birgə müzakirəsinin vacibliyini vurğulayıb. «Əks halda, əldə edəcəklərimiz xeyirdən çox zərər verə bilər», – deyib.