Nazir oğlu təyyarəni havada geri döndərdi
Aeroportunun direktor müavini bu insidentə görə işdən azad edildi və həbs olundu
MÖVZU İLƏ ƏLAQƏLİ
-
Səddam “dirilir”?!
İraq parlamentində diktator və qadağan olunmuş partiya ilə bağlı qalmaqallar
-
18 min tarixi əsər qaytarılıb
20 il əvvəl talan edilən İraq muzeylərinin artefaktları ...
-
... Xomeyniçilik
“İrana biət”ə dəvət edən siyasi ideologiya ...
-
“İrandan yanacaq yardımı qadağandır”
“Dəyişdirilə, hədiyyə edilə və alınıb-satıla bilməz”
-
“Yaxın Şərq NATO-su” qurula biləcəkmi?!
Körfəzdəki müttəfiqləri ABŞ-ın milli təhlükəsizlik bağlı qarantiya vermədiyini düşünür
-
İraq İrana qarşı sanksiyalara qoşulub?
Ərbil aeroportu “Puya Air” təyyarəsinin enişinə icazə vermədi
-
İraqın Baş naziri İrana səfərdədir
Mustafa Əl-Kazımi Ər-Riyaddan birbaşa Tehrana gəlib
-
Bayden Yaxın Şərqə gedir
Gözlənilən səfər ABŞ-da yanacaq vəziyyətini yaxşılaşdıra bilər
-
Türkiyə PKK-nı vurur
İraqın şimalında “Pəncə kilid” əməliyyatı başlayıb
-
Ankara deyən oldu
ABŞ Suriyadakı mövqelərini Türkiyəyə verir?!
-
“Sülh dəhlizi”nə kim nəzarət edəcək?
Vaşinqton Ankaranın səbrini tükəndirib
-
SEPAH generalı öldürüldü
İsrail Iranın Hizbullah terrorçuları üçün Iraqda hazırladığı bazanı da vurdu
-
Bağdadi haradadır?
Terrorçubaşı sərhəd üçbucağında gizlənir
-
ABŞ-dan İraqa xəbərdarlıq
“... Əks halda koordinasiyasız addım atacağıq”
-
İraq İrana neft ixracatını dayandırdı
ABŞ sanksiyalarının növbəti fəsadı
-
“İrana girməliydik”
“Səddamı devirməklə səhv etdik, ...”
Belə görünür ki, məmur uşaqlarının harınlıq etməsi təkcə Azərbaycanda baş vermir. Hər gün onlarla adamın öldüyü İraqda da nazir uşaqları kefləri istəyəni edə bilirlər.
Məlum olub ki, İraq nəqliyyat nazirinin oğlu Beyrutdan Bağdada uçan sərnişin təyyarəsini hirslənərək havadan geri qaytarıb. Buna görə də ölkədə qalmaqal yaranıb.
Virtualaz.org saytı «Frans press»ə istinadən xəbər verir ki, Livanın paytaxtı Beyrutdan İraqın paytaxtı Bağdada uçan və «MEA Airlines» şirkətinə məxsus olan sərnişin təyyarəsi nəqliyyat nazirinin oğlunun göstərişi ilə Bağdad aeroportuna enmədən geri qayıdıb.
Xəbərə görə, martın 6-da Beyrutdan Bağdada uçan sərnişin təyyarəsi 6 dəqiqəlik gecikmə ilə saat 12:40-da havaya qalxıb. Gecikmənin səbəbi İraqın nəqliyyat naziri Hadi əl-Əmirinin oğlu Mehdi əl-Əmirinin təyyarəyə gecikməsi olub. Bütün anonslara baxmayaraq Mehdi və dostları təyyarəyə vaxtında çatmayıblar.
Nazir oğlu qapıya yaxınlaşanda təyyarənin artıq havaya qalxdığını öyrənib və qəzəblənərək «o təyyarənin Bağdada enməsinə icazə verməyəcəm» deyə qışqırıb. Nəticədə təyyarə havaya qalxandan 21 dəqiqə sonra Beyruta geri dönməli olub.
Hava yolları şirkətinin rəsmiləri insidenti təsdiqləyiblər və nazir oğlunun hərəkətinə görə sərnişinlərin həyatının riskə atıldığını deyiblər. İraq tərəfi isə əvvəlcə bildirib ki, təyyarənin enişinə Bağdad aeroportunda aparılan təmizlik işlərinə görə icazə verilməyib.
İraq Nəqliyyat Nazirliyinin rəsmisi nazir oğlunun adının sərnişinlərin siyahısında olmadığını deyib.
Lakin Bağdad aeroportundakı mənbə bildirib ki, həmin saatlarda aeroport adi iş rejimində idi və təyyarələri qəbul edirdi.
Bu gün isə Bağdad aeroportunun direktor müavininin bu insidentə görə işdən azad edildiyi və həbs olunduğu açıqlanıb. Onun təyyarənin Beyruta geri qaytarılmasında hansı rolunun olduğu açıqlanmır.
Aeroportun direktor müavini Samer Kubbanın elə dünən həbs olunduğu bildirilir. Baş nazir Nuri əl-Malikinin nümayəndəsi bildirib ki, Kubba «İraq dövlətinin imicinə mənfi təsir edə bilən hərəkətə görə» həbs olunub. Baş nazirin nümayəndəsi deyib ki, Nuri əl-Maliki təyyarənin Beyruta geri qaytarılmasına görə məsuliyyət daşıyanlar işdən azad edilib cəzalandırılmasını tapşırıb.