16:57 | 17 iyun 2022 | Cümə
Məqaləyə 979 dəfə baxılıb
Şriftin ölçüsü
Assanc ABŞ-a doğru
Böyük Britaniya “WikiLeaks” təsisçisinin ekstradisiyasına yaşı işıq yandırdı
MÖVZU İLƏ ƏLAQƏLİ
-
London ekstradisiya hökmü verdi
Culan Assancı ABŞ-da 175 ilədək məhbus həyatı gözləyir
-
London sanksiyalar hazırlayır
Britaniya tanker insidentini cavabsız qoymayacaq
-
Dünyada ilk internet müharibəsi başladı
Kataloniya hadisələri Berlin divarının yıxılmasından sonra ən böyük konfliktdir
-
Lenin Assancı haker adlandırdı
London polisi isə «Wikileaks»in qurucusundan əl çəkmir
-
Assanca qarşı istintaq dayandırıldı
Amma «Wikileaks»in qurucusunun həbs təhlükəsi qalır
-
«Wikileaks»in yaradıcısından ittiham
«Demokratların uduzmasının əsas səbəbi düzgün namizəd seçə bilməməsi oldu»
-
Tramp Assanca istinad edib
«14 yaşlı uşaq da Podestanın emaillərini ələ keçirə bilərdi»
-
«Bunu necə izah edə bilərsiniz?»
İlham Əliyev: «Asanj niyə hələ də Ekvadorun Londondakı səfirliyindədir?»
-
Prezident ABŞ jurnalistinə irad tutdu
İlham Əliyev: «Həmişə dünyanın adından danışmağı xoşlayırsınız»
-
Avropa - Karl(son)lar məskəni
Astrid Linqdrenin «krışa»da yaşayan qəhrəmanının müasirləri cinayətkarları qorxuzmaqla yox, əksinə onlara «krışa»lıqla məşğuldur
-
Assancdan kilsəyə ittiham
WikiLeaks-in yaradıcısı katoliklərin dini qurumunu casusluqda günahlandırdı
-
Böyük Britaniyanın Daxili işlər naziri Priti Patel cümə günü “WikiLeaks” saytının təsisçisi Culian Assancın kriminal ittihamlarla mühakimə olunmaqdan ötrü ABŞ-a ekstradisiyasını təsdiqləyib. Müdafiə tərəfi apelyasiya şikayəti verəcəyini deyib.
“Britaniyanın daxili işlər naziri “WikiLeaks”in təsisçisi Culian Assancı 175 illik həbslə üzləşə biləcəyi ABŞ-a ekstradisiyasını təsdiqləyib. Mətbuat azadlığı və Britaniya demokratiyası üçün qara gündür. Qərardan şikayət veriləcək”, – Wikileaks “Twitter”də yazıb.
ABŞ hökuməti 18 maddə ilə ittiham irəli sürüb və 50 yaşlı avstraliyalını “WikiLeaks”in 500 min gizli hərbi sənədi yaymasına görə mühakimə etmək istəyir. Bunlara “WikiLeaks” tərəfindən Vaşinqtonun həyatını riskə atdığını bildirdiyi çoxlu məxfi hərbi sənədlərin və diplomatik teleqramların yayımlanması ilə bağlı casusluq iddiaları daxildir. Həmin sənədlər İraq və Əfqanıstan müharibələrinə aid olub.
Tərəfdarları və vəkilləri isə Assancın jurnalist kimi hərəkət etdiyini deyirlər. Onun ifadə azadlığının müdafiəsini nəzərdə tutan Birinci Düzəlişlə hüquqlarının yarandığını bildirirlər. Sözügedən sənədlər isə ABŞ-ın İraq və Əfqanıstanda yol verdiyi hərbi səhvləri ifşa edib.
Daxili İşlər Nazirliyi bəyanatında Assancın apelyasiya vermək üçün 14 günü olduğunu bildirir. O, hələ də Londondakı Ali Məhkəməyə müraciət edə və nəticədə öz işini Böyük Britaniyanın Ali Məhkəməsinə çatdıra bilər. Lakin onun appellyasiya müraciəti rədd edilərsə, Assanc 28 gün ərzində ekstradisiya edilməlidir.
“Bu işdə Böyük Britaniya məhkəmələri Assancın ekstradisiyasının repressiv, ədalətsiz və ya hüquqdan sui-istifadə olacağını hesab etməyiblər. Onlar həmçinin ekstradisiyanı onun hüquqları, o cümlədən ədalətli məhkəmə araşdırması və ifadə azadlığı ilə ziddiyyət təşkil edəcəyini hesab etməyiblər. Onlar hesab ediblər ki, ABŞ-da onunla lazımi səviyyədə rəftar olunacaq, o cümlədən sağlamlığı ilə əlaqədar”, – deyə Böyük Britaniya Daxili İşlər Nazirliyinin bəyanatında deyilir.
Jurnalist təşkilatları və insan haqları qrupları Britaniyanı ekstradisiyadan imtina etməyə çağırmışdı. Bununla belə, Priti Patelin qərarı Assancın onun ittihamçıları ilə on ildən artıqdır davam edən hüquqi mübarizəsinin sonu demək deyil.
