“Bir kəmər, bir yol”a alternativ
Özbəkistan Rusiyadan asılı olmaq istəmir
“Atlas” Araşdırmalar Mərkəzi
MÖVZU İLƏ ƏLAQƏLİ
-
Özbək kinosuna üçgünlük baxış
Aktual, düşündürücü, vacib mövzular ...
-
Onlarda da gəlin “süpürgə” olmadı...
Özbək teatrının Bakıda nümayiş olunan “Qayınana”sı maraqla qarşılandı
-
Mədən faciəsi davam edir
Pakistanda 4 gündə iki partlayış baş verib
-
Atəşkəs bitdi!
Pakistan Talibanı hücum əmri verdi
-
Oğurlanmış 192 artefakt qaytarılıb
4500 ildən artıq yaşı olan abidələrin dəyəri 3,4 milyon dollar olub
-
27 ölkədə 27,7 milyon uşaq ...
UNİCEF: “İqlim böhranının ən çox azyaşlılar zərər çəkir”
-
Bayden Pakistanı niyə hədəf götürüb?
Vaşinqtonun yanlışlıqları İslamabadı məcbur edir
-
Devrilmiş baş naziri qalib gəldi
İmran Xan seçkiləri özünün populyarlığına dair “referendum” adlandırıb
-
Türk dövlətlərinin NATO-su
Bu təkcə Rusiyaya deyil, Qərb üçün də arzuolunan deyil
-
Pakistanın yüksək rütbəli hərbçisi qətlə yetirilib
Terrorun məsuliyyətini Bəlucistan Azadlıq Ordusu üzərinə götürüb
-
Konstitusiya dəyişikliklərinin təşəbbüsçüsü olub
Mirzoyoyev baş qərargah rəisini Qaraqalpaqıstana görə işdən çıxarıb?
-
Jurnalistlərin qətli həftəsi
Pakistanda son yeddi gündə iki media nümayəndəsi öldürülüb, bir nəfərə işgəncə verilib
-
ABŞ-dan Özbəkistana çağırış
Vaşinqton Qaraqalpaqıstan ölümlərinin müstəqil qaydada araşdırılmasını istəyir
-
Özbəkistan qərarını verdi
Mərkəzi Asiyada vəziyyət yenidən qarışır
-
Qaraqalpaqda rus barmağı
Özbəkistana qarşı təzyiq imkanları arasında praktiki baxımından iki rıçaq daha əlverişli görünür
-
“Öncəgörən” Lukaşenko
Orta Asiya kimlər tərəfindən və niyə qarışdırılır?
Ukraynada müharibə davam edərkən bır sıra ölkə müxtəlif hədəfləri reallaşdırmağa çalışır. Misal üçün Özbəkistan Hindistandan 140 tonluq yükün gəlişini gözləyir. Bu Daşkənd üçün vacibdir. Çünki Hindistandan çıxan yük Pakistan və Əfqanıstan üzərindən Özbəkistana çatdırılacaq. Bu Hindistan, Pakistan və Əfqanıstandan Özbəkistana uzanan ilk dəhlizdir. Hindistanın Mumbay şəhərindən çıxan yük dənizlə Pakistanın Karaçi şəhərinə çatdırılacaq, oradan maşınlarla Əfqanıstana və son mənzil Özbəkistana daşınacaq.
Bu çox mürəkkəb dəhlizdir. Bu dəhlizin işə düşməsi bölgə ölkələrinin uğuru sayıla bilər. Birincisi, Hindistanla Pakistan arasında münasibətlərdə illərdir gərginlik hökm sürür. İkincisi Əfqanıstanda Taliban qruplaşması hakimiyyətdə olması əlavə suallar yaradır.
Buna baxmayaraq, Özbəkistan bu ölkələrdən keçən dəhlizi işlək vəziyyətə salmağa müvəffəq olub. Özbəkistan prezidenti Şavkat Mirziyoyev mart ayının əvvəlində İslamabadda Pakistan prezidenti İmran Xanla görüşüb. Prezidentlər bir neçə ölkəni birləşdirən dəmiryolu xəttinin tikintisini müzakirə ediblər. Özbəkistan bu dəmiryolu vasitəsilə Pakistan və Hindistanın limanlarına çıxmağı hədəfləyir. Bu baş tutarsa Özbəkistanın dünya bazarlarına çıxışı şaxələnəcək.
Özbəkistan zəngin ölkədir, yalnız Rusiya və Çin bazarından asılı olmaq istəmir. Daşkənd Rusiyanın Ukraynada apardığı işğalçı siyasəti dəstəkləmir, tam əksinə Ukraynanın ərazi bütövlüyünü dəstəkləyir. Ancaq Özbəkistan Rusiyaya müxtəlif məhsullar ixrac edir, vətəndaşları Rusiyada ən ağır işlərdə çalışırlar, bu əlavə gəlir mənbəyidir. Daşkənd Kremlin ona təzyiqini artıracağından ehtiyatlana bilər. Bu məqsədlə Özbəkistan iqtisadi imkanlarını genişləndirməyi qarşısına məqsəd qoyub.
Çin müttəfiqi Pakistan üzərindən keçən dəhlizlərdən istifadə edir. Çin Əfqanıstanla da əməkdaşlıq edir. Hindistan Taliban hakimiyyətə gəlmədən əvvəl Əfqanıstana xeyli investisiya qoymuşdu. Dehlinin radikal Talibana qarşı münasibəti mənfi idi. Əfqanıstanın Pakistanla ittifaqı heç zaman Hindistanın maraqlarına cavab verməyib. Taliban qruplaşmasının isə bir sıra hallarda Pakistanla münasibətlərində suallar yaranıb. Bu Hindistanın maraqlarına cavab verir. Ona görə də Dehli Talibanla bağlı siyasətini dəyişib və bu qruplaşma ilə təmaslara başlayıb. Digər tərəfdən Dehli Əfqanıstan üzərindən Mərkəzi Asiya ölkələrinə dəhliz imkanı əldə edib.
Dehli Pekinin “bir kəmər, bir yol” layihəsi ilə rəqabət aparmaq istəyir. Hindistanla Mərkəzi Asiya ölkələri arasında mütəmadi dialoq formatı 2018-ci yaranıb. Bu ölkələrin xarici işlər nazirlərinin ilk sammiti Özbəkistanın Səmərqənd şəhərində keçirilib. Dehlinin məqsədi aydındır, Çinin bölgədə tək hakim olmasını istəmir. Ancaq Çin bölgə ölkələrinə böyük yatırımlar qoyur. Əgər Hindistan da Mərkəzi Asiyada mövqelərinin möhkəmlənməsini istəyirsə, Çin kimi bölgəyə yatırımlarını artırmalıdır.