Yeni plan və pul təklifi
Rusiya qazından imtina üçün Almaniya 15 milyard avroya qədər kredit ayırır
MÖVZU İLƏ ƏLAQƏLİ
-
13 ildən sonra ilk
Gəlirlər artsa da büdcədə kəsir əmələ gəlib
-
Afrika ölkəsi Almaniyanı hədələdi
Botsvana prezidenti Berlinə 20 min fil göndərəcəklərini deyib
-
“Demokratiya təhlükədə”
Almaniya daxili kəşfiyyatının rəsmisi ifadə azadlığının qorxunc həddə çatdığını deyir
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
-
44 rəqəmi qadağan olundu?
“Adidas” alternativ dizayn söz verib
-
Ayda 50 qram
Almaniya marixuananı leqallaşdırır
-
Avropada traktor inqilabı
Qitənin inkişaf etmiş ölkələrinin fermerləri üsyana qalxıb
-
Alman ordusu yaşlanır?
Kadr çatışmazlığı üzündən azyaşlılar hərbi xidmətə cəlb olunur
-
Almaniyada skandallar həftəsi ...
Ölkə tarixinin ən böyük maliyyə qalmaqalının məhkəməsi başlayır
-
Günün günorta çağı “sübh basqını”
Almaniyada üsyançılara qarşı əməliyyatlar davam edir
-
Özlərini eniş zolağına yapışdırdılar
“Son nəsil”in aksiyaları orijinal olduğu qədər də təhlükəlidir
-
Çevriliş planında rus barmağı?!
Həbs olunanlar 28 nəfərdən biri Rusiya vətəndaşıdır
-
Almaniyada çevriliş planları
Radikal sağçılar hökuməti zorla devirib kral ailəsinin üzvünü hakimiyyətə gətirmək istəyirmiş
-
Reanimasiyalar dolub
Almaniyada virus epidemiyası xaos yaradıb
-
524 gəmi, 13 milyon ton taxıl
Almaniyanın məşhur qəzeti Ərdoğanı göylərə qaldırdı ...
-
Şoltsdan çağırış ...
Almaniya kansleri dünyanı bloklara böləcək yeni soyuq müharibə barədə xəbərdarlıq edib
Almaniya qazdan istifadəni azaltmaq və digər enerji mənbələrinə keçmək üçün yeni fövqəladə tədbirlər tətbiq etmək niyyətindədir. Belə ki, Moskvanın Ukraynaya təcavüzündən sonra Almaniya Rusiya qazının alışını əhəmiyyətli dərəcədə azaltmaq istəyir. Bu barədə media Almaniyanın vitse-kansleri, İqtisadiyyat və İqlim Mühafizəsi naziri Robert Habekə istinadən məlumat yayıb.
Sənədə istinad edən DPA yazır ki, əsas elektrik enerjisi istehsalı və sənaye üçün qazdan istifadənin azaldılması nəzərdə tutulur. Prioritet kimi qışda qaza olan tələbatı ödəmək üçün anbarlarının doldurulması əsas götürülür.
Məlumatda həmçinin vurğulanır ki, hakimiyyət anbarları doldurmaq üçün Rusiyadan kənarda qaz alışına kredit kimi 15 milyard avroya qədər vəsait ayırmaq niyyətindədir.
“Deutsche Welle”nin məlumatına görə, bundan başqa qazdan istifadəni azalda bilən sənaye istehlakçılarına kompensasiya veriləcək. Həm də elektrik enerjisi istehsalına daha çox kömürlə işləyən elektrik stansiyalarının cəlb olunacağı güman edilir.
Nazirin sözlərinə görə, hökumət ev təsərrüfatlarının qaz istehlakını məhdudlaşdırmaq üçün də tədbirlər təklif edir. Amma hələki bununla bağlı heç bir qərar verilməyib.
Bu arada kansler Olaf Şolts, Rusiyadan tədarükün daha da azaldılması halında aydın bir plan hazır olana qədər vətəndaşlara qoyula biləcək məhdudiyyətlərə qarşı çıxır.
Son günlər “Gazprom” “Şimal axını” boru kəməri ilə Almaniyaya qaz tədarükünü əhəmiyyətli dərəcədə azaldıb. O, bunu “Siemens” qaz turbinlərinin təmiri zərurəti ilə izah edib ki, bu da indi sanksiyalara görə mümkün deyil. Həm də iddia olunur ki, Kanadaya təmirə göndərilən turbinlərdən biri tətbiq edilən sanksiyalara görə Rusiyaya qaytarılmır.
İndi “Şimal axını” ilə sutkada 67 milyon kubmetrdən çox olmayan qaz ötürülür ki, bu da kəmərin ötürmə qabiliyyətindən 2 dəfədən çox aşağıdır.
Rusiya qazının tranziti Ukrayna ərazisi ilə davam etsə də hazırda ötürülən qaz həcminin əvvəlkindən daha az olduğu bildirilir.
Uzunmüddətli perspektivdə Avropa İttifaqı (Aİ) da Ukraynaya təcavüzü ilə bağlı Moskvanı etibarsızlıqda ittiham edərək, Rusiya qazının tədarükündən imtina etmək niyyətindədir.
Aİ ölkələrinin bir qismi isə yaxın gələcəkdə Rusiya qazının tədarükünə embarqonun qoyulmasına qarşı çıxır, sənayenin fəaliyyətini və bəlkə də isitməni təmin etməyin çətin olacağını iddia edir.
Bəzi şirkətlər Moskvanın təklif etdiyi, “Gazprombank”da rubl hesablarının açılmasını ehtiva edən ödəniş sxemi ilə razılaşıblar. Bir neçə ölkə Moskvanın bu şərtləri ilə razılaşmadığından həmin ölkələrə Rusiya qazının tədarükü dayandırılıb. Hələlik söhbət bazarda çox kiçik bir paydan gedir.
Rusiyanın Ukraynaya təcavüzündən əvvəl də bazarda qazın qiymətində artım olub və tendensiya davam etməkdədir. Enerji qiymətlərindəki bahalaşmanın inflyasiyanın artmasına təsir edən əsas səbəblərindən biri olduğu vurğulanır və bir sıra Aİ ölkələrində bu göstəricinin 10 faizi keçdiyi bildirilir.