«Əgər məni öldürsələr...»
Mixail Saakaşvili: «... yenə qayıdıb missiyamı başa çatdıracam»
MÖVZU İLƏ ƏLAQƏLİ
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
Tanekoya PUA zərbələri
Ukrayna Rusiyanın əsas neft emalı zavodunu vurdu
-
150 minlik ordu
Rusiyada növbəti səfərbərlik üçün yaş həddi artırıldı
-
“Cəbhədə ehtiyaclar daim dəyişir”
Ukrayna PUA istehsalına hazırlaşır
-
Ölkə sazişlə qorunmur
Ukraynaya təhlükəsizlik təminatı verə bilməyən Qərb Ermənistana vəd verir
-
Ukraynaya 1,5 tonluq bomba atıldı
SSRİ zamanı istehsal Termobarik raket döyüşdə ilk dəfə istifadə olunur
-
Putinin “inanclı atəşkəsi”
Aysberqin görünməyən tərəfi
-
Bir milad yazışması
Ukrayna xalqı ən müqəddəs bayramını ruslarla bir gündə qeyd etmək istəmir
-
Azərbaycanlı “Qurd”
VIP mühafizəçidən “Dəniz piyadası”na qədər
-
Ukraynaya “ağıllı bombalar”
Müharibənin taleyini həll edəcək ikinci həmlə
Gürcüstanın keçmiş prezidenti, Odessanın sabiq qubernatoru Mixail Saakaşvili bildirib ki, Ukraynada qalıb korrupsiyaya qarşı mübarizəsini davam etdirəcək. Baxmayaraq ki, Ukrayna hökuməti onun Gürcüstan vətəndaşı olan tərəfdarlarını ölkədən çıxarmaq haqda qərar verib.
Noyabrın 17-də Ukraynanın Təhlükəsizlik Xidməti bildirib ki, 8 Gürcüstan vətəndaşı «Ukraynanın milli təhlükəsizliyinə zidd hərəkətlərinə görə» ölkədən çıxarılıb.
Saakaşvili hesab edir ki, bu addım hakimiyyətin onun rəhbərlik etdiyi siyasi hərəkatdan qorxuya düşməsi ilə bağlıdır: «Korrupsiya, oliqarxlar və s. ilə bağlı məsələ qaldırmağım onların xoşuna gəlmir. Mən belə məsələləri qaldırmaqda davam edəcəm. Mübarizəmi dayandırmayacam. Kimlərinsə ölkədən çıxarılması məni yolumdan döndərməyəcək. Hətta məni öldürsələr, yaxud ölkədən çıxarsalar belə, bu ideya qalib gələcək. Məni ölkədən çıxarsalar belə, yenə qayıdıb missiyamı başa çatdıracam».
Saakaşvili hesab edir ki, onun tərəfdarlarının ölkədən çıxarılması siyasi motivli addımdır: «Adama pis təsir edən odur ki, korrupsiyaya qarşı mübarizədə zəhməti olan, Gürcüstanda «vor zakon»larla döyüşmüş zabitləri «vor zakon»larla birlikdə ölkədən çıxarırlar. Bu, Ukrayna prezidenti Petro Poroşenkonun və onun hakimiyyətinin sinizmidir ki, belə insanları «vor zakon»larla eyni kameraya yerləşdiriblər. Bunu heç bir hakimiyyət eləməz».
Ukrayna Ali Radasının deputatı Yuri Derevyankonun verdiyi məlumata görə, Ukraynadan çıxarılanlar arasında ölkənin şərqində separatçılarla döyüşmüş könüllü Vano Nadiradze, videooperator Tamaz Şaşviaşvili, Ukrayna Milli Qvardiyasının təlimatçısı Mamuka Abaşidze və Saakaşvilinin keçmiş mühafizəçisi Zurab Tsintsadze de var.
Bir neçə ay öncə Ukrayna vətəndaşlığından məhrum edilən M.Saakaşvili sentyabrın əvvəlində tərəfdarlarının köməyi ilə Ukrayna sərhədini keçərək ölkədə siyasi fəaliyyətini bərpa etmişdi.
Son həftələrdə onun tərəfdarları Ukrayna parlamenti yaxınlığında çadırlar qurub etiraz aksiyası keçirirlər.
Onlar prezident Pororşenkonun istefasını, növbədənkənar prezident və parlament seçkilərinin keçirilməsini tələb edirlər.