![](img/left_arrow.jpg)
![](img/right_arrow.jpg)
Polşa 1944-cü il sürgününü tanıyan 5-ci ölkə oldu
Helsinki Komissiyası işğalçı ölkənin parçalanmasını müzakirə edir
Prezident İlham Əliyev təlimat verə bilər
Rusiyalı ekspertlər ölkələrinin tamamilə təkləndiyini etiraf edirlər
Türkiyə və Rusiya münasibətləri yeni müstəvidə
Rusiya Azərbaycanla hansı sazişi imzalamaqdan çəkinir?
Rusiyanın siyasətində separatizmə dəstəyin davam edəcəyi sübut olundu
“Yaşıl adamlar”ın qurutduğu yarımada
Rusiya “şimal-cənub” dəmiryolunu Krıma qədər uzatmaq istəyir
Bu ilhaqa haqq qazandırmaq deməkdir
Putin üçün üçün legitimlik vacibdir
Almaniya XİN rəhbəri Dağlıq Qarabağdan da missal çəkib
Moskva Ukrayna şirkətlərinə kompensasiya ödəyəcək
«... Rusiya isə dağılacaq»
«Pussy Riot» üzvlərini Krımda saxlayıblar
Həqiqətən kollektiv patologiyalar olurmuş...
Rusiyanın Baş Kəşfiyyat İdarəsinin (QRU) xüsusi təyinatlı dəstələrinin fevralın 27-də Krımda hökumət və parlament binasını tutaraq «seçdikləri» yeni hökumət başçısı barədə maraqlı faktlar üzə çıxıb.
Virtualaz.org saytı Ukrayna mənbələrinə istinadən xəbər verir ki, Krım Nazirlər Şurasının ruslar tərəfindən təyin edilən yeni sədri Sergey Aksyonov əslində kriminal avtoritet olub.
Xatırladaq ki, Krımın Rusiya tərəfindən işğalı Aksyonovun «seçilməsinin» ardınca başlayıb. O, hökumət rəhbəri olan kimi dərhal kömək üçün Rusiyaya müraciət edib. Rusiya da ildırım sürəti ilə onun kömək xahişinə müsbət cavab verib və Krıma 15 minlik desant yeridərək bütün strateji obyektləri, kommunikasiyaları nəzarət altına alıb.
Ukrayna ordusunun Krımdakı hərbi hissələri də ya rusların nəzarətinə keçib, ya da mühasirədə saxlanılır.
S.Aksyonov 1972-ci ildə Moldovada anadan olub. Simferopol Hərbi Məktəbinə oxumağa gedib və o vaxtdan Krımda qalıb. Ukrayna Ali Radasının Krımdan olan deputatı Andrey Sençenko deyib ki, ötən əsrin 90-cı illərinin ortalarında Aksyonov Krımdakı kriminal qruplaşmaların tərkibində adi «briqadir» olub.
«O, Krımın kriminal dairələrində və milisdə «Süpürgəsaqqal» ləqəbi ilə tanınırdı. Üç sözü ard-arda qoşub deyə bilməyəcək dərəcədə savadsız adamdır. Bizneslə məşğul idi, 2009-cu ildə bir neçə dəfə Moskvaya məsləhətləşmələrə getdi və qayıdıb Krımda «Rus birliyi» adlı təşkilat yaratdı. Bu təşkilat Moskvadan maliyyələşir» - deyə deputat bildirib.
A.Sençenkonun sözlərinə görə, Aksyonovun adı mütəşəkkil cinayətkar qruplaşmanın üzvü kimi çoxsaylı cinayətlərə qarışıb. Ancaq Aksyonovun və bir çox kriminal avtoritetlərin adları keçən cinayət işləri sonadək araşdırılmayıb.
QRU «spesnaz»ının nəzarəti altında fevralın 27-də Krım parlamentinin iclasını keçirib hökumət başçısı seçən spiker Vladimir Konstantinov isə fırıldaqçıdır. Sençenko deyib ki, onu 25 ildən çoxdur tanıyır.
«Siyasətə dəxli olmayan adamdır, ancaq bizneslə məşğul olub. Konstantinov tikinti piramidası qurmaqla fırıldaqçı yollarla varlanıb. İki ay qabaq o, tez-tez Moskvaya gedib-gəlməyə başladı. Belə səfərlərdən birindən qayıdandan sonra Krım Ali Radasının hüquq xidmətindən yarımadanın Ukraynaya birləşdirilməsi barədə 1954-cü il aktını istəyib. Bu adamın həmin sənədlə maraqlandığını o vaxta kimi eşidən olmamışdı. Konstantinovun davranışları da tez dəyişdi, o, aqressivləşdi. Çünki arxasında dəstək hiss edirdi. Aydındır ki, Krımdakı ssenari aylar əvvəldən hazırlanmışdı» - deyə Sençenko bildirib.