Qanadlı antigəmi raketləri - Harpun
Ukraynaya daha 1 milyard dollar yardım edilib
MÖVZU İLƏ ƏLAQƏLİ
-
“Müharibəni qazanmadan NATO-ya girə bilmərik”
“Ukrayna ordusu ABŞ istehsalı olan “F-16”ların bu ay gələcəyini gözləyir”
-
Ukrayna cəbhəsində kritik ay
Putin andiçmə mərasiminə və Qələbə gününə hədiyyə kimi Çasov-Yar təpələrini istəyir
-
Rusiyanı gözləyən təhlükə
Ukraynadan qayıdan əsgərlər tərəfindən törədilən qətllərin sayı 9 dəfə artıb
-
Rusiya BMT sanksiyalarını pozub
Ukraynada Şimali Koreyaya məxsus raketin qalıqları tapılıb
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
Tanekoya PUA zərbələri
Ukrayna Rusiyanın əsas neft emalı zavodunu vurdu
-
150 minlik ordu
Rusiyada növbəti səfərbərlik üçün yaş həddi artırıldı
-
“Cəbhədə ehtiyaclar daim dəyişir”
Ukrayna PUA istehsalına hazırlaşır
-
Ölkə sazişlə qorunmur
Ukraynaya təhlükəsizlik təminatı verə bilməyən Qərb Ermənistana vəd verir
-
Ukraynaya 1,5 tonluq bomba atıldı
SSRİ zamanı istehsal Termobarik raket döyüşdə ilk dəfə istifadə olunur
Brüsseldə Birləşmiş Ştatların sədrliyi ilə 45 ölkənin, NATO və Avropa İttifaqı üzvləri müdafiə nazirlərinin iştirakilə Ukraynanın Müdafiəsi üzrə Kontakt Qrupunun sayca üçüncü iclası başlanıb.
İyunun 15-də görüşün açılışında çıxış edən ABŞ müdafiə naziri Lloyd Ostin qrupa qoşulduqlarına görə Gürcüstan, Moldova və Ekvadora təşəkkürünü bildirib.
“Bizim itiriləcək vaxtımız yoxdur. Biz bura külüng vurmağa gəlmişik. Biz Ukrayna silahlı qüvvələrinin bugünkü döyüşündə ona dəstəyimizi dərinləşdirməliyik. Biz sabahın təhlükələrinə qarşı gücümüzü bu gün artırmalıyıq”.
Ostin Rusiya qoşunlarının Donbası tam ələ keçirməyə çalışdığı bir vaxtda ölkələri Ukraynaya əlavə dəstəklərini səfərbər etməyə çağırıb.
***
Pentaqonun başçısı deyib ki, ABŞ hazırda Ukraynaya uzaqvuran atəş sistemlərinin, zirehli texnikanın, sahil müdafiə sistemlərinin verilməsi üzərində işləyir.
Ostin qeyd edib ki, ABŞ-ın Kiyevə HIMARS reaktiv yaylım atəşli raket sistemlərini göndərməsi ilə Ukrayna qüvvələrinin müdafiə qüdrəti əhəmiyyətli dərəcədə artıb.
ABŞ müdafiə naziri artıq indiyədək Ukraynaya silah-sursat yardımı etmiş ölkələrə minnətdarlığını bildirib.
Ukrayna iclasa hazırda döyüşlərdə olan ordusunun adından mesaj səsləndirib.
Ukrayna prezidenti Vladimir Zelenskinin baş müşaviri Mixail Podolyak deyib ki, hazırda Rusiya qüvvələri Ukrayna qüvvələrini sayca 1-ə 10 nisbətində üstələyir:
“Brüssel, biz sənin qərarını gözləyirik. Mən hər gün müdafiəçilərimizdən mesajlar alıram: Biz möhkəm dayanmışıq, amma bizə deyin: silahları nə vaxt gözləyək?”
***
Ukrayna müdafiə nazirinin müavini Hanna Malyar iyunun 14-də demişdi ki, Ukrayna Qərbdən istədiyi silahların hələki 10 faizini alıb:
“Ukrayna nə qədər səy göstərsə də, bizim ordumuz nə qədər peşəkar olsa da, Qərb partnyorlarımızın köməyi olmadan biz bu müharibədə qalib gələ bilmərik”.
Xanım Malyar deyib ki, Ukrayna ordusu günə 5000-6000 artilleriya mərmisi atır, amma Rusiyanın atdığı mərmi sayı bundan 10 dəfə çoxdur.
Stoltenberq iyunun 14-də Madriddə keçirilən NATO sammitində xəbərdarlıq edib ki, Ukraynanın təlimləndirilmiş ordusuna ağır silahların çatdırılması hələ bir müddət çəkə bilər:
“Ukrayna həqiqətən də kritik vəziyyətdədir və buna görə də biz təcili qaydada sürətimizi artırmalıyıq”.
NATO-nun baş katibi əlavə edib ki, indi müttəfiqlər Ukraynaya köhnə sovet silah və texnikasını yox, daha müasir, daha dəqiq, daha uzaqvuran Qərb silahları göndərirlər.
***
Bu arada Birləşmiş Ştatlar Ukraynaya 1 milyard dollar dəyərində əlavə silah-sursat veriləcəyini bəyan edib.
ABŞ prezidenti Co Bayden iyunun 15-də deyib ki, o Zelenski ilə telefon söhbətində ABŞ tərəfindən Kiyevə əlavə olaraq artilleriya qurğuları, sahil müdafiə sistemləri və təkmil raket sistemlərinin veriləcəyini bildirib: “Biz habelə həyatları müharibə tərəfindən alt-üst edilmiş Ukrayna xalqına dəstəyimizə sadiq qalırıq”.
Prezident bildirib ki, ABŞ bu məqsədlə Ukraynaya əlavə olaraq 225 milyon dollar dəyərində humanitar yardım göstərəcək. Bu pula içməli su, dava-dərman, ərzaq və başqa gündəlik tələbat malları alınmalıdır. Ehtiyacı olan ailələrə pul yardımı da göstəriləcək.
Hərbi silah və sursata gəlincə isə bu paketə artıq Ukraynaya göndərilmiş yaylım atəşli zenit raket sistemləri (MLRS), haubitsa topları və onlar üçün sursat, ehtiyat hissələri daxildir.
İkinci paketə isə sahildə qurulan antigəmi raket sistemləri, təhlükəsiz radio avadanlığı, 55 milyon dollarlıq gecə müşahidə sistemləri, habelə Ukrayna hərbçilərinə bunlardan istifadə üçün təlim verilməsi daxildir.
Təlimlər üçün 160 milyon dollar ayrılması nəzərdə tutulub.
“Bloomberg” yazır ki, antigəmi raketləri deyəndə ABŞ-ın Harpun (Harpoon) qanadlı raket sistemi nəzərdə tutulur.