vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
BÖHRAN  
14:47 | 2 oktyabr 2022 | Bazar Məqaləyə 1325 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Təkcə hərbi deyil, həm də siyasi geriləmədir”

Britaniya kəşfiyyatı Limanın azad edilməsinin əhəmiyyətini izah edib

MÖVZU İLƏ ƏLAQƏLİ

Liman cəbhədəki mühüm yaşayış məntəqəsidir. Onun nəzarəti Rusiya ordusunun yeni müdafiə xətti qurmağa çalışdığı Şimali Donetskindən keçən əsas yoldan istifadə etməyə imkan verir.

Şəhərin itirilməsi həm də siyasi zərbə vurdu, müharibə tərəfdarları hərbi rəhbərliyə və yüksək rütbəli məmurlara qarşı daha çox tənqidi mövqe sərgilədilər.

Bu qənaətləri Britaniya kəşfiyyatının nümayəndələri Ukraynadakı müharibə ilə bağlı son hesabatda paylaşıblar.

“1 oktyabr 2022-ci ildə Donetsk vilayətinin Liman şəhərindəki Rusiya qüvvələri Ukraynanın hücumu qarşısında geri çəkildi. Limanı ehtimal ki, Rusiyanın Qərb və Mərkəzi hərbi dairələrinin az sayda bölmələri, eləcə də könüllü səfərbər edilmiş ehtiyatda olan kontingentlər müdafiə edirdi. Qüvvələr, çox güman ki, Rusiyanın əlində olan şəhərdən çıxan yeganə yoldan geri çəkilərkən böyük itki veriblər”, -– Britaniya kəşfiyyatı bildirib.

Hesabatda qeyd edilib ki, Liman Şimali Donetsk üzərindən əsas yol keçidinə nəzarəti təmin etdiyi üçün əməliyyat baxımından vacibdir.

Rusiya ordusu çayın arxasında möhkəmlənməyə və yeni müdafiə xətti qurmağa çalışırlar. Və Ukrayna Silahlı Qüvvələri indi texnika və resursları sağ sahilə ötürə biləcək.

“Rusiyanın Limandan çıxarılması həm də əhəmiyyətli siyasi geriləmədir, çünki o, Rusiyanın guya “azad etmək” istədiyi və qeyri-qanuni ilhaq etməyə çalışdığı Donetsk bölgəsində yerləşir. Qoşunların çıxarılması yüksək rütbəli məmurlar tərəfindən Rusiyanın hərbi rəhbərliyinə qarşı yeni ictimai tənqid dalğasına səbəb oldu”, – ekspertlər əlavə edib.

Britaniya kəşfiyyatı bu tendensiyanın artacağına inanır: “Ukrayna Silahlı Qüvvələri işğal olunmuş əraziləri azad etməyə davam edəcək və məğlubiyyətlərə görə Rusiya ordu komandanlığında getdikcə daha çox yüksək rütbəli hərbçi günahlandırılacaq”. (APA)