![](img/left_arrow.jpg)
![](img/right_arrow.jpg)
Saksoniya dağlarındakı yanğın əyalətə nə qədər ziyan vurub?
Müttəfiqləri öz müdafiələri barədə düşünməli, Pentqaona çox da bel bağlamamalıdır
NATO-nun baş katib: “Rusiyaya dəstəyi dayandırın”
Tobias Billströmdan istefa qərarı
İsveçrəyə mövqeyini müəyyən etmək üçün beynəlxalq təzyiqlər artır
“Onlardan Rusiyaya hücum etmək üçün istifadə edilməlidir”
Almaniyada hərbi baza bağlandı
... və Polşada tankçılarına təlim keçir
“Eurofighter” şirkətinin baş direktoru Mezzanatto: “Ankaranın 40-50 təyyarə almaq istəyirdi”
Rusiya PUA-ları Avropa istiqamətində Ukrayna sərhədini keçib
Baş Qərargah rəisi ordunun vəziyyətini tənqid edib: “Kadr, texnika, ehtiyat, təlim və texnologiya çatışmazlığı var”
“NATO-nun gəmilərinin cəmləməsinə imkan verən strategiya bizim üçün təhlükədir”
“NATO-nun ağıllı addımı planetin məhvinin qarşısını ala bilər”
NATO daxilindəki təsadüfi partlayışlar fürsətə çevrildi
Rusiya ABŞ-ı Venesuelada raket sistemləri yerləşdirməklə hədələyir
Dünyanın ən böyük hərbi ittifaqı barədə 6 suala cavab
NATO müttəfiqləri Ukraynanı “dönüşü olmayan” inteqrasiya yolunda dəstəkləyəcəklərini bildirib və Çini Rusiyanın Kiyevə qarşı hərbi səylərini dəstəkləməyə dayandırmağa çağırıblar. Bu, Ukrayna səmasında yeni döyüş təyyarələrinin patrul edəcəyi vaxta təsadüf edir.
Amerika istehsalı olan bu “F-16” qırıcıları hazırda NATO müttəfiqləri Danimarka və Niderlanddan Ukraynaya göndərilir.
ABŞ Müdafiə Naziri Lloyd Ostin: “Təyyarələrin təhvil verilməsi rəsmi olaraq davam edir və Ukraynada bu yay “F-16”lar uçacaq”.
32 müttəfiq ölkə bəyannamədə Ukraynanın NATO-ya üzvlük yolunu “dönüşü olmayan” yol adlandıraraq, Rusiya prezidenti Vladimir Putinə NATO müttəfiqlərinin səbrini tükədə bilməyəcəyinə dair güclü bir mesaj göndərib.
NATO-nun baş katibi Yens Stoltenberq: “Hazırda birlikdə gördüyümüz işlər Ukraynanın vaxtı gələndə gecikmədən üzv ola biləcəyini təmin edəcək. Məsələ olub-olmamaqda deyil, nə vaxt olmaqdadır.”
ABŞ prezidenti Co Bayden NATO müttəfiqlərini Rusiyanın müharibə dövrü istehsal səviyyəsi ilə ayaqlaşmaq məqsədilə müdafiə xərclərini artırmağa davam etməyə çağırıb.
ABŞ prezidenti Co Bayden: “Onlar silah, sursat və nəqliyyat vasitələri istehsalını əhəmiyyətli dərəcədə artırırlar və bunu Çin, Şimali Koreya və İranın köməyi ilə edirlər. Mənim nəzərimcə, biz alyansın geridə qalmasına imkan verə bilmərik”.
Alyans həmçinin Çini Rusiyanın döyüş maşınına dəstəyini dayandırmağa çağıraraq, Çinin Avropada təxminən 80 il ərzində ən böyük müharibəyə yol verməsinin onun maraqları və nüfuzuna təsirsiz ötməyəcəyini bildirir.
NATO-nun baş katibi Yens Stoltenberq: “Bu gün razılaşdığımız bəyannamə NATO müttəfiqlərinin Çinin Rusiyanın Ukraynaya qarşı qeyri-qanuni müharibəsinə verdiyi töhfələrə dair göndərdiyi ən güclü mesajdır”.
Demokratiyaları Müdafiə Fondunun eksperti Bred Bouman: “Onlar ikili istifadə texnologiyası təqdim edir və Rusiyanın müdafiə sənayesi bazasına dəstək verir, Putinin Ukraynada aqressiv müharibə aparımasına şərait yaradır və ona daha uzun müddət döyüşüb itkilərdən bərpa olmasına imkan verir”.
Təhlilçi və veteran Bred Bouman bildirib ki, 32 üzvlü blokun Çinə çağırış etməsinin vaxtı çoxdan keçib.
Demokratiyaları Müdafiə Fondunun eksperti Bred Bouman: “Avropalılar İran, Şimali Koreya və Çinin dəstəyi ilə Avropada Kremlin işğalçı müharibəsi nəticəsində ölürlər”.
Hind-Sakit okean regionundan NATO üzvü olmayan tərəfdaşlar bu həftə Vaşinqtonda keçirilən sammitdə NATO müttəfiqlərinə qatılıblar.
Rəsmilər bildirirlər ki, Yaponiya, Cənubi Koreya, Avstraliya və Yeni Zelandiyanın iştirakı Çinə demokratik ittifaqların təcavüzkarın qanunu harada pozmağa cəhd etməsindən asılı olmayaraq, qanunun aliliyini müdafiə edəcəklərinə dair mesaj verir.