vaxtlı-vaxtında oxuyun! Çərşənbə, 21 avqust 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Vətənpərvərlik insanın daxilindəki duyğulardır. Əgər bunlar yoxdrusa, o insan mənəviyyatsızdır»

Heydər Əliyev (1923 - 2003)
TOP OYUNLARI  
20:24 | 9 oktyabr 2017 | Bazar ertəsi Məqaləyə 1358 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Arxası gəlmədi»

Təmkin Xəlilzadə: «Almanlar bizə irad bildirdilər ki, ...»

MÖVZU İLƏ ƏLAQƏLİ

«Zirə»nin «Facebook» səhifəsində klubun və millimizin üzvü Təmkin Xəlilzadənin müsahibəsi yer alıb. VAXT.AZ xəbər verir ki, müdafiəçi müsahibə zamanı DÇ-2018-in son seçmə oyununda qarşılaşdıqları Almaniya ilə görüş haqda danışıb.

- Almaniya məğlubiyyəti haqda fikirlərini öyrənək...

- Oyunun bizim üçün çətin olacağını əvvəlcədən bilirdik. Əslində, ilk hissə çox da pis deyildi. Sadəcə, ikinci yarıda meydan sahibləri təzyiqi artırdı və daha çox tab gətirə bilmədik.

 

- Fasilə ərəfəsində nə düşünürdüz, baş məşqçinin sizə xüsusi tapşırığı oldumu?

- Fasilədə Robert Prosineçki dedi ki, standart vəziyyətlərə fikir verin. Bir də geri qayıdan ikinci topları nəzərinizdən qaçırmayın. İstək başqa, reallıq başqa. Hamımız istərdik ki, nəyəsə nail olaq.

 

- Start heyətində yer alacağını gözləyirdin?

- Mən hər oyundan əvvəl özümü hazırlayıram ki, bu görüşdə əsas heyətdə meydanda çıxacam. Almaniya ilə oyundan əvvəl biləndə ki, start heyətində meydana çıxacam, ikiqat məsuliyyətlə hazırlaşdım. Çünki rəqib elə bir kollektivdir ki, ən xırda səhvlərdən belə, qol vurmağı bacarır.

 

- Komandamız hesabı bərabərləşdirdikdən sonra rəqib futbolçular arasında söz mübahisəsi yarandı...

- Onlar bizə irad bildirdilər ki, oyunçuları Mustafi yerdə qalıb, bəs niyə topu qırağa çıxarmadız? Biz də bildirdik ki, Ramil digər müdafiəçi ilə təkbətək çıxmışdı, həmin vəziyyətdə topu kənara atmaq düzgün olmazdı. Amma biz nə desək də, almanlar qəbul etməyəcək, çünki qol vurmuşuq. Gördük, nə desək xeyri olmur, axırda başını buraxdıq.

 

- DÇ-2018-in seçmə mərhələsində 10 xal toplamağımızı necə qiymətləndirirsən?

- Yaxşı nəticədir, hələ indiyə qədər 10 xalımız olmamışdı. Nəzərə almaq lazımdı ki, qrupda Çexiya, Almaniya və Şimali İrlandiya kimi ölkələr var idi. Ən çox ona məyus olduq ki, ilk 3 görüşdən 7 xal topladıq, arxası gəlmədi.

 

- Çıxış etdiyin klub «Zirə» hazırda Premyer Liqada iddialılar sırasındadır. Komandanın çempionluq şansını necə görürsən?

- Mövsümün başa çatmasına hələ 21 oyun var. İndidən qızıl medallar haqda danışmağımız düzgün çıxmazdı. Üstəlik qarşımıza «çempion olmalısınız» kimi bir məqsəd də qoyulmayıb.

 

- Almaniya ilə oyundan sonra Azərbaycan çempionatının görüşlərinə köklənmək çətin olmayacaq?

- Yox, millimizin öz yeri var, çempionatımızın öz yeri. Neçə illərdi Premyer Liqada top qovuruq, artıq öyrəşmişik.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *