vaxtlı-vaxtında oxuyun! Cümə axşamı, 28 may 2020
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
MEDİA-QHT  
12:38 | 24 noyabr 2016 | Cümə axşamı Məqaləyə 2010 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

ANS yarası

Qanuna tapınmayanlar çıxış yolunu gözə batan ANS-i qapatmaqda tapdılar

Lalə NÜRƏDDİNQIZI

MÖVZU İLƏ ƏLAQƏLİ

Azərbaycan efir məkanında baş verən son olaylar göstərdi ki, adamı millətin gözünün önündə fermada öküz buynuzunda sürüyürmüş kimi sürütmə də çəkmək olar, yaşamağın gözəlliyini dərindən təhlil etmək üçün efirdə unitazda oturmaq da. Hələ bir istəsən, verilişin dadını-duzunu artırmaq üçün iştirakçıya bir kub iynə vurub yatızdırmaq da məqbuldur. Yetər ki, reytinq qaçmasın. Bəli, bütün bunlar milli-mənəvi dəyərləri Allaha bərabər tutan Azərbaycanda baş verir. Xəta xəta arxasınca, səviyyəsizlik pik nöqtəyə doğru. Pik nöqtəyə çatan həm də ictimai qınaqdır. Çünki bu günə qədər bu mənzərədən zövq alan bir kimsə nə gördüm, nə tanıdım. Milli Teleradio Şurası adlı qurumu isə tanıyanlar çoxdur. O qurumu ki, ANS adlı yenilikçi, peşəkar bir televiziyanı qərəzli mövqeyi ilə dizə gətirdi. Dilə gətirə bilmədiyi iradları üzündən isə bu gün səviyyəsiz layihələr efirlərdə meydan sulayır. Az qala, hər həftə ANS-ə görə bir məşvərət quran bu qurum indi ayda-ildə bir xala-xətrin qalmasın deyə verdiyi ütülü açıqlamaları ilə nədən ehtiyatlanır görəsən?

Jurnalist dostlarımdan biri hər iki olaydan xəbər tutan kimi qurumun başbilənlərindən açıqlama istəyib. Hər ikisində cavab eyni olub - «Biz o görüntüləri hələ görməmişik». Gözdən iraq bu kanalların arasında isə ANS nədənsə gözə tez görünürdü. Efirdə tutarlı bir şey tapmayanda keçirdilər dilçiliyə. Ucu-bucağı görünməyən qərəzli mövqe nümayiş etdirən MTRŞ-nın bugünkü gün nə qədər aciz olduğu daha aydın görünür. Asıb-kəsməkdə usta olan qurumun «dəymədüşərlər» üçün sərgilədiyi humanist mövqeləri ya gücsüzlüklərinin, ya da sadəcə, vəzifə hərisliklərinin göstəricisidir. Və yaxud hər ikisinin. Necə deyərlər, qanun qanundursa, onun qarşısında hamı eynidir. Bizdə isə əksidir artıq. Mizan tərəzisi çoxdan pozulub. Həsənağanın qohumları atlarını hara gəldi sürə bilərlər; qırmızı işıqda belə. Cəmiyyətin formalaşması və təşəkkülündə rol alan televiziyaların bu süvarilərlə uçuruma yuvarlanacağı dəqiqdir. Çarə isə hər zaman var. Yetər ki, obyektiv və qərəzsiz olsunlar. Amma ola bilirlərmi? Heyhat... Obyektiv, qərəzsiz, dəqiq bir telekanal əsassız bir ittihamla bağlanırsa, digərlərinin ucuz şousunu görməzdən gəlmək, məncə, normal haldır.

Bilirsiniz, bu mənzərənin fonunda ANS-in yoxluğu hər gün daha çox bilinir. Çünki ANS düzgün xəbər siyasəti ilə ictimai sifarişdə bir balANS yaradır, tamaşaçı ona ən vacib olanını burda tapırdı. Qarabağının sorağını, qayğısını, dərdini, lap elə mərifət-mədəniyyətini də. Amma çifayda. Qanuna tapınmayanlar çıxış yolunu gözə batan ANS-i qapatmaqda tapdılar. Görünən isə bu oldu ki, ANS MTRŞ üçün bir yara imiş. Dözülməz yara...


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)