19:21 | 7 noyabr 2013 | Cümə axşamı
Məqaləyə 1681 dəfə baxılıb
Şriftin ölçüsü
Mübariz Mənsimovun tankeri ABŞ-da mükafatlandırıldı
«Şah Dəniz»in heyəti Baham adalarında peşəkarlıq edib
anspress.com
ABŞ-ın Florida ştatının Mayami sahil mühafizəsi «Palmali» Şirkətlər Qrupuna məxsus «Şah Dəniz» tankerinin heyətini Baham adalarında insanı xilas etdiyinə görə mükafatlandırıb.
Mayami sahil mühafizəsinin yeddinci rayonunun komandiri kontr-admiral J. X. Korn «Şah Dəniz» tankerinin kapitanı Aleksey Pçelintsevə insanı xilas etdiklərinə görə təşəkkürnamə göndərib.
Hadisə belə baş verib. 2013-cü il iyunun 24-də Mayami sahil mühafizəsinin xilasetmə - əlaqələndirmə mərkəzi Baham qrupuna daxil olan Ket-Key adasındaqn 11 mil qərb tərəfdə yelkənli «Moon Shadow» gəmisinin göyərtəsindən dənizə insan düşməsi barədə məlumat alıb.
«Şah Dəniz» tankerinin kapitanı yardım xahişinə operativ şəkildə yanaşıb və dərhal hərəkət istiqamətini dəyişib. Yelkənli gəmiyə yaxınlaşmış tankerin heyəti suda olan insanın xilas edilməsi yüçün uğurlu əməliyyat gerçəkləşdirib. Daha sonra o, Mayami sahil mühafizəsinin katerinə təhvil verilib.
Mayami sahil mühafizəsinin təşəkkür məktubunda qeyd edilir ki, ««Şah Dəniz» tankerinin heyəti və şəxsən gəmi kapitanı tərəfindən gerçəkləşdirilən humanitar aksiya peşəkar dənizçilərin və dəniz ictimaiyyətinin ən yaxşı ənənələri əsasında həyata keçirilib».
