23:41 | 10 iyul 2018 | Çərşənbə axşamı
Məqaləyə 4236 dəfə baxılıb
Şriftin ölçüsü
Gəncədə iki polis polkovniki öldürüldü
Deşici və kəsici silahlarla silahlanmış radikal dindarlar asayiş keşikçilərinə hücum etdi
MÖVZU İLƏ ƏLAQƏLİ
-
Niyə Gəncə?
Baş verənlər Cənubi Qafqaza, Azərbaycana qarşı olan böyük planın bir bəndidir
-
Uduşumuz, qalibiyyətimiz dirənişimizdədir
Bu bıçağı verən əli də, onu tutanı da kəsmək lazımdı!
-
Gəncəni kimlər və niyə qanadır?
Prosesin arxasında bu paytaxtlar durur: ilk dəfə açıqlanan məlumatlar
-
Şəhid polislərlə vida mərasimi
Gəncəlilər dünən gecə baş verən təxribatın qarşısını alarkən həlak olan polkovnikləri son mənzilə yola salır
-
Qiyamçı canilər
Biri anasını öldürüb, o biri Rusiyada oğurluq edib, digəri arvadını qətlə yetirib
-
«Əlimin içi kimi bilirəm»
Şahin Diniyev: «Hətta bundan sonra hansı addımı atacaqlarından da xəbərim var»
-
Bu gün saat 20 radələrində 150-200 nəfərdən ibarət radikal dini yönümlü bir qrup şəxs Gəncə şəhər İcra Hakimiyyətinin inzibati binasının önündəki meydana toplaşaraq asayişi kobud şəkildə pozmağa cəhd göstərib.
Daxili İşlər Nazirliyinin (DİN) mətbuat xidmətindən virtualaz.org-a verilən mlumata görə, xidməti vəzifələrini yerinə yetirən polis əməkdaşlarının xəbərdarlığına məhəl qoymayan qanunazidd hərəkətlərin iştirakçıları özləri ilə gətirdikləri küt və kəsici-deşici alətlərlə asayiş keçşikçilərinə müqavimət göstəriblər.
Polis əməkdaşlarının həyata keçirdikləri qətiyyətli tədbirlərlə onların hüquqazidd əməllərinin qarşısı alınmaqla 40 nəfəri tutularaq Gəncə Şəhər Baş Polis İdarəsinə gətirilib, qalanları qaçaraq ərazini tərk ediblər.
Görülmüş operativ tədbirlərlə təxminən 30 dəqiqə ərzində şəhərin mərkəzində asayiş tam bərpa edilib.
“Təəssüflə qeyd edirik ki, qanunsuz hərəkətlərin qarşısı alınarkən xidməti vəzifələrini yerinə yetirən iki polis zabiti – Gəncə Şəhər Baş Polis İdarəsinin rəis müavini, polis polkovniki İlqar Balakişiyev və Nizami Rayon Polis İdarəsinin rəis müavini, polis polkovnik-leytenantı Səməd Abbasov radikal ünsürlərin kəsici-deşici alətlərlə yetirdikləri zərbələr nəticəsində şəhid olublar”, - deyə, məlumatda qeyd olunur.
Fakt üzrə Baş Prokurorluqda Azərbaycan Respublikası Cinayət Məcəlləsinin 120.2.3, 120.2.7, 220.1, 221.3, 228.4, 315.2-ci maddələri ilə cinayət işi başlanılıb.
Cinayətin bütün iştirakçılarının və təşkilatçılarının müəyyən edilib məsuliyyətə cəlb olunmaları məqsədilə zəruri istintaq hərəkətləri və əməliyyat-axtarış tədbirləri həyata keçirilir.
Görülən işlərin gedişi barədə ictimaiyyətə əlavə məlumat veriləcək.
***
21:40
Bu gün Gəncədə razılaşdırılmamış aksiya keçirilməsinə cəhd göstərilib.
Bu barədə virtualaz.org-a hüquq-mühafizə orqanlarından məlumat verilib.
Asayiş keşikçilərinin gördükləri tədbirlər nəticəsində aksiyanın qarşısı alınıb, təşkilatçıları və iştirakçıları həbs olunub. Qayda-qanun bərpa edilib.
Qeyd edək ki, aksiya Gəncə Şəhər İcra Hakimiyyətinin başçısı Elmar Vəliyevə sui-qəsd təşkil etmiş Yunus Səfərova dəstək məqsədi ilə keçirilirdi.
