Əzici qələbənin müzakirəsi
Türkiyədəki bələdiyyə seçkiləri dünya mediasının gündəmində
MÖVZU İLƏ ƏLAQƏLİ
-
“S-400”ə qarşı “Brahmos”
Yunanlar tüfəngin qarşısını sapandla almaq istəyir
-
... Avropanın ilk beşliyində
Milyarderlər məskəni, sevimli-əziz şəhər ...
-
Üç Türk lider bölgənin iqtisadi xəritəsini dəyişir
ABŞ-ın narazı qaldığı məqam
-
Dövlət Departamentindən “F-16” izahı
“Heç bir müttəfiqimiz Türkiyə qədər öz torpaqlarında terrora məruz qalmır”
-
“F-16”lar üçün yaşıl işıq
Yunan və erməni lobbisinin əziyyətləri özlərinə qaldı
-
Ən azı 20 tanker gözləyir
Gəmilər Türkiyənin ərazi sularında tıxac yaradıb
-
Qardaş yumruğu və mollaların bədbəxtliyi...
Ayətullahlar sovetin qoca Politbüro üzvləri kimi eyni durum, eyni “ssenari” ilə üzləşib
-
Tehran “F-16”ları gördü
Qırıcılarının təlimlərə cəlb edilməsi Əliyevin toxunduğu məqamı aktuallaşdırdı
-
“Dostlara güc, düşmənə qorxu”
Hərbi təlimlər Güney azərbaycanlıları öz haqları uğrunda mübarizəyə həvəsləndirir
-
“Bir gecə, qəfildən ...”
Xarici işlər naziri Çavuşoğludan Yunanıstana sərt reaksiya: “Geri addım atmasa, lazım olanı edəcəyik”
-
524 gəmi, 13 milyon ton taxıl
Almaniyanın məşhur qəzeti Ərdoğanı göylərə qaldırdı ...
-
“Hara getsək arxamızca qaçır”
“Çavuşoğlu Dendiası ələ saldı” başlığını manşet edən yunan mətbuatı Akarın Bakı səfərindən də yazıb
-
“Özünü qorumaq haqqı var”
İsveç baş nazirinin keçmiş millət vəkilinə Türkiyə cavabı
-
Almaniyanı xilas edən türk həkimlər
Ölkə onların hesabına ildə 4 milyard avroya qənaət edir
-
Ver “S-400”ü, al “F-35”i
ABŞ Türkiyəyə yeni şərt
-
İşbirliyi bitdi
Suriyadakı terrorçular ABŞ-la əməkdaşlığı dayandırıb
İstanbul seçki komissiyası bu şəhərdə dünən keçirilən təkrar bələdiyyə başqanı seçkilərinin rəsmi olmayan yekun nəticələrini açıqlayıb. Bu nəticələrə əsasən 9 milyona yaxın seçicinin səs verdiyi seçkilərdə CHP-İYİ partiya ittifaqının namizədi Əkrəm İmamoğlu 4 milyon 742 minə yaxın səs alıb. Onun əsas rəqibi Binəli Yıldırımdan 806 min 415 səs çox topladığı açıqlanıb. 178 minə yaxın səs etibarsız hesab edilib.
Əkrəm İmamoğlunun təkrar seçkilərdə AKP-MHP ittifaqının namizədini bu cür əzici üstünlüklə məğlub etməsi beynəlxalq mediada geniş rezonans yaradıb.
“ The New York Times” qəzeti bu hadisəni “Təkrar sekilərdə Türkiyə prezidentinin acınacaqlı məğlubiyyəti” başlığı ilə çatdırıb. Qəzet yazıb ki, Ərdoğan ötən bazar günü siyasi karyerasının ən ağır məğlubiyyəti ilə üzləşib. İstanbulda məğlub olmaqla Ərdoğanın imici və prestiji zərbə alıb, üstəlik bu seçkilər onun üçün “bəzi praktik nəticələr” doğura bilər.
“The Guardian” qəzeti də İstanbul seçkilərinin nəticələrinin “Ərdoğan üçün böyük zərbə” olduğunu qeyd edir. Qəzet yazır ki, seçicilər dini, sinfi və etnik fərqliliklər arasında körpü quran CHP kampaniyasını mənimsəyib.
“Bu, bir çoxlarının demokratiya sahəsində geriləmələrə görə qorxduğu ölkədə cığır açan qələbədir. İmamoğlunun martın 31-də cüzi fərqlə, sürpriz şəkildə əldə etdiyi qələbəni geri çevirmək üçün təkrarlanan seçkilər həm Türkiyənin demokratik təsisatları, həm Ərdoğanın siyasi gələcəyi üçün misli görünməmiş bir sınaq oldu”,-qəzet belə yazır.
CNN kanalının reportajında isə deyilir ki, İstanbul seçkiləri Ərdoğanın Türkiyədəki hakimiyyətində “sürüşmə meyllərini” ortaya çıxarıb. Əkrəm İmamoğlu dəyişiklik, ümid və yeni başlanğıc vəd edib, onun “Hər şey gözəl olacaq” şüarı Türkiyədə dillər əzbəri olub. Habelə İmamoğlunun qələbəsi Türkiyənin yorğun müxalifətini canlandırıb.
“Daily Mail” qəzeti isə İstanbul seçkiləri barədə geniş məqaləsində İmamoğlunun əzici qələbəsinin “Ərdoğana zərbə” olduğunu qeyd edib. BBC isə öz reportajında qeyd edir ki, seçkinin nəticələri AKP-də ciddi parçalanmalara səbəb ola bilər. “Prezident Ərdoğan karyerasının ən ağır məğlubiyyəti ilə üzləşib. Nəticələr göstərir ki, o seçkilərin yenilənməsinə çağırmaqla böyük səhvə yol verib”,-reportajda bildirilir.
İmamoğlunun qələbəsini dünən bütün gecə boyu onun tərəfdarları həm İstanbulda, həm ölkənin digər şəhərlərində izdihamlı mitinqlərlə, yürüşlərlə qeyd ediblər. İmamoğlu nəticələrin məlum olmasından sonra CHP-nin Seyrantəpə rayonundakı seçki koordinasiya mərkəzindəki çıxışının ardınca Beylikdüzü rayonuna gedib. Orada onu yüz minlərlə tərəfdarı qarşılayıb. İmamoğlu izdiham qarşısında çıxışı zamanı İstanbulda demokratiyanın qalib gəldiyini bildirib.
O, seçki kampaniyası dövründə AKP və MHP-nin barəsində irəli sürdüyü “İmamoğlu FETÖ-nun projesidir” ittihamlarına eyhamla deyib. “Mən bir projeyəm. Mən Türkiyə cümhuriyyətinin, Atatürk cümhuriyyətinin projesiyəm. Hamınıza söz verirəm, uşaqların, gənclərin Əkrəm abisi olmağa gəlirəm. Sizlər bu şəhərdə demokratiyanı bərpa etdiniz”, - o deyib.