Buzlaqlar əriyəcək ...
Geosiyasi savaş qızışır, Britaniyan elit qüvvələrlə mesaj verir
Aqşin KƏRİMOV
MÖVZU İLƏ ƏLAQƏLİ
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
Tanekoya PUA zərbələri
Ukrayna Rusiyanın əsas neft emalı zavodunu vurdu
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
-
Təbiətlə əlaqə tələbi
Hər 4 uşaqdan 3-ü canlı aləmlə ünsiyyətdə olmaq istəyir
-
150 minlik ordu
Rusiyada növbəti səfərbərlik üçün yaş həddi artırıldı
-
“Cəbhədə ehtiyaclar daim dəyişir”
Ukrayna PUA istehsalına hazırlaşır
-
Ölkə sazişlə qorunmur
Ukraynaya təhlükəsizlik təminatı verə bilməyən Qərb Ermənistana vəd verir
-
Viza şərtləri sərtləşdirir
Qərb dəyərlərinə hörmət etməyən və cinayət riski yüksək olanlar Britaniyaya buraxılmayacaq
-
Ukraynaya 1,5 tonluq bomba atıldı
SSRİ zamanı istehsal Termobarik raket döyüşdə ilk dəfə istifadə olunur
-
“Yaşıl” təyyarə
Çox ucuz qiymətə və ən səmərəli hava gəmisi
Birləşmiş Krallıq Rusiya-Ukrayna müharibəsinin davam etdiyi bir zamanda özünün əzələ nümayişini Arktika Dairəsi coğrafiyasına köçürür.
Arktika regionunun cənub cinahı Böyük Britaniya ilə dəniz qonşuluğuna malikdir, ümumilikdə isə region Rusiya, ABŞ, Kanada, Finlandiya, İslandiya, Norveç və İsveçin ərazilərini əhatə edir.
Britaniya özünün qlobal strategiyasının zərurətindən irəli gələrək Arktika regionuna böyük sərmayə qoyur, bununla həmin regiondakı dövlətlərin (Rusiya xaric) təhlükəsizliyini qorumaq öhdəliyinə sadiqliyini göstərir.
Bu yaxınlarda isə NATO Arktika regionunda soyuq müharibə dövründən bəri ilk dəfə ən böyük hərbi təlimlər keçirib və həmin gövdə nümayişinə Britaniyanın Kral Donanması böyük şövqlə qatılıb.
Ümumiyyətlə qeyd etmək lazımdır ki, Kral Donanmasının sularda iştirakı Britaniyanın hegemon rolunun indikatorlarından biridir, bu elit birləşmə dünyanın 12 nöqtəsində donanma saxlayır.
Perspektivdə Arktikada hərbi çəkişmə üçün zəmin yaradan mənbələr sırasında həmin regionda buzlaqların əriməsi və yeni əraziləri əlçatan etməsi də dayanır.
İqlim dəyişikliyi geosiyasi gərginliyi artırır, çünki enerji ehtiyatları və mineral ehtiyatlar üzərində rəqabət yeni mərhələyə qədəm qoyur.
Region üzərində çaxnaşma yarada biləcək ikinci amil burada Rusiya-Çin əməkdaşlığının mövcud olmasıdır. Regiona coğrafi bağlılığı olmayan uzaq Çin regionda özünün siyasi-iqtisadi maraqlarını yüksək səviyyədə həyata keçirməyə can atır ki, bu da regionu və Britaniyanın strateji təmkinini sınağa çəkir.
“Böyük şahmat lövhəsindəki” Rusiya-Çin gedişləri Britaniyanı ağıllı siyasət yürütməyə vadar edir, buna görə də, London Qərblə inteqrasiya olunmuş yanaşma ilə strateji çağırışlarla məşğul olmağın optimal yolunu seçir.
Britaniya bunun üçün:
1. Arktika regionunda təsirini gücləndirə bilmək üçün daha ardıcıl qərar vermə proseslərini nəzərdən keçirir,
2. Londonun hədəfində Arktikanın hərbiləşdirilməsinə sərmayələri artırmaq məqsədləri dayanır,
3. Xaricdə bu məqsədlərinin əhəmiyyətli şəkildə dəstəklənməsi üçün imkanlarını səfərbər edir.
Arktikadakı sonuncu təlimlər Birləşmiş Krallığın ideyaları altında həmin bu üç məqsədin bir regionda ifadə edilməsinin göstəricisidir.
Britaniyanın 3000-dən çox dəniz piyadasının qatılması Rusiyaya ötürülən mesajın hərbi elementlərindəndir, həmin hərbçilər Arktika dairəsinin sahildəki və dənizdəki dərinliklərində özlərinə mövqe seçiblər.
Bununla da Britaniya özünün şimal cinahını istənilən təcavüzkardan – Rusiyadan - qorumaq öhdəliyini nümayiş etdirir.
Hələlik hibrid müharibə kimi davam edən çəkişmə Arktika regionunun perspektivinə meydan oxuyur.
Rusiya-Ukrayna müharibəsi fonunda bu tendensiya soyuq müharibədən sonra “az gərginliyi olan və yüksək əməkdaşlıq” kimi təsvir edilən Arktika regionununda hərarəti münaqişə həddinə qədər qaldıra bilər. Gedişat Rusiyanın da qəzəbinə səbəb olacaq, Moskvaya hiddət verən başqa faktor isə İsveç və Finlandiyanın NATO-ya üzv olmaq istəkləridir.