vaxtlı-vaxtında oxuyun! Bazar ertəsi, 27 may 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Bir gün azad yaşamaq, qırx il boyunduruq altında yaşamaqdan daha üstündür»

Babək Xürrəmi (798 - 838)
BÖHRAN  
12:42 | 3 aprel 2024 | Çərşənbə Məqaləyə 858 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Tehran-İsfahan-Məşhəd arasında “gəzinti”

Zahidinin ölümündən əvvəlki səyahət marşrutu suallar yaradıb

CAVİD

MÖVZU İLƏ ƏLAQƏLİ

Suriya və Livandakı Qüds qüvvələrinin komandanı, briqada generalı Məhəmməd Rza Zahidinin Tehrandan qayıtmasından bir neçə saat sonra İran konsulluğunun yanındakı binada yerləşən İnqilab Keşikçiləri Ordusunun (SEPAH) qərargahı İsrail tərəfindən bombalanıb.

Oktyabrın 7-də HƏMAS-ın İsrailə hücumundan sonra Qəzzada başlayan müharibə zamanı Livan və Suriya arasında altı ay “gəzinti”dən sonra Zahidi son bir neçə günü İranın paytaxtı Tehranla məmləkəti İsfahan şəhəri olmaqla ölkənin mərkəzində keçirib.

SEPAH-a yaxın din xadimi Mahmud Kərimi bildirib ki, Zahidi bazar günü gecə ölkənin şimal-şərqində yerləşən Məşhəd şəhərində olub.

Zahidinin ölkəyə qayıtmasından əvvəl HƏMAS lideri İsmayıl Haniyə və İslami-Cihad lideri Ziyad ən-Nəhhalenin Tehranda İranını dini lideri Xameneyi, prezident İbrahim Rəisi və Ali Milli Təhlükəsizlik Şurasının baş katibi Əli Əkbər Əhmədiyan da daxil olmaqla yüksək vəzifəli rəsmilərlə görüşləri olub. Zahidinin İran dönüşü bu görüşlərlə eyni vaxta təsadüf edib.

Zahidinin görüşlərdə iştirakı məlum deyil. Digər tərəfdən, fotoşəkillər Haniyənin həmkarı, Qüds Qüvvələrində Fələstin faylına nəzarət edən general Məhəmməd Səid Ezadinin İran Baş Qərargah rəisi Məhəmməd Baqeri ilə konsulluqdakı qərargahda keçirilən görüşdə iştirakını göstərir. Lakin SEPAH İzadinin hücum zamanı öldürüldüyünü təkzib edib.