vaxtlı-vaxtında oxuyun! Bazar ertəsi, 27 may 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Xalq gərək daim öz kökünü xatırlasın»

Heydər Əliyev (1923 - 2003)
AVROPA  
18:12 | 3 aprel 2024 | Çərşənbə Məqaləyə 876 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

13 ildən sonra ilk

Gəlirlər artsa da büdcədə kəsir əmələ gəlib

CAVİD

MÖVZU İLƏ ƏLAQƏLİ

Almaniyada bələdiyyələr son 13 ildə ilk dəfə büdcə kəsiri ilə üzləşib. Ölkədə bələdiyyələrin gəlirləri 9 faiz artaraq 358,1 milyard avroya çatdığı halda, xüsusilə sosial xərclərin çoxluğu səbəbindən 6,8 milyard avro büdcə kəsiri yaranıb.

Almaniya Federal Statistika İdarəsi bələdiyyələrin büdcələri ilə bağlı 2023-cü ilin aparıcı məlumatlarını açıqlayıb.

“2011-ci ildən 2022-ci ilə qədər bələdiyyələr federal və əyalət hökumətlərinin öz vergi gəlirləri və “Covid-19” pandemiyası zamanı yerli hökumətlərə dəstək üçün müvəqqəti olaraq artan ayırmalar hesabına həmişə büdcə profisiti ilə üzləşiblər. 2022-ci ildə bələdiyyələrin hələ də 2,6 milyard büdcə profisiti var idi”, – məlumatda qeyd olunur.

Keçən il bələdiyyələrin xərcləri 12 faiz artaraq 364,9 milyard avro olduğu halda, sosial yönümlü xərclərin hər il 11,7 faiz artaraq 76 milyard avroya çatması diqqət çəkib.

2023-cü il yanvarın 1-dən vətəndaşlıq pulu və sosial müavinətlər artırılsa da, Ukraynadan olan qaçqınların vətəndaşlıq pulu almaq hüququ da sosial xərclərin böyüməsinə səbəb olub. Bunun əksinə olaraq, digər qaçqınlar üçün xərclər 7,9 faiz azalaraq 3,7 milyard avroya düşüb.