vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Yetər İran odlarından
od ələndi başımıza,
Dur ayağa! Ya azad ol,
ya tamam yan, Azərbaycan!»

Məhəmməd Hüseyn Şəhriyar (1906 - 1988)
GÜNDƏM  
12:11 | 15 oktyabr 2022 | Şənbə Məqaləyə 896 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Yüz ildən sonra da ...

Makronu Ermənistan yox, Fransanın Cənubi Qafqazdakı nüfuzu narahat edir

E.HƏSƏNLİ

MÖVZU İLƏ ƏLAQƏLİ

Jurnalistlərin suallarını cavablandıran Tayyib Ərdoğan deyib ki, o, Praqada Nikol Paşinyanla görüşüb və Zəngəzur dəhlizinin açılması ilə bağlı elə bir problem görmür.

Cənab Ərdoğan ciddi siyasətçidir. Yəni o, boşuna belə bir bəyanat verməz...

Digər tərəfdən də Emmanuel Macron aranı qarışdırmaq üçün açıq şəkildə provokasiyaya əl atır. Ermənistanla Azərbaycan arasında sülh müqaviləsi imzalanmasına məqsədli şəkildə mane olur...

Fransa nədən Ermənistanla Azərbaycan, eyni zamanda Türkiyə arasında sülh və əmin-amanlığın olmasını istəmir? Məncə, Böyük Britaniyanın Azərbaycanda, Azərbaycan üzərindən isə Cənubi Qafqazda nüfuz sahibi olması Fransanı qıcıqlandırır. Cənubi Qafqazda Fransanı da söz sahibi kimi görmək istəyən Emmanuel Macron həyasız şəkildə, yəni bütün qırmızı xətləri keçərək Ermənistanın tərəfini tutur.

İngilislər ağıllıdır. Elə ona görə də dünyanı onlar idarə edir. Cənubi Qafqazın ən güclü ölkəsi birmənalı olaraq Azərbaycandır. İngilislər də Azərbaycana üstünlük verir. Fransa situasiyanı dəyişmək istəyir. Bu məqsədlə də Ermənistana qaz verir (təbii qaz yox ha) və erməniləri inandırmağa çalışır ki, Azərbaycan və Türkiyəyə müqavimət göstərsə, bu prosesdən daha böyük uduşla çıxa bilər...

Kimsə deyə bilər ki, ABŞ da ermənilərin müdafiəsi üçün aşırı işlər görür. Məncə, ABŞ Ermənistanla Azərbaycan və Türkiyə arasında barış olmasının tərəfdarıdır. Fransa isə bunu qətiyyən istəmir...

Bir şeyi də deyim: Yadınızdadırsa, 2021-ci ilin elə bu vaxtlarında Avstraliya, Britaniya və ABŞ AUKUS adlı yeni alyansını yaratdı.  Avstraliya Fransa ilə olan 60 milyard dollarlıq sualtı qayıq müqaviləsindən çıxdı və bu da öz növbəsində Fransa tərəfindən hiddətlə qarşılandı...

Yəni Fransa ilə ingilis düşüncəsinə bağlı ölkələr arasında ciddi ziddiyyətlər var. AUKUS-da Kanada niyə yer almayıb? Məntiqlə Kanada da orada olmalıdır. Səbəb çox sadədir. Çünki 37 milyon əhalisi olan Kanadanın separatizmə meylli Kvebek bölgəsində 8.5 milyon fransızdilli insan yaşayır... 

Biz Azərbaycan olaraq ingilislərin yanında olmalıyıq. Qoy ermənilər fransızlara söykənsinlər. Yüz il bundan sonra da Fransa Böyük Britaniyanın nüfuzuna və gücünə sahib olan deyil. Heç kəs narahat olmasın...