ABŞ-ın texnologiya nəhəngi “Apple”, Avropa Birliyi (AB) qanunlarına uyğunluq çərçivəsində “App Store”, Mesajlar, Fotoşəkillər, Kamera və “Safari” proqramlarını silməyi mümkün edəcək.

“Apple” tərəfindən edilən açıqlamada ilin sonuna qədər AB-dəki istifadəçilər üçün brauzer seçim ekranında, standart tətbiqlərdə, iOS və iPadOS üçün tətbiqlərin silinməsində dəyişikliklər ediləcəyi açıqlandı.

Bəyanatda bu yeniləmələrin Rəqəmsal Bazarlar Qanununun (Digital Markets Act – DMA) tələblərinə uyğunluq çərçivəsində həyata keçiriləcəyi və üçüncü tərəf alətlərinin də istifadəyə veriləcəyi bildirilib.

Açıqlamada, AB-dəki istifadəçilərin parametrlərdə iOS və iPadOS 18-də hər bir istifadəçiyə təklif olunan “standart tətbiqlər” bölməsini görəcəkləri, istifadəçilərin telefon nömrələrini yığmaq, mesaj göndərmək, mətni tərcümə etmək üçün yeni standart parametrlərə sahib olacağı bildirilib. Bununla yanaşı parolların idarə olunması, klaviatura və istənməyən zəng filtrlərinin gələcək proqram yeniləmələrində olacağı qeyd edilib.

Bəyanatda həmçinin “App Store”, Mesajlar, Fotoşəkillər, Kamera və Safari proqramlarının AB-də istifadəçilər üçün silinə biləcəyinə dair məlumatlar da yer alıb.