vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Əgər qılınc pas atıbsa, deməli sahibi ölübdür»

Babək Xürrəmi (798 - 838)
DƏB  
15:38 | 24 iyun 2022 | Cümə Məqaləyə 1666 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Nike” Rusiyanı tamamilə tərk edir

Şirkət pərakəndə satıcıları ilə müqavilə imzalamadı

MÖVZU İLƏ ƏLAQƏLİ

ABŞ-ın idman geyimləri nəhəngi “Nike” Rusiyadakı fəaliyyətini dayandırdıqdan üç ay sonra bu ölkəni tamamilə tərk etdiyini bildirib. “Nike” cümə axşamı verdiyi açıqlamada Moskvanın Ukraynaya davam edən işğalına görə Rusiya bazarını tərk etmək üçün digər böyük Qərb brendlərinə qoşulduğunu deyib.

"Nike İnc.” Rusiya bazarını tərk etmək qərarına gəlib. “Nike” mağazaları bu yaxınlarda müvəqqəti olaraq bağlanıb və yenidən açılmayacaq”, – deyə, bildirilib. Şirkət Rusiyadakı veb saytının və onun tətbiqinin də bağlanacağını deyib.

Keçən ay “Nike” ölkədə öz məhsullarının ən böyük pərakəndə satıcısı olan Rusiyanın “İnventive Retail Group” (İRG) ilə françayzinq müqaviləsini uzatmayacağını bildirmişdi.

Martın əvvəlində “Nike” Rusiyada onlayn satışlarını dayandırıb və bir neçə gün sonra ölkədəki bütün mağazalarını, o cümlədən françayzinq müqavilələri əsasında fəaliyyət göstərən mağazalarını müvəqqəti bağlayıb.

“Nike” 28 ildir ki, Rusiya bazarında fəaliyyət göstərirdi. Fevralın 24-də Ukraynaya qarşı müharibəyə başlayandan bəri müxtəlif sektorlardan onlarla iri beynəlxalq şirkət Rusiyanı tərk edib.