150 ildən artıqdır ki, Bernhard H. Mayer adı üstün sənətkarlıq və lüksün sinonimi kimi tanınır. 1871-ci ildə Almaniyanın Pforzheim şəhərində əsası qoyulmuş bu brend kiçik bir ailə biznesindən inkişaf edərək lüks saatçılıq dünyasının ən nüfuzlu adlarından birinə çevrilib.

Bəs, Bernhard H. Mayer saatlarını digərlərindən fərqləndirən nədir?

İsveçrə sənətkarlığı

QNET-in Bernhard H. Mayer saatlarının hamısı İsveçrənin saatçılıq mərkəzi sayılan Biel şəhərində yerləşən atelyelərdə əl işləri ilə hazırlanır. Burada usta saatçılar hər bir modeli ənənəvi texnikaları müasir horologiya nailiyyətləri ilə birləşdirərək incəliklə yığırlar.

Bu isə o deməkdir ki, Bernhard H. Mayer saatı alan hər kəs mükəmməl dizayna və bənzərsiz ustalığa sahib bir əsər əldə edir.

Ustalıqla hazırlanmış saat mexanizmləri

Bernhard H. Mayer İsveçrə lüks saatçılığının ənənələrinə sadiq qalaraq, müxtəlif zövqlərə uyğun mexanizmlər təqdim edir.

Saat mexanizmi (və ya “kalibr”) onun ürəyi və daxili mühərrikidir. Bernhard H. Mayer xüsusilə mexaniki mexanizmli saatları ilə məşhurdur.

Mexaniki mexanizm mürəkkəb dişli sistemindən ibarətdir və enerji mənbəyi kimi yığılan yaydan istifadə edir. Bu tip saatlar adətən əl ilə yığılır. Mexaniki mexanizmlər iki əsas növə bölünür:

Manuel mexanizmlər – ənənəvi saatçılığın əsasını təşkil edir, mütəmadi olaraq əlinizlə “crown”-u (saatın düyməsini) çevirməyi tələb edir. Sadəliyi, zərifliyi və tarixlə bağları səbəbindən yüksək qiymətləndirilir. Nümunə olaraq, vintage ETA/Unitas 6497 mexanizmi ilə təchiz edilmiş “Mecanique Rose Gold” modelini göstərmək olar.

Avtomatik mexanizmlər – manuel mexanizmlər kimi işləyir, lakin “öz-özünə qurulan” sistemə sahibdir. Yəni, istifadəçinin bilək hərəkətindən yaranan kinetik enerji ilə işləyir. Onlar həm rahatlığı, həm də davamlılığı ilə sevilir. Buna nümunə olaraq, Sellita SW300 avtomatik İsveçrə mexanizmi ilə işləyən “Wave Breaker” modelini göstərmək olar.

Bundan başqa, Bernhard H. Mayer bəzi modellərdə kvars mexanizmlərindən də istifadə edir. Batareya və kvars kristalları ilə işləyən bu saatlar daha dəqiq və az texniki qulluq tələb edir. OMNI və Lurve kolleksiyaları buna misaldır.

 Funksionallıq və estetika

Brend həm funksionallığa, həm də gözəlliyə xüsusi önəm verir. Buna görə də Bernhard H. Mayer saatları həm etibarlı, həm də sahibinin zövqünü əks etdirən dizaynlarda hazırlanır.

Gündəlik saatlar – rahatlıq və davamlılıq üçün nəzərdə tutulub. Klassik və ya müasir üslubda ola bilər. Məsələn, yarış üslubundan ilhamlanmış Drift Racer.

Kostyum (dress) saatları – rəsmi tədbirlər üçün hazırlanır. Adətən incə, minimalist siferblatlı və dəri kəmərlidir. Məsələn, Muses Ladies – Black Leather Strap, lüks dəri kəmər və tam kəsim brilyantlı polad korpusla seçilir.

İdman saatları – zərifliklə yanaşı davamlılıq da axtaranlar üçün. Məsələn, Powermaster Chronograph – funksionallığı və cəsarətli dizaynı ilə seçilir.

Dalış saatları – sualtı istifadəyə uyğun, amma gündəlik geyimlə də rahat taxıla bilən modellərdir. Məsələn, fırlanan bezel, işıqlı indekslər və güclü korpusa sahib @Wave Rider@.

Premium materiallar

Lüks saatçılıqda materialların keyfiyyəti də ən az mexanizm qədər vacibdir. Bernhard H. Mayer yalnız ən yüksək keyfiyyətli materiallardan istifadə edir:

316L paslanmayan polad – davamlı, korroziyaya qarşı dayanıqlı və həm klassik, həm də gündəlik üsluba uyğun parlaq görünüşə malikdir.

Qızıl – həm tam qızıl korpuslarda, həm də örtükdə istifadə olunur. Məsələn, “Le Classique Chronograph Rose Gold”.

Keramika – yüngül, davamlı, cızılmaya və ultrabənövşəyi şüalara qarşı dayanıqlıdır. Məsələn, @Alto Ceramic@ kolleksiyası.

Safir şüşə – bütün Bernhard H. Mayer saatlarında istifadə olunur. Sintetik safirdən hazırlanmış bu şüşə yüksək dərəcədə cızılmaya davamlıdır və saatın “pəncərəsini” etibarlı qoruyur.

*** 

Nəticə etibarilə, Bernhard H. Mayer saatları sadəcə vaxtı göstərən aksessuar deyil. Onlar dəqiqliyin, sənətkarlığın və uzunömürlülüyün simvoludur. İstər mexaniki mexanizmlərin klassik sadəliyinə, istərsə də premium materialların incəliyinə üstünlük verilsin – hər bir Bernhard H. Mayer saatı zamanın sınağından çıxmaq üçün yaradılıb.