İREX-in bank hesabına həbs
ABŞ təşkilatı Baş Prokurorluğun təqdimatı əsasında verilən məhkəmə qərarına apelyasiya şikayəti verib
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
“Əlaqələr kəsilməməlidir”
ABŞ və Çin arasında kritik görüş – “Tayvan qırmızı xətdir”
-
5 milyard ödəyəcək
“Google” təzminat iddialarını qəbul edib
-
“Lego”dan ABŞ polisinə etiraz
Şübhəlilərin üzünün örtülməsinə görə ....
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
-
“Havana sindromu” – sirr pərdəsi aralanır
Dünyanın səbirsizliklə gözlədiyi hesabat dərc olundu
İyulun 31-də ABŞ-ın İREX qeyri-hökumət təşkilatının Azərbaycan nümayəndəliyinin bank hesablarına həbs qoyulub. Bu barədə qərarı Baş Prokurorluğun təqdimatı əsasında Nəsimi Rayon Məhkəməsi verib. Bu barədə «Turan»a beynəlxalq təşkilatlardakı mənbələrdən bəlli olub.
Mənbənin məlumatına görə, İREX məhkəmənin qərarından apelyasiya şikayəti verib. İREX-in özündə şərh verməkdən yayınırlar.
Bu təşkilat Azərbaycan KİV-inin əsas donorlarından biridir. Bir neçə il ərzindən İREX onlarla layihə həyata keçirib, KİV-ə maddi və texniki yardım göstərərək, jurnalistlər üçün çoxsaylı treninqlər və seminarlar təşkil edib. Bundan başqa, İREX ölkənin kənd sakinlərinin internetə çıxışı işində böyük rol oynayıb, onlarla kənddə pulsuz internet otaqları təşkil edib.
Qeyd edək ki, mayda Baş Prokurorluğun Ağır Cinayətlər üzrə İstintaq İdarəsi bir sıra yerli və xarici QHT-lərə qarşı cinayət işinə başlayıb. Həmin vaxtdan 20-yə yaxın yerli və xarici QHT-nin hesabına həbs qoyulub. Bu QHT-lərin bəzilərində vergi yoxlamaları aparılır.
Onu da yada salaq ki, məqsədi Azərbaycanda inqilabi mühit yaratmaq olan bu təşkilatların gerçək hədəfləri jurnalist Eynulla Fətullayevin virtualaz.org saytında işıq üzü görən «Əliyevə qarşı 2,4 milyon dollar» adlı məqalədə müfəssəl şəkildə təhlil edilib.
E.Fətullayev yazırdı: «İREX təşkilatı isə 2004-2010-cu illərdə 5,7 milyon dollar almışdı. O, bu pulların çoxunu Azərbaycanda müxalif fikrin formalaşdırılmasına yönəltmişdi.
İREX 2007-2009-cu illərdə USAİD-dən əlavə olaraq daha 250 min dollar alıb. 2010-2014-cü illərdə isə İREX «yeni mətbuat orqanları»nın yaradılması adı ilə 6 milyon dollar alıb. Bu layihə 2014-cü ildə başa çatır. Onun nəticələri çox maraqlıdır: xaricdən maliyyələşən bu yeni mətbuat orqanlarının mütləq əksəriyyəti ya müxalifətçi, ya da müxalif əhval-ruhiyyəlidir. Unutmaq olmaz ki, burada söhbət hədəfi yalnız prezident İlham Əliyev olan xüsusi layihələrdən gedir!
Yeri gəlmişkən, İREX öz antiazərbaycan mövqeyini heç vaxt gizlətmir. Yeni mətbuat layihəsinin icrasını rumıniyalı Anjela Nikoaraya tapşırıblar. Azərbaycan hökumətinin qatı tənqidçisi olan xanım Nikoara həm İ.Əliyevi, həm də hökumətin daxili siyasətini tənqid atəşinə tutan çoxsaylı hesabatların müəllifidir.
Həmin hesabatlar ölkəmizə dərin nifrət hissi ilə yoğrulub. Bu da təsadüfi deyil. A.Nikoara ermənipərəst mövqeyini də dəfələrlə ortaya qoyaraq Dağlıq Qarabağın Azərbaycandan ayrılması məsələsini tez-tez qaldıran biridir.
Bundan başqa, o, erməni xüsusi xidmət orqanları ilə əməkdaşlıqda suçlanan Rauf Mirqədirova hərtərəfli dəstək verməyi Vaşinqtondan şəxsən xahiş edib. Mirqədirov problemini beynəlxalq aləmdə və ABŞ-da Azərbaycana təzyiq aləti kimi «cücərdib böyütmək» ideyasının müəllifi də A.Nikoaradır. İREX Mirqədirovun müdafiəsi ilə bağlı beynəlxalq kampaniya aparmaq üçün xüsusi proqram işləyib hazırlayıb.
Beləliklə, USAİD Əliyev əleyhinə yeni layihənin həyata keçirilməsinə nə az, nə çox - düz 2,4 milyon dollar ayırıb. Fikir verin, USAİD bu pulu məhz İREX-in oxşar layihəsi başa çatan gün ayırıb. Böyük ehtimalla bu pulu yenə İREX alacaq. Müsabiqə, elan və tenderlər isə gözə kül üfürmək, «şəffaf və təmiz fəaliyyət» görüntüsü yaratmaq üçündür.
Beləliklə, bu pullar İREX-ə çatacaq. Bəs İREX-də media layihələri ilə kim məşğuldur? Hüquqşünas Ələsgər Məmmədli.
Bu adam müxalif fikirlidir, hökuməti tez-tez tənqid edir. Onun nurçularla əlaqələrinə dair təkzibolunmaz dəlillər də var.
İndi də gəlin ABŞ-ın bu təşkilatının Azərbaycandakı ənənəvi fəaliyyətinə, onun himayə etdiyi çevrələrə nəzər salaq.
İREX-in tərəfdaşlarının siyahısı dəyişməz olaraq qalır. Söhbət İ.Əliyevin qatı əleyhdarlarından və tənqidçilərindən gedir. Onlar aşağıdakılardır: Rəşid Hacılı (Media Hüquqları İnstitutu), Mehman Əliyev («Turan» agentliyi), Emin Hüseynov (Reportyorların Azadlığı və Təhlükəsizliyi İnstitutu), Anar və Əziz Orucovlar («Media Qafqaz» Tədqiqat Mərkəzi), Rəsul Cəfərov (İnsan Haqları Klubu) və s.
Şübhə yoxdur ki, 2,4 milyon dollarlıq yeni tranş bu dəfə də hökumətin əleyhdarları və tənqidçiləri arasında bölüşdürüləcək.
Bu təşkilatların həyat qabiliyyətini qoruyub saxlamaq amerikalılardan ötrü çox vacib məsələdir. Bunu anlamaq o qədərmi çətindir?»