«Mən ona bəraət qazandırmıram»
ABŞ-dakı yevangelist xristianlar kimə səs verəcəklər?
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
“Əlaqələr kəsilməməlidir”
ABŞ və Çin arasında kritik görüş – “Tayvan qırmızı xətdir”
-
5 milyard ödəyəcək
“Google” təzminat iddialarını qəbul edib
-
“Lego”dan ABŞ polisinə etiraz
Şübhəlilərin üzünün örtülməsinə görə ....
-
“Mən kampaniyamı dayandırıram...”
“Açıq sərhədlər, artan cinayətlər, rekord inflyasiya” ABŞ-da problemə çevrilib
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
Rəy sorğularının nəticələri göstərir ki, Amerikanın xristian yevangelistləri prezidentliyə Respublikaçı namizəd Donald Trampın qadınlarla bağlı işlətdiyi nalayiq ifadələrə baxmayaraq milyarder daşınmaz əmlak maqnatına səs verməyi planlaşdırırlar. Tramp bu ilin əvvəli praymerilərdə iştirak edəndə «xristian sağçılar» kimi tanınan yevangelistlərin tanınmış liderləri onu tənqid edirdilər, ancaq indi onların əksəriyyəti Trampın əxlaqsız davranışları olduğuna dair tənqidlərə baxmayaraq onu dəstəkləyir.
Bir aralar bir çox mühafizəkar xristian Donald Trampı dəstəkləməkdən çəkinirdi, amma o zamandan bəri çox şey dəyişib.
İndi, bir çox qadının Trampı cinsi zorakılıqda günahlandırmasına baxmayaraq, rəy sorğuları mühafizəkar xristinaların 65 faizinin onu dəstəklədiyini göstərir.
«Mən ona bəraət qazandırmıram. Amma bir çox kişinin ondan qat-qat pis davranışları olduğu halda Trampın qınanmasını da anlamıram,» deyə xristian Tramp tərəfdarı Xulio bildirir.
«Bəzən o lazım olandan çox danışır, amma onun məqsəd və dəyərləri mənimki ilə uyğunlaşır,» deyə bir digər xristian Tramp tərəfdarı Alan bildirir.
Bu seçicilərin çoxu üçün üstün olan bir məsələ var.
«Mənim üçün vacib olan abortun qadağan edilməsi məsələsini bir tək Donald Tramp dilə gətirdi,» deyə xristian Tramp tərəfdarı Rendi bildirir.
Lakin bir çox xristian qadın da Trampın söylədiklərindən təhqir olunub və Hillari Klintona səs verməyi planlaşdırır.
«Mən onun söylədiklərinə inanmıram. Məncə o qadınlara hörmət etmir,» deyə xristian Klinton tərəfdarı Klaudiya bildirir.
Bu yaxınlarda Rays Universitetində keçirilən forumda, din və siyasət üzrə ixtisaslaşan alimlər prezident seçkisini müzakirə ediblər.
Professor Dayen Uinston deyir ki, bir çox xristian Trampın mənəvi səhvlərini göz ardı edir.
«O, bu insanların elementar sosial və siyasi mövqelərini dəstəkləyir. Özü amoral olsa da, onun mənəviyyat gündəmi var,» deyə Uinston bildirir.
Uinstonun dediyinə görə, yevangelistlər arasındakı fikir ayrılığı irsi fərqlərə əsaslanır.
«Əksər rəy sorğuları nəticələrinə əsasən, ağdərili yevangelistlərin 60-70 faizi Trampa səs verəcək. Qaradərili yevangelistlərin əksəriyyəti isə Klintona səs verəcək.»
Brukinqs İnstitutunun apardığı son araşdırma onu göstərir ki, mənəviyyatla bağlı məsələlərin ağ yevangelistlər üçün o qədər də ciddi əhəmiyyəti yoxdur.
2011-ci ildə onların yalnızca 30 faizi şəxsi mənəviyyatın əxlaqdan fərqli olduğunu düşünürdü, son rəy sorğuları isə bu rəqəmin 72 faiz olduğunu göstərir.
Bu insanların və onların dini liderlərinin fikirləri cəmiyyətdəki dəyişiklər və iqtisadi şəraitə görə dəyişir.
San-antoniolu tədqiqatçı Patton Dodd deyir ki, Trampın «məşhur» statusu da bu seçicilərin dəstəyini qazanmağa yardım edib.
«Onlar təkcə keşişlərinin dediklərini dinləyib, müvafiq olaraq hərəkət etmirlər. Başqaları kimi onlar da pop mədəniyyətlə maraqlanırlar,» deyə o bildirir.
Bunun seçkilərə necə təsir göstərəcəyi isə səslər hesablanandan və nəticələrin təhlili başlayandan sonra bilinəcək.