vaxtlı-vaxtında oxuyun! Cümə axşamı, 21 noyabr 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
MƏDƏNİYYƏT
MUSİQİ  
21:57 | 16 yanvar 2014 | Cümə axşamı Məqaləyə 3893 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Mehriban Əliyevanın yapon dilində məqaləsi

1-ci xanım Azərbaycan Mədəniyyətinin incisi «Muğam» haqqında yazılarını davam etdirir

İnformasiya şöbəsi

MÖVZU İLƏ ƏLAQƏLİ

Azərbaycan Respublikasının Yaponiyadakı səfirliyinin və «İRS-Isan» jurnalının redaksiya heyətinin birgə təşkilatçılığı ilə Azərbaycan həqiqətlərinin dünyada təbliği sahəsində geniş xidmətləri olan jurnalın yapon dilində növbəti nömrəsi nəşr edilib.

AzərTAc-ın verdiyi məlumata görə, jurnalın bu nömrəsində xalqımızın muğam mədəniyyətinə qayğısının və diqqətinin təcəssümü olaraq Azərbaycanın birinci xanımı, Heydər Əliyev Fondunun prezidenti, UNESCO-nun və İSESCO-nun xoşməramlı səfiri Mehriban xanım Əliyevanın Qarabağ muğam məktəbi haqqında müfəssəl məqaləsi yapon oxuculara təqdim edilir.
Məqalədə muğam sənəti, Azərbaycan muğam məktəbi və onun görkəmli nümayəndələri haqqında geniş məlumat verilir. Azərbaycan muğam sənətinin mühüm tərkib hissəsi olan Qarabağ muğam məktəbinin özünəməxsus üslubu və ənənələri haqqında ətraflı danışılır.
Bundan əlavə, jurnalda baş redaktor Musa Mərcanlının «Qarabağ - muğamın beşiyi», Tofiq Musayevin ermənilər tərəfindən törədilmiş Xocalı faciəsi haqqında «Xocalıda cinayət: hadisənin günahkarları, baş verənlərin beynəlxalq hüquqa əsasən təsnifatı və məsuliyyət», ötən il yaradıcılığının 900 illik yubileyi qeyd olunmuş böyük Azərbaycan şairi Məhsəti Gəncəvi haqqında Azərbaycan Milli Elmlər Akademiyasının müxbir üzvü Rafael Hüseynovun « Müasirimiz Məhsəti Gəncəvi», tarix üzrə fəlsəfə doktoru İzmira Quliyevanın «Azərbaycanın təbii boyaları - təbiətin insana hədiyyəsi», Afət Rüstəmbəyovanın Azərbaycan tətbiqi sənətində xüsusi yeri olan Qurama sənəti haqqında «Qurama- Azərbaycan tətbiqi sənətinin bir növü kimi», tarix üzrə fəlsəfə doktoru Səbuhi Əhmədovun Milli Azərbaycan Tarixi Muzeyində saxlanan yapon qılıncı haqqında məqalələri yer alıb.
Ölkəmizə səfər edərək son illər Azərbaycanın sürətli inkişafının şahidi olmuş yapon müəllifləri, tanınmış iqtisadçı-ekspert Kazuyasu İşidanın «Yeni zirvələr fəth edən Azərbaycan» və JİJİ PRESS informasiya agentliyinin müxbiri Yokoi Hirominin «Odlar yurdu Azərbaycana səyahət» başlıqlı məqalələri də jurnalda yerləşdirilib.
Nəfis tərtibatda hazırlanmış jurnalın nəşrinin məqsədi yapon xalqını Azərbaycanın zəngin tarixi-mədəni irsi, incəsənəti, ədəbiyyatı, mətbəxi, turizm imkanları və ölkəmizin inkişaf perspektivləri haqqında daha ətraflı məlumatlandırmaqdır.

   

SON DƏQİQƏ

ANKET

Dalaşan müğənnilərə hansı cəza verilsin?

  • Titulları alınsın
  • Telekanallarda qadağa
  • İctimai qınaq
  • Cəzalandırılmasınlar
Səs ver Nəticələr

MƏDƏNİYYƏT

ƏDƏBİYYAT

İNCƏSƏNƏT

MUSİQİ

SƏNƏTÇİ

KİNO-TEATR

ŞOU BİZNES

ƏN ÇOX ...

OXUNAN