Ər həbs olunub, arvad axtarılır
«Biznesmen Əlizadə Mustafayev və Ülviyyə Saitmuratovanı ömürlük həbs gözləyir...»
MÖVZU İLƏ ƏLAQƏLİ
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
Dezinformasiya yayanlara sanksiya
Fransa XİN Rusiya şirkətlərini hədələdi
-
Rusiya ordusunda kritik dəyişiklik
Hərbi Dəniz Qüvvələrinə və Qara Dəniz Donanmasına iki təyinat
-
Tanekoya PUA zərbələri
Ukrayna Rusiyanın əsas neft emalı zavodunu vurdu
-
Rusiyaya PUA hücumu
“Shaded-136”lar istehsal olunan zavodda partlayış baş verib
-
150 minlik ordu
Rusiyada növbəti səfərbərlik üçün yaş həddi artırıldı
-
“Qətliam olacaq”
“85 il əvvəl 200 min rus əsgərini öldürmüşdük”
-
“Havana sindromu” – sirr pərdəsi aralanır
Dünyanın səbirsizliklə gözlədiyi hesabat dərc olundu
-
Ukraynaya 1,5 tonluq bomba atıldı
SSRİ zamanı istehsal Termobarik raket döyüşdə ilk dəfə istifadə olunur
-
Putinin “inanclı atəşkəsi”
Aysberqin görünməyən tərəfi
-
Bir milad yazışması
Ukrayna xalqı ən müqəddəs bayramını ruslarla bir gündə qeyd etmək istəmir
-
Azərbaycanlı “Qurd”
VIP mühafizəçidən “Dəniz piyadası”na qədər
Dekabrın 25-də axşam saatlarında idarə etdiyi «Range Rover» avtomobili ilə Rusiyanın Sankt-Peterburq şəhərində məktəbliləri daşıyan avtobusun qarşısını kəsən və sürücünü bıçaqlayan azərbaycanlı biznesmen Əlizadə Mustafayevi və yaralı sürücüyə küt alətlə zərbə endirən arvadı Zülfiyyə Saitmuratovanı ömürlük həbs gözləyir. Virtualaz.org xəbər verir ki, bunu Sankt-Peterburq İstintaq Komitəsinin rəhbərinin KİV-lərlə iş üzrə baş köməkçisi, polkovnik Sergey Kapitonov bildirib.
Kapitonov deyib ki, sürücüyə çoxsaylı bıçaq zərbələri endirən, bu gün səhər könüllü istintaqa təslim olan Ə.Mustafayevin barəsində həbs qətimkan tədbirinin seçilməsi üçün vəsatət hazırlanır. Onun vətəndaş nikahında yaşadığı arvadı Zülfiyyə Saitmuratovanın isə axtarışları davam edir. Bu səs-küylü cinayətə görə xuliqanlıq zəminində qəsdən adam öldürməyə görə şübhəlilərin barəsində cinayət işi qaldırılıb. «Həmin maddənin ağırlaşdırılmış hal üzrə tətbiqi şübhəlilərin ömürlük həbs cəzası ilə cəzalandırılmasını nəzərdə tutur»-polkovnik Kapitonov deyib.
İlkin məlumatlara görə Ə.Mustafayev avtobus sürücüsünü azyaşlı uşaqların qarşısında bıçaqlamasını söyüşlə əlaqələndirib. İstintaqa ifadəsində deyib ki, avtobus sürücüsü onu arvadının yanında söyüb, bu səbəbdən sürücü ilə dava edib. Dava zamanı avtobus sürücüsü onu boğmağa çalışdığı üçün bıçağa əl atıb. Mustafayevin bildirdiyinə görə, arvadı ilə hadisədən sonra ayrılıblar və onun hazırda harada olduğunu bilmir.
Xatırladaq ki, bu hadisə geniş rezonans doğurub. Rusiya İstintaq Komitəsinin sədri Aleksandr Bastrıkin işi şəxsi nəzarətinə götürüb və şübhəlilərin tezliklə tapılması üçün göstəriş verib.
***
14:50
Məlumata görə əməliyyatçılar Mustafayevlə əlaqəsi olan bütün azərbaycanlı biznesmenləri, o cümlədən Leninqrad vilayətində və Peterburqda aktiv biznes fəaliyyəti ilə məşğul olan azərbaycanlıları xəbərdar ediblər: əgər Mustafayevin yerini deməsələr və ya o özü təslim olmasa onların ticarət obyektlərinin başının üstünü bütün müvafiq instansiyaların-«Rospotrebnadzor»un, Yanğınsöndürmə Xidmətinin, verginin və s. əməkdaşları kəsdirəcək.
DİN-in Peterburq üzrə Baş idarəsinin əməkdaşı deyib ki, bu xəbərdarlıq öz işini görüb. Dekabrın 27-də səhər tezdən Mustafayev Nevsk rayonu üzrə polis idarəsinin növbətçi hissəsinə gələrək təslim olub.
Mustafayevlə birlikdə olan qadının axtarışları isə davam edir, ancaq onun saxlanılması vaxt məsələsidir.
***
11:46
Rusiyanın Sankt-Peterburq şəhərində idarə etdiyi «Range Rover» avtomobili ilə məktəbliləri ekskursiyadan qaytaran avtobusun qarşını kəsərək sürücünü bıçaqlayan azərbaycanlı biznesmen Əlizadə Mustafayev saxlanılıb. Virtualaz.org xəbər verir ki, 44 yaşlı biznesmen Peterburqun Vsevolojsk rayonunda yaxalanıb. Bundan əvvəl Rusiya İstintaq Komitəsi onun fotolarını yaymışdı və şəhər sakinlərindən xahiş etmişdi ki, şəxsin yaxalanmasına yardım edən informasiyaları hüquq-mühafizə orqanlarına çatdırsınlar.
Bildirilir ki, hazırda Mustafayev Peterburqun İstintaq Komitəsində dindirilir. Barəsində həbs qətimkan tədbirinin seçilməsi üçün onun daha sonra məhkəməyə çıxarılacağı gözlənilir. Ə.Mustafayevin barəsində qəsdən adam öldürməyə cəhd maddəsi ilə cinayət işi qaldırılıb. İnsident zamanı onunla birlikdə avtomobildə olan qadın-30 yaşlı Zülfiyyə Səidmuratova isə axtarılır.
Xatırladaq ki, bu səs-küylü hadisə dekabrın 25-də axşam saatlarında baş verib. «Range Rover» sürücüsü qarşıda hərəkət edən avtobusun manevrlərindən hirslənərək onun qarşısını kəsib. Avtobusun sürücüsünü sükan arxasından dartaraq onunla dava etməyə başlayıb. Dava zamanı Mustafayev bıçaqla avtobus sürücüsünə 3 zərbə endirib. Üstəlik onunla birlikdə avtomobildə olan qadın da küt alətlə yaralı sürücünün qıçlarına vurub. Daha sonra cütlük heç nə olmamış kimi hadisə yerindən uzaqlaşıb. Yaralı avtobus sürücüsü ağır vəziyyətdə xəstəxanaya çatdırılıb. Hadisə avtobusdakı 4-cü sinif şagirdlərinin gözləri qarşısında baş verib, onların bir neçəsi gördüklərindən şoka düşüblər.
Hadisə geniş rezonans doğurub. Ötən gün Rusiya İstintaq Komitəsinin rəhbəri, general Aleksandr Bastrıkin işi şəxsi nəzarətinə götürüb və şübhəlinin tutulması üçün bütün təxirəsalınmaz tədbirləri görməyi tapşırıb.
Ə.Mustafayev 2009-cu ildə Rusiya vətəndaşlığı alıb, Peterburqda yükdaşıma və metal tullantıları biznesi ilə məşğuldur. Müntəzəm olaraq Azərbaycana gəlib-gedir.