«Putin düşünür ki, elə də böyük bədəl ödəmir»
ABŞ Rusiyanın müdaxilə cəhdlərinə «zəif reaksiya verib»
MÖVZU İLƏ ƏLAQƏLİ
-
“İqtisadiyyatlar ksenofobiya səbəbindən durğunlaşır”
Bayden deyir ki, Hindistan, Yaponiya, Çin və Rusiya immiqrantları istəmir
-
Oğurluqda günahlandırılır
Süni intellektə qarşı müəllif hüquqları iddiası qaldırılıb
-
6.5 milyard dollarlıq vəd
“Johnson & Johnson” anlaşma təklif edir
-
Sağ qalmaq üçün böyük düşünmək lazımdır
Regionda Fransanın təsir dairəsində olan ölkələr məğlubiyyətə məhkumdur
-
“İki dövlət həlli artıq çox çətindir”
Tramp “Time”a danışıb: “Nəticə ala bilməsələr, digər ordu birləşmələrini işə salacağam”
-
“Zombi maral xəstəliyi” epidemiyası
ABŞ-nin 50 ştatının 33-də müşahidə olunan virus insana yoluxurmu?
-
Qarğa səsli “bülbül”
Rusiya mediası Ermənistan-Azərbaycan yaxınlaşmasına qərəzlidir
-
Reseptlə satılacaq
ABŞ-də tarixi “marixuana” hazırlığı
-
3,4 milyard dollarlıq təlatüm
Keçən il 60 yaşdan yuxarı 100 mindən artıq ABŞ vətəndaşı fırıldağın qurbanı olub
-
“Türkiyənin Rusiyadan başqa prioritetləri var”
ABŞ mediası: “NATO mümkün müharibəyə hazırlaşarkən daxili problemlərlə mübarizə aparır”
-
Seçkiqabağı sorğu həyəcanı
Tramp və Bayden arasındakı uçurum dərinləşir
-
2027-ci il kabusuna hazırlıq
Böyük müharibədən əvvəl qızıl tədarükü – Çin 17 ayda rekord qırdı
-
Ukrayna cəbhəsində kritik ay
Putin andiçmə mərasiminə və Qələbə gününə hədiyyə kimi Çasov-Yar təpələrini istəyir
-
Rusiyanı gözləyən təhlükə
Ukraynadan qayıdan əsgərlər tərəfindən törədilən qətllərin sayı 9 dəfə artıb
-
Türkiyənin namizədi bəlli oldu
NATO Stoltenberqin varisini müəyyən etməyə tələsir
-
Makron NATO-ya inanmır?
Fransa prezidenti yenə “ortaq Avropa müdafiəsi”ndən dəm vurur
ABŞ prezidenti Donald Tramp kəşfiyyat agentliklərinə Rusiyanın müdaxilə və dezinformasiya kampaniyalarına cavab vermək səlahiyyəti verməyib. Sonucdakı zəif reaksiya Moskvanı çəkindirməyib. ABŞ kəşfiyyat rəsmisi belə bir ifadəylə çıxış edib.
Admiral Mayk Rocers (Mike Rogers) ABŞ Kiber Komandanlığının və Milli Təhlükəsizlik Agentliyinin rəhbəridir. O, fevralın 27-də Konqresdə deyib ki, təhlükəyə cavab verməkdən ötrü addımlar atıb, amma nə Tramp, nə də müdafiə naziri Ceyms Mattis (James Mattis) ona Rusiyanın Birləşmiş Ştatlara narazılıq səpmək cəhdlərini önləmək səlahiyyəti verib.
«Səlahiyyətim xaricində əlavə addımlar atmaqdan ötrü mənə spesifik təlimat verilməyib. Səlahiyyətim çərçivəsində addımlar atmışam, bilirsiz, yaxşı, qabaqlayıcı tədbir görən komandir olmuşam. Mənə əlavə səlahiyyət verilməyib», – Rocers Senatın silahlı xidmətlər komitəsində keçirilən dinləmədə deyib.
Rocersin deməsinə görə, daha aqressiv reaksiyanın gərəkdiyini düşünür, amma prezidentə nə etmək lazım olduğunu da demək istəmir.
«İnanıram ki, Rusiya prezidenti Vladimir Putin belə bir qənaətə gəlib ki, ödənəcək bədəl kiçikdir və ‘bu işi davam etdirə bilərəm’», – Rocers söyləyib.
Ağ Evin mətbuat katibi Sara Sandersin (Sarah Sander) deməsinə görə, Tramp Rusiyanın müdaxiləsini önləməyin yollarını nəzərdən keçirir və üzümüzə gələn həftələr daha çox addım atıla bilər.
«Oturub gözləyirik»
Rocersin bəyanatlarından iki həftə öncə ABŞ kəşfiyyat rəhbərləri ifadələrində Rusiyanın bu ilin noyabrında keçiriləcək seçkidən öncə aparılan kampaniyalara fəal müdaxilə etdiyini bildirir.
Rocers vurğulayıb ki, Birləşmiş Ştatlar Rusiyanın qarşısını kəsməyincə, 2016-cı ildə baş vermiş müdaxilənin davam edəcəyini gözləyir. 2016-cı il prezident seçkisi zamanı Rusiyanın sosial mediada dezinformasiya kampaniyası yaydığı, daxili partiya sənədlərini oğurlayaraq yaydığı bildirilir.
Kəşfiyyat rəsmisinin dedikləri senat komitəsindəki demokratlarda narahatlıq yaradıb.
«Onların seçkimizə müdaxilə etdiyini, dezinformasiya yaydığını... müşahidə edirik, ancaq sadəcə, oturub gözləyirik», – komitənin aparıcı demokrat üzvü Cek Rid (Jack Reed) deyib.
Rocers Birləşmiş Ştatların, sadəcə, oturub gözləməsi fikriylə tam razılaşmadığını söyləyib, ancaq onu da əlavə edib ki, Rusiyadan «gördüyümüz bəzi davranışlarla məşğul olmamışıq demək daha ədalətli olardı».