vaxtlı-vaxtında oxuyun! Çərşənbə axşamı, 25 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Tariximiz bizim üçün dərs olmalıdır. O, heç nəyi silmir»

Heydər Əliyev (1923 - 2003)
KİNO-TEATR  
12:11 | 30 aprel 2024 | Çərşənbə axşamı Məqaləyə 1625 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Depardye həbs olunub

Məşhur aktyor yenə cinsi təcavüz ittihamı ilə üzləşib

FATEH

MÖVZU İLƏ ƏLAQƏLİ

Fransa mediası dünyaşöhrətli kino ulduz Jerar Depardyenin həbs olunduğunu bildirib.

Yerli mətbuatın məlumatına görə, 75 yaşlı aktyor bu gün səhər saatlarında dindirilmək üçün Paris polisi tərəfindən saxlanılıb. Hadisə ilə bağlı polis, prokurorluq, Depardyenin vəkilləri və iddia edilən qurbanlardan birini təmsil edən vəkil mətbuatın suallarına cavablandırmayıb.

Paris prokurorluğu həbslə bağlı “indiki mərhələdə” şərh verə bilməyəcəyini söyləyib. “Associated Press”in suallarına cavab olaraq göndərilən elektron məktubda “mümkün ittihamları qiymətləndirməzdən əvvəl nə təsdiq və ya təkzib edəcəyimiz heç bir məlumat yoxdur” ifadəsi işlədilib.

Depardyenin vəkillərindən Kristian Sen-Pale bazar ertəsi Parisin 14-cü rayonunda polis bölməsinə daxil olarkən görüntülənib. BFM TV və “Le Parisien” qəzeti qeyd edib ki, polisə çağırış 2014 və 2021-ci illərdə çəkiliş zamanı təcavüzə məruz qaldığını iddia edən iki qadının ittihamları ilə bağlıdır.

Bu ittihamlara əlavə olaraq, Depardye 10-dan çox başqa qadın tərəfindən təqib və cinsi təcavüz iddiaları ilə üzləşib. 2020-ci ildə aktyor 28 yaşlı aktrisa Şarlot Arnoldun iddialarından sonra rəsmi şəkildə zorlama və cinsi təcavüzdə ittiham edilmişdi.

Günahının olmadığını açıqlayan Depardye ötən ilin oktyabrında yazdığı açıq məktubda “mən heç vaxt bir qadına təcavüz etməmişəm” demişdi. Uzun müddət Fransada milli simvol hesab edilən Depardye fransız kinosunun qlobal səfirinə çevrilib və Hollivuddakı müxtəlif rolları ilə beynəlxalq şöhrət qazanıb.