ABŞ Çin tarixinin ən mühüm əsərlərindən olan Zikandu İpək Əlyazmalarını ölkəyə qaytardığını açıqlayıb. Çin Mədəni İrs İdarəsindən verilən açıqlamaya görə, ABŞ-ın Vaşinqton şəhərindəki “Smithsonian” İnstitutuna bağlı Asiya İncəsənət Muzeyinin kolleksiyasından olan cildlər bu gün səhər Pekinə gətirilib.

Bilinən ən qədim ipək əlyazmaları, təxminən eramızdan əvvəl 300-cü illərdə yazıldığı təxmin edilən cildlər uzun illərdən sonra ilkin vətənlərinə qayıtdı.

Zikandu İpək Əlyazmaları 1942-ci ildə Çinin Hunan əyalətinin Çanşa şəhərində məzarda qanunsuz qazıntı zamanı aşkar edilib.

Amerikalı kolleksiyaçı tərəfindən 1946-cı ildə qeyri-qanuni yollarla ölkədən çıxarılan cildlər 1992-ci ildə muzeyə hədiyyə edilib.

İnstitut 2022-ci ildə etik qaytarma qaydalarını yenilədikdən sonra cildlərin qaytarılması üçün danışıqlar Çinin müraciəti ilə başladılıb. Qaydalarda edilən dəyişikliklə qurum mövcud standartlara uyğun gəlməyən üsullarla əldə edilən işləri geri qaytarmağı öhdəsinə götürüb.

Zikandu İpək Əlyazmalarının birinci cildi hazırda ABŞ-da Artur M. Sakler Fondunun şəxsi kolleksiyasındadır. Çin səlahiyyətliləri sözügedən həcmin də geri qaytarılması üçün təmaslarını davam etdirir.