vaxtlı-vaxtında oxuyun! Çərşənbə axşamı, 25 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Şeyx Məhəmməd Xiyabani (1880 - 1920)

«Vaxt bizi getməli olduğumuz yerə istiqamətləndirir»

Şeyx Məhəmməd Xiyabani (1880 - 1920)
BÖHRAN  
18:10 | 30 aprel 2024 | Çərşənbə axşamı Məqaləyə 674 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ukrayna cəbhəsində kritik ay

Putin andiçmə mərasiminə və Qələbə gününə hədiyyə kimi Çasov-Yar təpələrini istəyir

CAVİD

MÖVZU İLƏ ƏLAQƏLİ

Ukrayna-Rusiya cəbhəsi aktivləşib. ABŞ-ın gecikmiş yardımını fürsətə çevirən Rusiya şərq cəbhəsində irəliləyişini sürətləndirib. Rusiya ordusu yardımlar Kiyevə çatana qədər strateji yüksəklikləri ələ keçirməyə çalışır. Qış aylarını dron duelləri ilə keçirən Rusiya və Ukrayna yay yaxınlaşdıqca böyük döyüşə hazırlaşır. Rusiya tərəfi, xüsusilə Donbas cəbhəsində 90 mindən çox quru qoşunu ilə kritik mövqeləri ələ keçirməyə diqqət yetirərək, Ukrayna müdafiə xəttini yarmaq planlarını həyata keçirməyə başlayıb. İddia olunur ki, Ukrayna Krım körpüsünü dağıtmaqla Rusiyaya böyük zərbə vurmağı hədəfləyir.

Donbas cəbhəsində döyüş meydanında kritik hadisələr baş verir. Bəhmut və Avdiivka yaşayış məntəqələrini ələ keçirən rus ordusu gündə ən az 300 itki verməsinə baxmayaraq, Çasov-Yar qəsəbəsinə hücumlarını davam etdirir. Ukrayna Baş Qərargah rəisi Aleksandr Sirski cəbhədə vəziyyətin ağır olduğunu etiraf edərək, “Ordumuz Donbas cəbhəsində bir sıra kəndləri tərk edərək yeni müdafiə mövqeyinə çəkilməli olub. Bununla belə, biz bütün gücümüzlə Çasov-Yar təpələrini müdafiə etməyə davam edirik”. 247 metr hündürlüyü olan Çasov-Yar rus qoşunları tərəfindən tutularsa, həmin təpələrdən Krematorsk və Slavyansk şəhərlərinə yol açılacaq. Beləliklə, Rusiya yay aylarında bu təpələrdən intensiv artilleriya dəstəyi ilə bütün Donbas bölgəsini ələ keçirmək imkanı əldə edə bilər.

***

Ukrayna lideri Vladimir Zelenski rusların şərq cəbhəsindəki uğurlarını Qərb müttəfiqlərinin üzərinə ataraq, “Cəbhə belə oldu, çünki müttəfiqlərimiz son 6 ayda bizə hərbi yardım göstərməyi gecikdirdi” deyib.

Rus ordusunun Donbas cəbhəsində çoxlu insan itkisinə baxmayaraq, israrla irəliləmək istəməsi də Rusiyadakı müəyyən siyasi proseslərlə əlaqələndirilir. Buna uyğun olaraq, mart ayında yenidən prezident seçilən Vladimir Putin mayın 7-də keçiriləcək andiçmə mərasimində və hər il 9 Mayda qeyd olunan Qələbə Günündə döyüş meydanındakı uğurlarını nümayiş etdirmək istəyir. Moskva həmçinin keçən həftə ABŞ Konqresinin təsdiq etdiyi 61 milyard dollarlıq hərbi yardımın Kiyevə çatmasına qədər qənimətlərini artırmağı hədəfləyir.

***

Rusiya qoşunları Ukrayna ərazisində hər gün bir neçə addım belə irəliləməyə davam edərkən, Kiyev administrasiyasının “məğlubiyyət” anlayışını məhv etmək üçün yeni hücumlara hazırlaşdığı düşünülür. Hərbi ekspertlər hesab edirlər ki, Ukraynanın revanş planı ABŞ-ın 61 milyard dollarlıq hərbi yardımı təsdiqləməsindən sonra təslim edəcəyi 300 km mənzilli ATACMS raketləri ilə Krım yarımadasını hədəf alacaq.

***

Ukrayna ordusu artıq Krıma “böyük hücumun” xəbərçisi olduğu güman edilən dəqiq əməliyyatlar keçirməyə başlayıb. Ötən gün Ukrayna pilotsuz təyyarələri və raketləri Krımın hava hücumundan müdafiəsinin təmin edən “Tarhankut” aviabazasını vurub. Yarımadada Rusiyanın 5 hərbi hava limanını hədəf alan əməliyyatlara başlayıb. İddia olunur ki, yaxın bir neçə gün ərzində bölgədə yerləşdirilən Rusiya Hərbi Hava Qüvvələri əvvəlcə zərərsizləşdiriləcək, daha sonra Krım körpüsü ATACMS raketləri ilə məhv ediləcək. Kiyev administrasiyası da hər fürsətdə işğal olunmuş Krımda körpünü “qanuni hədəf” kimi gördüklərini bildirir.

***

Qazaxıstanın hərracda satdığı Sovet dövründən qalma 117 MiQ-31, MiQ-27, MiQ-29 və Su-24 döyüş təyyarələrindən 81-ni ABŞ alıb. Rusiyanın “Reporter” xəbər saytının və Ukraynanın “Insider” nəşrinin xəbərinə görə, Vaşinqton bu alışı ofşor şirkətlər vasitəsilə həyata keçirib. Alınma səbəbi açıqlanmasa da, eyni təyyarə modellərinin hamısının Ukrayna ordusunda istismarda olduğu üçün onların Kiyevə təhvil veriləcəyi güman edilir.

***

Digər iddiada isə Ukrayna Silahlı Qüvvələrinin təyyarələrin ehtiyat hissələrindən istifadə edəcəyi və gövdələrinin isə hava limanlarında tələ kimi yerləşdirəcəyidir. Satışların qiyməti 1,5 milyon dollar olaraq açıqlanıb. Qazaxıstan prezidenti Qasım Comərd Tokayev dekabr ayında Almaniyaya səfəri zamanı ölkəsinin Rusiyaya sanksiyalarda kömək etməyəcəyinə zəmanət vermiş və Qazaxıstanın sanksiyalar rejiminə əməl edəcəyini açıq şəkildə bildirmişdi.