ABŞ-ın iqtisadi «müharibəsi»
Tramp bərk qəzəbləndi, ticarət savaşı başlatdı
MÖVZU İLƏ ƏLAQƏLİ
-
“İqtisadiyyatlar ksenofobiya səbəbindən durğunlaşır”
Bayden deyir ki, Hindistan, Yaponiya, Çin və Rusiya immiqrantları istəmir
-
Oğurluqda günahlandırılır
Süni intellektə qarşı müəllif hüquqları iddiası qaldırılıb
-
6.5 milyard dollarlıq vəd
“Johnson & Johnson” anlaşma təklif edir
-
“İki dövlət həlli artıq çox çətindir”
Tramp “Time”a danışıb: “Nəticə ala bilməsələr, digər ordu birləşmələrini işə salacağam”
-
“Zombi maral xəstəliyi” epidemiyası
ABŞ-nin 50 ştatının 33-də müşahidə olunan virus insana yoluxurmu?
-
Reseptlə satılacaq
ABŞ-də tarixi “marixuana” hazırlığı
-
3,4 milyard dollarlıq təlatüm
Keçən il 60 yaşdan yuxarı 100 mindən artıq ABŞ vətəndaşı fırıldağın qurbanı olub
-
Seçkiqabağı sorğu həyəcanı
Tramp və Bayden arasındakı uçurum dərinləşir
-
2027-ci il kabusuna hazırlıq
Böyük müharibədən əvvəl qızıl tədarükü – Çin 17 ayda rekord qırdı
-
Ay uğrunda qızğın mübarizə
Yaponiya Çini geridə qoya bilər
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
ABŞ prezidenti Donald Trampın polad və alüminium idxalına gömrük rüsumları tətbiq etməsi dünyada çaxnaşmaya səbəb olub. Virtualaz.org xəbər verir ki, ABŞ prezidentinin bu qərarı Ağ Evdə getdikcə sıxışdırılması ilə bağlı hiddətlənərək verdiyi üzə çıxıb.
«NBC News» telekanalı ABŞ administrasiyasındakı mənbəyə istinadən bildirir ki, prezident Ağ Evin keçmiş kommunikasiyalar direktoru Houp Hiksin xüsusi prokuror Robert Müllerə Rusiya işi üzrə onun əleyhinə ifadə verməsindən, kürəkəni Cared Kuşnerin dövlət sirrinə çıxış imkanlarının dayandırılmasından və prokuror Ceff Seşnsin son davranışlarından bərk qəzəblənib.
Mənbənin bildirdiyinə görə Ağ evdə Trampı hələ belə görən olmamışdı. «O, açıq-aşkar davaya köklənmişdi və maliyyə naziri Stiven Mnuçinin, habelə iqtisadi siyasət üzrə müşaviri Qari Konun məsləhətlərinə məhəl qoymayaraq qlobal ticarət müharibəsinə başlamağı qərara aldı», - mənbə deyib.
Trampın martın 1-də verdiyi bəyanata əsasən ABŞ-a xaricdən idxal edilən polad və alüminiuma gömrük rüsumu tətbiq ediləcək. Polada 25 faiz, alüminiuma 10 faiz rüsum tətbiq ediləcəyi açıqlanıb. Bu qərar bir həftə sonra qüvvəyə minəcək və ABŞ-a polad, alüminium ixrac edən ölkələri, xüsusən də Çinə və Avropa ölkələrinə, Hindistana və digərlərinə ciddi zərbə vuracaq.
«Biz polad və alüminium idxalına gömrük rüsumu tətbiq edirik. Uzun müddətdən bəri ilk dəfə bizim müdafiəmiz olacaq», - Tramp bildirib. ABŞ prezidenti bunu ölkəsinin ticarət tərəfdaşlarının «haqsız qazanc» əldə etməsi və Birləşmiş Ştatlarda yüz minlərlə iş yerini təhlükə altında qoyması ilə əsaslandırıb.
Trampın qərarı dünya birjalarında neqativ təsirlərə səbəb olub. Qiymətli kağızların ucuzlaşması nəticəsində dünya zənginləri cəmi iki günə yüz milyardlarla dollar itirib. Aparıcı polad və alüminium istehsalçılarının səhmləri ucuzlaşıb.
Artıq ABŞ-a polad və alüminium ixrac edən ölkələrin əksəriyyəti cavab tədbirləri görəcəklərini bildiriblər. Avropa Komissiyasının prezidenti Jan klod Yunker ABŞ-a qarşı cavab tədbirləri hazırladıqlarını açıqlayıb. Çin Birləşmiş Ştatları dünya iqtisadiyyatına və qlobal ticarətə zərbə vuran qərarlardan çəkinməyə çağırıb. Rəsmi Pekin bildirir ki, digər ölkələr də ABŞ-ın addımını təkrarlasa dünya ticarətinə ciddi zərbə dəyəcək. Kanada xarici işlər naziri Xrist Friland da ölkəsinin cavab tədbirləri görəcəyini bildirib. Kanada hər il ABŞ-a 2.5 milyon tona yaxın metal ixrac edir.
Analitiklərə görə Trampın qərarı əsasən ABŞ-la Çin arasında ticarət müharibəsinə gətirib çıxaracaq. Çünki Çin ABŞ-a ən çox polad ixrac edən ölkədir və təbii ki, Trampın qərarından ciddi ziyan çəkəcək. Digər tərəfdən Trampın qərarına görə ABŞ iqtisadiyyatına da ciddi zərər dəyəcək, bu qərarın xeyrindən çox ziyanı olacaq.