Yalançı Pantiç
«Mənim hər dediyimi ciddi qəbul etməyin»
Emin SƏFƏROV
MÖVZU İLƏ ƏLAQƏLİ
-
2777 yaşlı şəhər
İtaliyanın paytaxtının yaranış günü qeyd olunub
-
Norveçdə bomba xəbərdarlığı
Parlament boşaldılıb
-
Bolqarıstan və Rumıniya Şengen zonasında
Uzun sürən danışıqlardan sonra Avstriyanın “saqqızını oğurlaya bildilər”
-
Aİ-nin gizli həbsxanaları
Günlərlə yeməksiz, susuz kazarmalarda saxlanılıb ...
-
Polis çinlilərin izində
Rəsmi Pekinin İtaliyada qurduğu məntəqələrlə bağlı araşdırma başladılıb
-
Bolqarıstandan Aİ-yə etiraz
Rəsmi Sofiyanın Şengen zonasına daxil olmaqdan imtina edilməsinə reaksiyası sərt oldu
-
Zaqreb üçün böyük gün
Aİ Xorvatiyanın Şengen zonasına daxil olmasını təsdiqləyib
-
“La Scala”ya boyalı hücum
İqlim fəallarının növbəti etiraz aksiyası
-
“Mərmilərini belə göndərmədilər”
Ukraynalılar İtaliyadan gələn vaxtı keçmiş silahlara reaksiya verib: “II Dünya müharibəsindəkilərdən də pis”
-
İtaliyalı diplomata hücum
Afinada səfirlik işçisinin avtomobilini yandırdılar
-
Yeni hökümət Ukrayna siyasətini dəyişmədi
İtaliya Kiyevə silah tədarükünü uzatmaq qərarına gəlib
-
Yaponiyada bir ilk
Üç ölkə müştərək təyyarə hazırlayacaq
-
“Türkiyənin terrorla mübarizə hüququ var”
Norveç baş nazirindən Ankaraya dəstək mesajı
-
İtaliyada fövqəladə vəziyyət
Torpaq sürüşməsi nəticəsində 7 nəfər ölüb, 5 itkin var
-
Fransalı nazir İtaliyanı hədələdi
Ketrin Kolonna: “Davam etsə, nəticələri olacaq”
-
Qeyri-təbii sevgi
Norveçin qəfil “erməni eşqi”nin səbəbi bəlli oldu
«Buraya Azərbaycan futbolunu qaldırmaq üçün gəlmişəm». Bu cür ifadələri ölkəmizə gələn əcnəbi məşqçilərdən çox eşitmişik. Görünür, onlar Azərbaycan futbolunun qış yuxusuna getdiyini zənn edirlər. Amma onların bu cür açıqlaması heç də inandırıcı və səmimi görünmür. Çünki indiyə qədər ölkəmizə gələn onlarla əcnəbi məşqçi bu sözünü heç də əməldə sübut edə bilməyib. Görünür, qəliz olan futbolumuzdan baş çıxarmaq heç də hər kişinin işi deyil. Bunun üçün futbolumuzun dərinliklərinə varmalı, problemləri araşdırıb, həlli üçün bir sıra variantlardan istifadə etməlidilər.
«Bakı»nın baş məşçisi Milinko Pantiç də «futbolunuzu qaldıracam» deyənlərdəndi. Amma «Bakı» - «Sumqayıt» matçından sonra mətbuat konfransında serbiyalı mütəxəssis «Azərbaycanın AÇ-2016-nın seçmə mərhələsindəki rəqibləri necə dəyərləndirirsiz» sualına sualla cavab verdi. Daha doğrusu o, tərcüməçisi Vüqar Əliyevdən Azərbaycanın hansı yığmalarla qarşılaşacağını soruşdu. Tərcüməsi Norveç, Xorvatiya, Malta, İtaliya və Bolqarıstan dedikdə, o «çox çətin qrupdu» deyərək cavab verdi.
Sən demə, Pantiç Azərbaycanın hansı komandalarla qarşılaşacağından belə xəbərsiz imiş. Bu üzdən mətbuat konfransında biz də «zolaqlılar»ın çalışdırıcısına belə bir sual verməli olduq:
- Hər zaman açıqlamalarınızda qeyd edirsiz ki, Azərbaycan futbolunu inkişaf etdirmək üçün gəlmişəm. Ancaq bu gün Azərbaycan yığmasının rəqiblərinin kim olmasından xəbərsizsiz. «Futbolunuzu qaldıracam» deyən mütəxəssisin bu ölkənin yığmasının rəqiblərindən xərbərsiz olması nə dərəcədə düzgündü?
- Sizə kim deyir ki, mən Azərbaycanın hansı komandalarla qarşılaşacağından xəbərsizəm?
- Hər halda xəbəriniz olsaydı, tərcüməçinizdən soruşmazdız...
- Mənim hər dediyimi ciddi qəbul etməyin.
Pantiçin dediyi kimi, onun hər sözünü ciddiyə almaq lazım deyilmiş. Biz də ona inanmışdıq ki, serb doğrudan da bizim futbolumuzu qaldırmağa gəlib. Amma Pantiç özü sübut etdi ki, yalan açıqlamaları ilə başımızı aldadırmış. Görünür, o da ölkəmizə digər həmkarları kimi sadəcə, çörəkpulu qazanmağa təşrif buyurub.
Amma Pantiç ən azı ötən gün qalib gələ bilmədiyi «Sumqayıt»ın gənc məşqçisi Aqil Məmmədovdan çox şey öyrənə bilər. Məsələn, azərbaycanlı məşqçi ona yerli və gənc futbolçularla, kiçik büdcə ilə də necə əzmkar komanda yaratmaq mümkün olduğunu göstərdi. Görəsən, Pantiç də «kasıb» «Sumqayıt»ın bu təcrübəsiz uşaqlarını çalışdırmağa, bu komanda ilə də «Azərbaycan futbolunu qaldırmağa» razı olardı? Çətin. Axı yuxarıda da qeyd etdiyimiz kimi, serbi «Bakı»ya gətirən, belə gəlişigözəl sözləri tez-tez deməyə məcbur edən Hafiz Məmmədovun ona verdiyi layiq olmadığı pullardı.