İllərdir San-Fransiskoda sınaqdan keçirilmiş sürücüsüz avtomobillər – hərəkəti dayandırmaq, yanğınsöndürmə və təcili yardım maşınlarına mane olmaq, heyvanları öldürmək, yaş betonun üstünə çıxmaq kimi qəzalarının mərkəzində olub.

Soma məhəlləsində “Waymo”nun robottaksiləri ilə dolu dayanacaq son həftələrdə yerli sakinləri bezdirib. Bildirilir ki, avtomobillər səhər tezdən bir-birinə siqnal verirlər.

Mülkiyyətin yaxınlığındakı binada yaşayan Kristofer Çerri “NBC Bay Area”ya açıqlamasında “İş saatları zamanı çox diqqəti yayındırır, lakin ən əsası bizi səhər 4-də yuxudan oyandırır”, – deyib.

Sakinlər bildirirlər ki, səs siqnalı adətən səhər tezdən ən yüksək həddə çatır, o zaman ki, az adam “Waymo” taksilərində gəzintilər üçün müraciət edir.

Təsəvvür edin ki, səhər saat 4-də bir-birinə siqnal verən maşınların səsinə oyanırsınız. Bəzi San-Fransisko sakinləri həftələrdir bunu yaşayırlar.

“Waymo” sözçüsü bildirib ki, “Biz bu yaxınlarda digər avtomobillərin geri dönərkən çox yaxınlaşdıqda siqnal verərək sürətin aşağı salınması ilə toqquşmaların qarşısını almaq üçün faydalı funksiya təqdim etdik. Şəhərdə əla işləyir, lakin biz öz dayanacaqlarımızda belə tez-tez baş verəcəyini bilmirdik. Proqram təminatını yenilədik ki, avtomobillərimiz gələcəkdə qonşularımızı narahat etməsin”.

Səhər canlı yayımda həqiqətən də bir çox “Waymo” taksisinin dar bir ərazidə bir-birinin ətrafından keçdiyi, lakin heç bir siqnal səsi eşidilmədi.

Bu avtomobillər San Fransiskoda və ölkənin qalan hissəsində təhlükəsizlik və etika ilə bağlı qızğın müzakirələrin mərkəzindədir.

Keçən il GM tərəfindən dəstəklənən “Cruise” avtomobillərdən biri qadını vurub onu 6metr sürüklədikdən sonra ştat daxilində sürücüsüz nəqliyyat vasitələri parkı dayandırıldı.

“The San Francisco Examiner”in məlumatına görə, şirkət San Fransiskoda və ştatın qalan hissəsində fəaliyyət göstərməyə görə icazə almaq üçün müraciət etməyə başlayıb.