vaxtlı-vaxtında oxuyun! Bazar, 19 noyabr 2017
ABŞ dolları 1 USD = 1.7002 AZN
Avro 1 EUR = 2.0070 AZN
Rusiya rublu 1 RUB = 0.0285 AZN
İngilis funt sterlinqi 1 GBP = 2.2488 AZN
Türk lirəsi 1 TRY = 0.4410 AZN
Şeyx Məhəmməd Xiyabani (1880 - 1920)

«Vaxt bizi getməli olduğumuz yerə istiqamətləndirir»

Şeyx Məhəmməd Xiyabani (1880 - 1920)
MÜƏLLİF  
17:09 | 3 sentyabr 2014 | Çərşənbə Məqaləyə 675 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

««Harınlamış uzunqulaq» sindromu»

«Oazis»də baş verən və buna bənzər olaylarda dördayaqlılara xas xüsusiyyət dayanır

Azər SARIOĞLU

MÖVZU İLƏ ƏLAQƏLİ

«Oazis» restoranında döyülənlərin kimliyi və nəçiliklərini, həqiqətən haqlı olub-olmadıqlarını bilmirəm. Amma bu restoranda bir neçə dəfə dəvətli müsafir olmuşam və xidmət səviyyəsinin çox aşağılığına şahidlik etmişəm. Sahibi hacıdır, ona görə də restoranda spirtli içki satılmır, amma restorana qadınsız girmək qadağandır. Menecer və ofisiantları da ayrı aləmdir. Bir yoldaşımız ofisianta 5 manat çay pulu veribmiş, sifətini bozardıb ki, bu nədir? Dünyanın heç yerində çay pulunun azlığına, yaxud verilməməsinə görə müştəriyə açıq narazılıq ifadə etməzlər, bircə bizdən başqa.

Bakının bir çox restoranlarında menecerlər səviyyəsiz, özündən razı və qudurğan tiplərdir. Azərbaycan bəlkə yeganə məmləkətdir ki, burada «müştəri haqlıdır» prinsipi işləmir, müştəri məmnuniyyəti diqqətə alınmır. Ofisianta irad bildirəndə səninlə «razborka» edir. Dəfələrlə restoranlarda ofisiantların, menecerlərin açıq-saçıq geyinmiş qızlara tərbiyəsiz yanaşmanın şahidi olmuşam. Bunun bir çox səbəbləri var. Amma əsas səbəb sözügedən sektorla bağlı müəyyən olunmuş standartlara riayət edilməsinə ciddi nəzarətin olmaması və menecerlərin təhsilsizliyidir. Xaricdə, məsələn, qardaş Türkiyədə bu işi görənlər ixtisaslaşmış kolleclərdə təhsil görmüş şəxslərdirlər. Bizdə isə götürürlər qoldan güclü, başdan xarab adamı menecer kimi işə, cibinə də bir-iki manat girdimi, dönür harınlamış uzunqulağa. Kənd uşaqları bilir, harınlamış uzunqulaq sahibini də qapır, o da ola özgəsini.

Amma bu o demək deyil ki, guya biz müştərilər də günahsızıq və daima haqlıyıq, səviyyəmizdən yanımızdan keçilmir. Xeyir, biz də müştəri kimi üzərimizə düşənləri etmirik. Təmizlik, səliqəlilik, mədəni davranış kimi insana aid elementar davranış elementlərini unuduruq. İllah da cibimizdə bir-iki manat artıq pul ola. Bu gün də toylarda oynamaq, mahnı sifarişi üstündə dava salırıq. Uşaqlıqda kənddə tez-tez müşahidə edirdim. Gənclər bostan məhsulları, ot mövsümündə toylarda mahnı sifarişi üstündə dava salardılar. Qışda isə boyunlarını büküb toyxananın kənarından baxırdılar ki, bəlkə kimsə rəqsə dəvət edə.

Yeri gəlmişkən, qışda uzunqulaqlar da az oynaqlayır. Otu az, arpası az, işi də çox. Nə gününə oynaqlayacaq. Məncə «Oazis» də baş verən və buna bənzər digər hadisələrin kökündə də uzunqulaqlara, ümumilikdə dördayaqlılara xas xüsusiyyət dayanır. Mən iki əsrdir mübtəla olduğumuz bu bəlanı belə adlandırıram: ««Harınlamış uzunqulaq» sindromu».


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)