«Qalatasaray»ın baş məşqçisi Roberto Mançini yeni mövsümdə də klubu çalışdıracaq. Qol.Az-ın «Hürriyət» qəzetinə istinadən yaydığı xəbərə görə, azarkeşlərin italiyalı mütəxəssisin istefaya göndərilməsini tələb etməsinə baxmayaraq, klub rəhbərliyi hazırkı baş məşqçi ilə yolları davam etməyi qərara alıb.

Qeyd edək ki, belə bir qərar  klubun prezidenti Ünal Aysalla Roberto Mançinin görüşündə verilib. Görüş zamanı Aysal təcrübəli mütəxəssisə inandıqlarını və onunla əməkdaşlığı davam etdirmək istədiklərini bildirib. Mançini isə Aysala «Qalatasaray»ın daha uğurla çıxış edəcəyinə söz verib. O vurğulayıb ki, «Cim-Bom» yalnız «Çelsi» ilə matçda pis oyun nümayiş etdirib. Mançini həmçinin azarkeşləri bir qədər səbirli olmağa çağırıb.