09:03 | 27 iyun 2014 | Cümə
Məqaləyə 1638 dəfə baxılıb
Şriftin ölçüsü
NATO-ya daha da yaxınlaşır
Uels sammiti sırf Gürcüstana həsr olunacaq
MÖVZU İLƏ ƏLAQƏLİ
-
NATO hazırlıqlarına başladı!
Alman ordusu xəbərdarlıq etdi – 3-cü Dünya müharibəsi qapının astanasında
-
Müharibə qaçılmazdır?
Azərbaycanın hərbi gücünü artırmasının səbəbləri
-
Nazirlərin təyyarəsi xarab oldu
İki ölkə rəsmiləri arasında günlərdir gözlənilən görüş təxirə salındı
-
NATO-dan İsveç və Finlandiyaya rəhbərlik təklifi
“Baltik dənizindən Arktikaya qədər Şimali Avropanın təhlükəsizliyini təmin etmək”
-
... “Silah, yoxsa yağ?”
Avropanın acı dilemması ...
-
Stoltenberqdən özünü tənqid
“NATO Ukrayna müharibəsinin qarşısını almaq üçün daha çox şey edə bilərdi”
-
“İntiqam yoluna qədəm qoyub”
“Qərb Ukrayna tipli müharibəyə hazırlıq üçün Asiyada ittifaqlar qurur”
-
Putindən Qərbə xəbərdarlıq
“Rusiyaya hücuma icazə vermək müharibəyə qoşulmaq deməkdir”
-
Stoltenberqə yeni vəzifə
Münhen Təhlükəsizlik Konfransının sədri ilk dəfə alman olmayacaq
-
NATO-dan mesaj
“Avropa və Asiyanın təhlükəsizliyi ayrılmazdır”
-
“Vəziyyət ciddidir”
NATO-ya Rusiya xəbərdarlığı
-
Berlindən Moskvaya növbəti ittiham
“Rusiya hərbi kəşfiyyat bölməsi NATO ölkələrinə kiberhücumlar həyata keçirib”
-
Seçkidən 5 gün sonra yanğın
Saksoniya dağlarındakı yanğın əyalətə nə qədər ziyan vurub?
-
ABŞ ordusu neçə cəbhədə döyüşə bilər?
Müttəfiqləri öz müdafiələri barədə düşünməli, Pentqaona çox da bel bağlamamalıdır
-
Stoltenberqdən Çinə çağırış
NATO-nun baş katib: “Rusiyaya dəstəyi dayandırın”
-
Siyasətdən gedir
Tobias Billströmdan istefa qərarı
İyunun 25-də NATO baş katibi Anders Foq Rasmussen bildirib ki, NATO-nun sentyabr ayı keçiriləcək Uels sammitində Gürcüstan üçün «üzvlük üzrə fəaliyyət planı» (MAP) müzakirə olunmayacaq. Əvəzində isə alyans Gürcüstanı NATO-ya daha da yaxınlaşdırmaq üçün «mühüm paket» hazırlayacaq. Rasmussen bildirib ki, təklifin təfərrüatları üzərində işləmək lazımdır. Bu barədə «Civil.ge» xəbər verir.
Qeyd edək ki, NATO baş qərargahında Rasmussen iyunun 25-də açıqladığı əməkdaşlıq üzrə «mühüm paket» və Gürcüstan üçün üzvlük üzrə fəaliyyət planı haqqında sualları cavablandırıb. «Uels sammiti üzvlük üzrə fəaliyyət planına deyil, Gürcüstanın NATO-ya yaxınlaşdırılmasına həsr olunacaq», - o deyib.
«Bu, mühüm bir paket olacaq. Biz Gürcüstanla birlikdə sammitə qədər bu təkliflər paketi üzərində işləyəcəyik. Təəssüf ki, mən indi sizə paket haqqında dəqiq məlumat verə bilməyəcəyəm. Sammitə qədər bunun üzərində işləmək lazımdır», - Rasmussen deyib.
«Onu deyim ki, 2008-ci il Buxarest qərarı hələ qüvvədədir. Yadınızdadırsa, biz Gürcüstanın vacib tələbləri yerinə yetirməsi şərti ilə, NATO üzvü ola biləcəyinə qərar vermişdik. Sammitə qədər hazırladığımız təkliflər paketi Gürcüstanı NATO-ya daha da yaxınlaşdıracaq», - o əlavə edib.
Xatırladaq ki, 2008-ci il Buxarest sammitində NATO liderləri Gürcüstanın NATO-ya qoşulması üçün üzvlük üzrə fəaliyyət planından (MAP) imtina etmişdilər. Buna baxmayaraq, liderlər Gürcüstanın gələcəkdə nə vaxtsa NATO-ya qoşula biləcəyinə söz verdilər. Buxarest sammitində verilən qərarda həmçinin bildirilir ki, MAP (üzvlük üzrə fəaliyyət planı) Gürcüstanın «birbaşa üzvlüyü yolunda» ilk addım olmalıdır. NATO-nun Gürcüstanla bağlı əlavə qərarlarında da alyansa qoşulmaq üçün əvvəl «MAP mərhələsi»ni keçməli olduğu bildirilir.
İyunun 2-də Almaniya kansleri Angela Merkel Berlində Gürcüstanın baş naziri İrakli Qaribaşvili ilə görüşüb. Kansler görüşdən sonra bildirib ki, Uels sammitində Gürcüstan üçün «üzvlük üzrə fəaliyyət planı»nın gündəlikdə olmayacağını düşünür. O həmçinin bildirib ki, Gürcüstanın NATO-ya yaxınlaşması üçün MAP-dan başqa yolların da olması sammitin qərarları ilə təsdiqlənə bilər.
