vaxtlı-vaxtında oxuyun! Çərşənbə, 12 dekabr 2018
1 ABŞ dolları 1 USD = 1.7000 AZN
1 Avro 1 EUR = 1.9326 AZN
1 Rusiya rublu 1 RUB = 0.0255 AZN
1 İngiltərə funt sterlinqi 1 GBP = 2.1384 AZN
1 Türkiyə lirəsi 1 TRY = 0.3191 AZN
Heydər Əliyev (1923 - 2003)

«Vətənpərvərlik insanın daxilindəki duyğulardır. Əgər bunlar yoxdrusa, o insan mənəviyyatsızdır»

Heydər Əliyev (1923 - 2003)
STOLÜSTÜ  
11:11 | 13 noyabr 2018 | Çərşənbə axşamı Məqaləyə 993 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

32 fiqur və 64 xana

Yaxud Aleksandr Alyoxin, soyuqqanlı vikinq və temperamentli italyalı...

Vüsal BAĞIRLI

Məndə şahmata maraq məşhur rus şahmatçısı Aleksandr Alyoxinin həyatından bəhs edən, indi isə adını xatırlamadığım sovet filmini izlədikdən sonra yarandı. Oyunun qaydalarını bilməsəm də, araşdırmağa başladım. Sonra, digər qrossmeysterlər, Lasker, Kapablanka, Eyve, Steynts, Fişer haqqında oxudum.

Kənddə bağda, ağaclar, otlar arasında, əsrarəngiz yay gecələrində hər axşam şahmat oyunları keçirilərdi. Oyunlar bəzən səhərə qədər davam edərdi.

Ağ-qara damalı taxta üzərinə düzülən anlaşılmaz fiqurlar məni cəzb edir, oyunçuların dərin düşüncələrə dalaraq alınlarını ovuşdurması, gərgin mimikalar, oyun həyəcanları, mübahisələr maraqlı gəlirdi.

Heç bir hərəkət uşaq təfəkkürünün həssas diqqətindən yayınmırdı. Beləcə müşahidə edir, gedişləri, kombinasiyaları, qalaqurma, müdafiə və hücum üsullarını öyrənirdim.

Yadıma düşür, 6 ya 7 yaşım olarkən, evimizin yanında açılmış şahmat məktəbində yaşca və bədəncə özümdən xeyli böyük rəqibimin bütün fiqurlarını udmuşdum. Lakin, onu mat vəziyyətinə sala bilmirdim Və buna görə də, qəzəbimdən ağlayır, göz yaşı tökürdüm. 

O vaxtdan, sirli və möcüzəli oyun məni öz sehrinə və tilsiminə saldı.

Nəyi yazmaq istəyirdim, hara gedib çıxdım?

Beləliklə, noyabr ayının 9-u bu qədim oyunun əsas turniri Londonda start götürdü. Yaxın 19 gün ərzində, dumanlar və çiskinlər şəhərində “dünyanın ən yaxşı şahmatçısı kimdir?” sualına cavab tapılacaq.

Bəs ən güclü kim olacaq?

Virtuoz, improvizə, mittelşpil və endşpil ustası Maqnus Karlsen, yoxsa şahmat elitasına tanış olmayan sima, ciddiyə alınmayan gənc, amerikalı Fabiano Karuana?

Vikinq soyuqqanlılığı ya italyan temperamenti? Bunlardan hansı?

Hələlik, olduqca ehtiyatlı keçən iki oyunda heç-heçə qeydə alındı.

Bütün suallara isə28 noyabrda, 12 partiyalıq turnirin sonuncu günü cavab veriləcək. Əgər, bütün 12 oyun sülhlə başa çatsa, bu zaman özündə sürətli şahmatı, blitsi və ölüm partiyasını birləşdirən tay-breyk mərhələsi başlayacaq.

Bizə isə,  hücum taktikalarına, hiyləgər kombinasiyalara, qeyri-adi debütlərə, gözlənilməz endşpillərə baxmaq və bu yüksək səviyyəli oyunlardan zövq almaq qalır.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *
 
 

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)