Azərbaycanda repititorlar 5-dən 9-cu sinfə qədər riyaziyyatdan hazırlaşan şagirdlərə «Namazovun kitabı»nı almağı tapşırır, hətta məktəblərdə də dərsliklə yanaşı çalışma kitabı kimi ondan istifadə olunur.

«Namazovun kitablarındakı tapşırıqlar çətin və düşündürücüdür, uşaq daim duşundükcə beyni fəallaşır», Bakıda hazırlıq kurslarının birində dərs deyən riyaziyyat müəllimi Rüfanə Babayeva «BBC Azərbaycanca»ya deyir.

O əlavə edir ki, Namazovun kitablarında təkcə dərslikdəki mövzu əhatə edilmir, həm də əlavə tapşırıqlar verilir.

Sadəcə, «Namazov» kimi tanınan riyaziyyatçı Mübariz Namazov Bakının Texniki-Humanitar Liseyində dərs deyir.

1996-cı ildə ilk riyaziyyatdan çalışma kitabını yazan Mübariz Namazovun 60-dan çox vəsaitin müəllifidir. O, dərslik yazmaq təklifindən hər dəfə imtina edib:

«Dərslik üçün çox tələblər qoyulur. Çalışma belədir ki, yazırsan, birinin xoşuna gələcək, birinin gəlməyəcək. Sovet dövründəki kimi əlavə çalışmalar vardı, mən də bu yolu davam elətdirirəm».