vaxtlı-vaxtında oxuyun! Çərşənbə axşamı, 31 yanvar 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
ELM-TƏHSİL, DİN  
14:55 | 26 noyabr 2022 | Şənbə Məqaləyə 2070 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Bizim qırmızı sevgimiz

(Xatirələr silsiləsindən)

İlqar RƏSUL

MÖVZU İLƏ ƏLAQƏLİ

M.Ə. Rəsulzadə adına BDU-nun tələbəsi idim. Qalmağa ev olmasına baxmayaraq, yataqxanada qalırdım ki, tələbəçiliyi sümüyümə, iliyimə qədər hiss edim. Otaqda üç nəfər qalırdıq. Yaşca məndən bir az kiçik idi həmin iki nəfər(otaq o iki nəfərdən birinin idi). Biri tarix f-də, biri hüquq f-də oxuyurdu. Tələbəçilik bitirdi artıq. Bir gün hüquqda oxuyanla otaqda oturmuşduq, tarixdə oxuyan şəstlə girdi içəri, ortalıqda olan köhnə jurnal masasının üstünə bir qırmızı diplom çırpdı, dedi, di süfrə açın. Hay-küylə təbrik etdik onu, süfrə açıb qeyd elədik. Yemək içməyin şirin yerində hüquqda oxuyana barmaq silkələyib, hökmlə dedim ki: mənim evimə başqa rəngdə diplom girə bilməz, ancaq qırmızı!

Gülüşdük hamımız. Aradan bir müddət keçdi. Bir gün tarixdə oxuyanla otaqda oturmuşduq, hüquqda oxuyan şəstlə girdi içəri, ortalıqda olan köhnə jurnal masasının üstünə bir qırmızı diplom çırpdı, dedi, di süfrə açın. Hay-küylə təbrik etdik onu, süfrə açıb qeyd elədik. Yemək içməyin şirin yerində hüquqda oxuyanla tarixdə oxuyan qəfil bir-birlərinə baxdılar, sonra mənə sarı ərklə barmaq silkələyərək, xorla ucadan dedilər ki: bizim evimizə başqa rəngdə diplom girə bilməz, ancaq qırmızı! Gülüşdük hamımız. 

Bir gün hüquqda oxuyanla tarixdə oxuyan otaqda oturarkən şəstlə girdim içəri, ortalıqda olan köhnə jurnal masasının üstünə jurnalistika fakültəsinin qırmızı diplomunu çırpıb, dedim, di süfrə açın. Hay-küylə məni təbrik etdilər, süfrə açıb qeyd elədik. Yenə də tarixdə oxuyanın bişirdiyi pomidor-yumurta, hüquqda oxuyanın qonşudan aldığı kələm turşusu, mənim şəhərciyin girişindəki dükandan aldığım araqla... 

Bax biz BDU-nu (orada oxumağımızı) belə sevirdik...


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)